ԵՐԵՎԱՆ, 22 ապրիլի — Sputnik. Հանրապետության հրապարակում տեղի ունեցող հանրահավաքում փորձում էր ելույթ ունենալ նաև Երևանի ավագանու «Երկիր ծիրանի» խմբակցության ղեկավար Զարուհի Փոստանջյանը:

Նա հարթակ բարձրացավ այն պահին, երբ հարթակից հավաքվածներին իր խոսքն էր ուղղում ճանաչված դերասան Հովհաննես Ազոյանը: Նա Ազոյանի ձեռքից վերցրեց խոսափողն ու փորձեց ելույթ ունենալ: Սակայն, հավաքի կազմակերպիչները անջատեցին խոսափողի ձայնն ու երաժշտություն միացրեցին՝ նրան հորդորելով լքել հարթակը:

Նշենք, որ մինչ այդ կազմակերպիչները հայտարարել էին, որ տարբեր քաղաքական ուժերի ներկայացուցիչներ ցանկություն էին հայտնել ելույթ ունենալ հրապարակում, բայց պայքարի կազմակերպչական ու գաղափարական գիծը պահելու համար, ստիպված են մերժել նրանց:

«Մեր սիրելի Զարուհի Փոստանջյանը ամեն կերպ փորձում էր խլել միկրոֆոնն ու ելույթ ունենալ»,- հայտարարեց հարթակին մոտեցած Նիկոլ Փաշինյանի կինը՝ լրագրող Աննա Հակոբյանը՝ մեկնաբանելով, թե ինչն է պատճառը, որ Փոստանջյանին թույլ չեն տվել ելույթ ունենալ: Բանն այն է, որ Աննա Հակոբյանի խոսքով, երբ Նիկոլ Փաշինյանը սկսել էր շարժումը, Փոստանջյանը հայտարարում էր, որ Փաշինյանը ծախված է: «Մենք սիրում ենք մեր Զարուհի Փոստանջյանին, խնդրում ենք չնեղանալ: Այստեղ այլևս ծախված մարդիկ չկան: Մենք սիրում ենք բոլորին»,- հայտարարեց Փաշինյանի կինը: Նա իր ելույթում խոսք ուղղեց նաև Սերժ Սարգսյանին՝ խնդրելով հրաժարական տալ:

Հիշեցնենք, որ Հանրապետության հրապարակում նախապես հայտարարված հանրահավաքը, չնայած հիմնական կազմակերպիչների ձերբակալություններին, մեկնարկեց:

Ամբիոնից հայտարարվեց նաև, որ անհնազանդության ակցիաներն ամեն առավոտ սկսվելու և օրվա ընթացքում շարունակվելու են Երևանի տարբեր թաղամասերում ու մարզային բնակավայրերում:
Կոչ արվեց նաև շարունակել գործադուլներն ու դասադուլները: Իսկ ամեն երեկոյան բողոքի ակցիաները, ձևավորված ավանդույթով, կավարտվեն Հանրապետության հրապարակում կազմակերպվող հանրահավաքից հետո:

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը