Հավաքից հեռացված Փաշինյանը ֆեյսբուքում հայտարարություն է տեղադրել
(Թարմացված է 15:23 22.04.2018)
ԱԺ պատգամավորների գտնվելու վայրն ու կարգավիճակն անհայտ է: Փաշինյանը համախոհներին ու պետական պաշտոնյաներին է դիմել ֆեյսբուքով:ԵՐԵՎԱՆ, 22 ապրիլի — Sputnik. Երևանի Էրեբունի համայնքում ընթացող հանրահավաքից հեռացվելուց հետո Նիկոլ Փաշինյանն իր ֆեյսբուքյան էջում հայտարարություն է տարածել, որտեղ Սերժ Սարգսյանի հրաժարականը պահանջող քաղաքացիներին կոչ է անում դուրս գալ փողոց ու ապակենտրոնանալ:
Նիկոլ Փաշինյանն իր խոսքն է ուղղել նաև քաղաքական ուժերին: «Իրենց ընդդիմադիր համարող բոլոր քաղաքական ուժերին. կոչ արեք մարդկանց դուրս գալ փողոց»,- նշում է Փաշինյանը` հավելելով, որ լռողներն ու տուն գնալու կոչ անողները վնասում են Հայաստանին:
Իսկ նախարարներին, վարչությունների պետերին, ՀՀԿ պատգամավորներին ու ոստիկանության ղեկավարներին Փաշինյանը հորդորում է հրաժարական ներկայացնել ու չկիսել բռնությունների պատասխանատվությունը։
Հիշեցնենք, որ այսօր 12:30-ի սահմաններում ոստիկանությունը բռնի ուժ կիրառելով՝ Արցախի փողոցից հեռացրեց հավաքների բոլոր կազմակերպիչներին ու ակտիվիստներին, որոնց թվում՝ ԱԺ պատգամավորներ Նիկոլ Փաշինյանին ու Սասուն Միքայելյանին:
Պատգամավոր Արարատ Միրզոյանն էլ իր մտերիմների միջոցով տեղեկացրել է, որ ինքն այս պահին գտնվում է Ոստիկանության Շենգավիթի բաժանմունքում:
ԱԺ պատգամավորներն ունեն պատգամավորական անձեռնմխելիություն: Նրանց ազատությունից զրկելու համար ԱԺ-ն պետքն է արտահերթ նիստ գումարի և դատախազության ներկայացրած նախագծի վերաբերյալ որոշում կայացնի:
Դատախազությունը հերքում է Օնիկ Գասպարյանի նկատմամբ քրգործ հարուցելու մասին լուրերը
ԵՐԵՎԱՆ, 3 մարտի - Sputnik. ՀՀ գլխավոր դատախազությունը հերքում է Զինված ուժերի գլխավոր շտաբի պետ Օնիկ Գասպարյանի նկատմամբ քրեական վարույթ հարուցելու մասին լուրերը: Sputnik Արմենիային այս մասին հայտնեցին ՀՀ գլխավոր դատախազության հանրային կապերի բաժնից։
«Քրեական վարույթներն ընդհանրապես քրեադատավարական սուբյեկտ չհանդիսացող անձանց քաղաքական հրահանգների հիման վրա չեն հարուցվում, այլ առերևույթ հանցագործության դեպքի կամ փաստի: Օնիկ Գասպարյանի վերաբերյալ որևէ քրեական վարույթ չկա հարուցված»,–ասացին գլխավոր դատախազության հանրային կապերի բաժնից:
Հիշեցնենք, որ ԶԼՄ–ներում լուրեր էին տարածվել, որ քաղաքական հրահանգ է տրված, որպեսզի քրեական գործ հարուցեն Զինված ուժերի գլխավոր շտաբի պետ Օնիկ Գասպարյանի դեմ:
թեգերը:
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։