ԵՐԵՎԱՆ, 22 Ապրիլ — Sputnik. ՀՀ հատուկ քննչական ծառայությունը հայտարարություն է տարածել ևս երկու անձի ձերբակալության մասին: Մեկը «Իմ քայլը» նախաձեռնության անդամ Դավիթ Սանասարյանն է:

© Sputnik / Ashot Safaryan

Ոստիկանները հսկում են Հանրապետության հրապարակը, ցուցարարները երթեր են իրականացնում

ՀՔԾ-ն փոխանցում է, որ Սանասարյանը 2018-ի ապրիլի 13-ից Երևանում կազմակերպել և ղեկավարել է անօրինական հավաքներ, հավաքի մասնակիցներին ուղղորդել է և նրանց հետ ապօրինի մուտք է գործել Երևանի պետական համալսարանի, Հանրային ռադիոյի և Երևանի հենակետային բժշկական քոլեջի շենքեր:

Երկրորդ ձերբակալվածը Գևորգ Մանուկյանն է, որը նույնպես ձերբակալվել է անօրինական հավաքներ կազմակերպելու կասկածանքով:

Հիշեցնենք, որ ապրիլի 13–ից «Իմ քայլը» նախաձեռնությունը «Ելք» դաշինքի ղեկավար Նիկոլ Փաշինյանի գլխավորությամբ Երևանում իրականացնում են անհնազանդության ակցիաներ` ընդդեմ Սերժ Սարգսյանի վարչապետության։

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը