ԵՐԵՎԱՆ, 17 ապրիլի — Sputnik. Ես և Միքայել Մելքումյանը դեմ ենք քվեարկել Սերժ Սարգսյանի վարչապետությանը։ Այս մասին այսօր ԱԺ հատուկ նիստի քվեարկությունից հետո լրագրողներին ասաց «Ծառուկյան» դաշինքի պատգամավոր Նաիրա Զոհրաբյանը։
«Ելք» խմբակցության պատգամավոր Էդմոն Մարուքյանը, ԱԺ դահլիճից դուրս գալուց հետո, պատասխանելով Sputnik Արմենիայի հարցին, թե ինչպիսի՞ն են լինելու իրենց հետագա գործողությունները, արդյո՞ք միանալու են բողոքի ակցիաներ կազմակերպող իրենց ընկերոջը, ասաց. «Այս պահին բազմաթիվ բերման ենթարկվածներ կան, փորձելու ենք պարզել` ովքեր են, ինչ վիճակում են հիմա և առայժմ զբաղվելու ենք նրանցով»։
Լրագրողների ընտրության վերաբերյալ հարցին Էդմոն Մարուքյանը հեգնանքով պատասխանեց, ասելով` մեզ համար շատ անսպասելի էր, որ ՀՀԿ–ն ընտրեց Սերժ Սարգսյանին։
20 րոպե ընդմիջում վերցնելու մասին լրագրողների հարցին Մարուքյանի փոխարեն պատասխանեց Արամ Սարգսյանը։ «Ես դահլիճում չէի, տեղ էի գնացել, գործընկերներս սպասում էին,որ վերադառնամ»։
Հիշեցնենք, որ քվերակությունը բաց էր և անվանական, և շուտով ԱԺ կայքում կհրապարակվի դրանց արդյունքները։
