Երևան

Ոստիկանությունը հայտարարում է` ցանկացած անհրաժեշտ պահի կցրի հավաքը

119
(Թարմացված է 18:32 17.04.2018)
Ոստիկանությունը կոչ է անում հավաքի մասնակիցներին զերծ մնալ անօրինական գործողություններից՝ անցանկալի հետևանքներից խուսափելու համար:

ԵՐԵՎԱՆ, 17 ապրիլի — Sputnik. ՀՀ ոստիկանությունը բողոքի ակցիան ցրելու մասին հայտարարություն է ներկայացրել։ Դրա մեջ մասնավորապես ասված է։

«Ինչպես արդեն ավելի վաղ հայտարարվել է, ՀՀ ոստիկանությունը «Հավաքների ազատության մասին» ՀՀ օրենքի 33-րդ հոդվածով սահմանված կարգով 16.04.2018թ. որոշում է կայացրել ՀՀ ԱԺ պատգամավոր Նիկոլ Փաշինյանի կազմակերպած հավաքը դադարեցնելու մասին:

Օրենքի պահանջով այսօր առավոտյան ոստիկանության աշխատակիցների կողմից Նիկոլ Փաշինյանը տեղեկացվել է հիշյալ որոշման մասին:

Հավաքի կազմակերպիչը անտեսել է նշված որոշման պահանջները, չի կատարել օրենքով հավաքի կազմակերպչի իր պարտականությունները, այլ կրկին կոչ է արել շարունակել հավաքը, իրականացնել այլոց իրավունքների ու ազատությունների իրացմանը խոչընդոտող, հասարակական կարգը խախտող գործողություններ:

«Հավաքների ազատության մասին» ՀՀ օրենքի 33-րդ հոդվածի 3-րդ մասը նման իրավիճակում ոստիկանությանը լիազորում է «Ոստիկանության մասին» ՀՀ օրենքով նախատեսված հատուկ միջոցների կիրառմամբ ցրել հավաքը:

ՀՀ ոստիկանությունը պատրաստ է իրականացնելու իր պարտականությունը, որը կարող է կատարվել ցանկացած անհրաժեշտ պահի, որով պայմանավորված՝ կոչ ենք անում հավաքի մասնակիցներին զերծ մնալ անօրինական գործողություններից՝ անցանկալի հետևանքներից խուսափելու համար:

Նկատի ունենալով նման գործողությունների հետևանքները՝ հավաքի վայրում գտնվող լրագրողներին կոչ է արվում ողջամիտ հեռավորություն պահպանել հավաքի մասնակիցներից»:

119
թեմա:
«Իմ քայլը» բողոքի ակցիա (294)
Ըստ թեմայի
Երևանի քաղաքապետարանի հորդորը. ինչ անել, երբ քաղաքում տրանսպորտային ճգնաժամ է
Նիկոլ Փաշինյանը կոչ է անում պարալիզացնել պետական կառույցների աշխատանքը, փակել փողոցները
Ոստիկանությունը որոշել է դադարեցնել Փաշինյանի նախաձեռնած հավաքը
Նիկոլ Փաշինյան. արխիվային լուսանկար

Եթե նույնիսկ կորոնավիրուսը չլիներ, մահեր լինելու էին. որն է Հայաստանի խնդիրն ըստ Փաշինյանի

0
ՀՀ վարչապետը վստահ է, որ եթե մարդիկ հետևեն կորոնավիրուսի կանխարգելման կանոներին և վարակվածների թիվը նվազի, կնվազի նաև մահացության ցուցանիշը, քանի որ առողջապահական համակարգն ի վիճակի կլինի բուժօգնություն կարիք ունեցող բոլոր քաղաքացիներին սպասարկել։

ԵՐԵՎԱՆ, 6 հունիսի — Sputnik. ՀՀ վարչապետ Նիկոլ Փաշինյանը Facebook-ի ուղիղ եթերում անդրադառնալով կորոնավիրուսից մահացության թվերին, հայտարարեց, որ այս տարվա առաջին 6 ամիսների ընթացքում նախորդ տարվա նույն ժամանակահատվածի համեմատ գրանցվել է մի քանի հարյուրով պակաս մահ։

«Նախորդ տարվա հունիսի 1-ի դրությամբ քաղցկեղից մահացել է 2307 մարդ, այս տարի՝ 2213, մոտ 100 մարդով ավելի պակաս։ Այսինքն` քաղցկեղից մահացողների բավականին մեծ տոկոսը վարակվել է կորոնավիրուսով և կորոնավիրուսը թույլ չի տվել, որպեսզի քաղցկեղը դառնա մահվան պատճառ, այլ մահը վրա է հասել կորոնավիրուսի պատառով։ Նույնը վերաբերվում է նաև այլ խրոնիկ հիվանդություններին։ Եթե կորոնավիրուսը չլիներ, ապա քաղցկեղով հիվանդների մի մասը կմահանար քաղցկեղից մինչև 2020 թվականի հունիսի 1-ը։ Նույն իրավիճակն է նաև շնչառական օրգանների տարբեր հիվանդությունների դեպքում։ Նախորդ տարի հունիսի 1-ի դրությամբ շնչառական օրգանների հիվանդություններից մահացել է 1448 մարդ, այս տարի նույն ժամանակահատվածում՝ 1062 մարդ։ Ստացվում է` այս տարի մոտ 400-ով պակաս մարդ է մահացել շնչառական հիվանդություններից»,-ասաց վարչապետը։

Նրա խոսքով այժմ Հայաստանի ամենամեծ խնդիրն այն է, որ կորոնավիրուսով վարակված բոլոր քաղաքացիներին կարողանան պատշաճ բուժօգնություն ցույց տալ, այսինքն վարակման դեպքերը լինեն այնքան, որքան ի վիճակի է սպասարկել առողջապահական համակարգը, որովհետև եթե բուժօգնության կարիք ունեցողների թիվը շատանա, մահացության թվերն էլ կմեծանան։

Հիշեցնենք` Հայաստանում հունիսի 5-ի դրությամբ կորոնավիրուսով վարակվածների թիվը դարձել է 11 817։

Երեկվա դրությամբ փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է 183 մահվան դեպք։

0
թեգերը:
Հայաստան, կորոնավիրուս, Նիկոլ Փաշինյան
Ըստ թեմայի
Փաշինյանի եթերը հուզել է վրացիներին. 18–ամյա Սանդրոն կոչ է արել օգնել Հայաստանին
Ոստիկանները «ասֆալտին են փռել» «դիմակային ռեժիմը» խախտողին․ Փաշինյանն արձագանքել է
«Կարծում ենք, որ կորոնավիրուսի գագաթնակետը կլինի հունիսի վերջին». Փաշինյան
Լուսնի Խավարում

Ինչպիսին էր խավարած լուսինը Հայաստանում. լուսանկար

9
(Թարմացված է 10:21 06.06.2020)
Գիշերը տեղի ունեցավ լուսնի խավարում: Այս երեւույթը հյուսիսային կիսագնդում ընդունված է անվանել «ելակի լուսին», քանի որ այս ժամանակահատվածը բաժին է ընկնում հատապտուղների, մասնավորապես, ելակի հավաքմանը:

ԵՐԵՎԱՆ, 6 հունիսի — Sputnik. Հայաստանի բնակիչները երկնային այս երևույթը կարող էին դիտել հունիսի 5–ին`տեղական ժամանակով 21:45-ին։ Առավելագույն փուլը գրանցվել է 23:24-ին, խավարումն ավարտվել է 01:04-ին:

Խավարման միջանցքը կտևի մինչև հուլիսի 5-ը:

Աստղագետները կանխատեսել են, որ 2020 թվականին նման երևույթ կարելի է տեսնել չորս անգամ։ Լուսնի ամենախոր խավարումը տեղի է ունեցել հունվարի 10-ին։ Իսկ մեկ ամիս անց, այսինքն` հուլիսի 5-ին, տեղի կունենա երրորդ կիսամյակային լուսնային խավարումը։ 

Ավելի վաղ Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյանը Sputnik Արմենիայի եթերում անդրադարձել էր սպասվող լուսնի խավարմանը` խոսելով նաև այդ երևույթի գիտական և միստիկ կողմերի մասին։

Միքայելյանի փոխանցմամբ` աստղագետները ճշգրտորեն կարող են հաշվարկել բոլոր խավարումները` կապված պատմական տարեթվերի հետ ցանկացած տեղում, ցանկացած ժամանակ, նույնիսկ վայրկյանների ճշտությամբ։

Լուսնի խավարումը կտեսնեն նաև երևանցիները. աստղագետը նշել է ստույգ օրն ու ժամը

9
թեգերը:
Հայաստան, Լուսնի խավարում, լուսին
Ըստ թեմայի
NASA-ն ներկայացրել է լուսնի խավարումը Լուսնից դիտողի «աչքով»
Միքայելյան. «Հայաստանում լուսնի խավարում առանձնապես չէր դիտվում»
Պոսեյդոնի տաճարը, Բրանդենբուրգյան դարպասներն ու այլ վայրեր՝ խավարած լուսնի լույսի տակ