Ցուցարարներ

Փաշինյանն ու ցուցարարները բացում են ուսումնական հաստատությունների դռները. լուսանկարներ

132
(Թարմացված է 12:10 16.04.2018)
Ցուցարարները` Նիկոլ Փաշինյանի առաջնորդությամբ, անցնելով Երևանի փողոցներով` բացում են ուսումնական հաստատությունների փակ դռներն ու պահանջում են թույլ տալ ուսանողներին միանալ դասադուլին։

ԵՐԵՎԱՆ, 16 ապրիլի — Sputnik. Երևանի Խանջյան փողոցում ցուցարարները` Նիկոլ Փաշինյանի առաջնորդությամբ, բացեցին Երևանի շինարարության և ճարտարապետության համալսարանի հենակետային ավագ դպրոց-վարժարանի փակ դուռը։

Տեղեկանալով, որ վարժարանի դռները փակել են և ուսանողներին թույլ չեն տալիս միանալ բողոքի ակցիային` ցուցարարները ուժով բացեցին դուռն ու ուսանողներին կոչ արեցին միանալ իրենց։

Միաժամանակ, ցուցարարների մեկ այլ խումբ` նույն պահանջով, մուտք գործեց Երևանի Մանկավարժական համալսարանի հենակետային վարժարան և Մանկավարժական համալսարան։

Ցուցարարները շուրջ մեկ ժամ առաջ ստիպել էին բացել նաև Երևանի բժշկական ուսումնարանի դուռը։

Ցուցարարների շարքերում մեծ թվով ուսանողներ կան, որոնք այսօր առավոտից դասադուլ էին հայտարարել ու հավաքվել Աբովյան փողոցում, մետրոյի «Երիտասարդական» կայարանի հարակից տարածքում։

  • Բողոքի ցույց
    Բողոքի ցույց
    © Sputnik / Asatur Yesayants
  • Բողոքի ցույց
    Բողոքի ցույց
    © Sputnik / Asatur Yesayants
  • Բողոքի ցույց
    Բողոքի ցույց
    © Sputnik / Asatur Yesayants
  • Ցուցարարները Մանկավարժական համալսարանի մոտ
    Ցուցարարները Մանկավարժական համալսարանի մոտ
    © Sputnik / Asatur Yesayants
  • Ցուցարարները Մանկավարժական համալսարանում
    Ցուցարարները Մանկավարժական համալսարանում
    © Sputnik / Asatur Yesayants
1 / 5
© Sputnik / Asatur Yesayants
Բողոքի ցույց

Հիշեցնենք, որ այսօր առավոտյան 8։00-ից «Իմ քայլը» նախաձեռնության անդամներն ու անհնազանդության ակցիաներին միացած քաղաքացիները փակել են Երևանի կենտրոնական փողոցներն ու երթևեկելի հատվածներում աղբամաններով, նստարաններով ու ակցիայի մասնակիցների ավտոմեքենաներով բարիկադներ են կառուցել։

132
թեմա:
«Իմ քայլը» բողոքի ակցիա (205)