Կարեն Կարապետյանը, Սերժ Սարգսյանն ու Վիգեն Սարգսյանը

ՀՀԿ–ն հաստատեց. Սերժ Սարգսյանի թեկնածությունը պաշտոնապես կառաջադրվի երկու օրից

175
(Թարմացված է 14:32 14.04.2018)
Վարչապետի պաշտոնում Սերժ Սարգսյանի թեկնածությունը պաշտոնապես կառաջադրի ԱԺ ՀՀԿ խմբակցությունը:

ԵՐԵՎԱՆ, 14 ապրիլի — Sputnik. Ապրիլի 16–ին Ազգային ժողովի ՀՀԿ խմբակցությունը ՀՀ վարչապետի պաշտոնում պաշտոնապես կառաջադրի Սերժ Սարգսյանի թեկնածությունը: Այս մասին հայտնում է Հայաստանի հանրապետական կուսակցության մամուլի ծառայությունը։

Այսօր Ծաղկաձորում տեղի է ունեցել ՀՀԿ գործադիր մարմնի և խորհրդի արտագնա նիստ, որի ընթացքում կուսակցության Գործադիր մարմինը կուսակցության նախագահի առաջին տեղակալ Կարեն Կարապետյանի առաջարկությամբ որոշել է ՀՀ վարչապետի պաշտոնում ՀՀԿ խորհրդին ներկայացնել Հայաստանի Հանրապետական կուսակցության նախագահ Սերժ Սարգսյանի թեկնածությունը:

Խորհրդի նիստում գործադիր մարմնի որոշումը ներկայացրել է ՀՀԿ նախագահի առաջին տեղակալ Կարեն Կարապետյանը: Խորհուրդը քննարկել է հարցը և միաձայն կողմ արտահայտվել թեկնածությանը:

Նշենք, որ նոր վարչապետի ընտրությունը կիրականացվի ապրիլի 17-ին, որից հետո 5-օրյա ժամկետում նոր կառավարության անդամների թեկնածությունները կներկայացվեն նախագահին, և առավելագույնը 15 օր հետո Հայաստանը կունենա նոր կառավարություն։

175
Ըստ թեմայի
Հայաստանի նոր վարչապետը երկու նստավայր կունենա
Վարչապետը սուպե՞ր է, թե՞ պատասխանատու. ընդդիմությունն ու իշխանությունը տարակարծիք են
Տնտեսական աճի գլխին Սարգսյանն է. Շարմազանովը հորդորում է չմտնել մատի և մատանու արանքը
Հայաստանի նոր նախագահից «կխլեն» նաև ինքնաթիռը