ԵՐԵՎԱՆ, 12 ապրիլի — Sputnik. Հայտնի հաղորդավարուհի, դերասանուհի Նազենի Հովհաննիսյանին հայհոյած և տղամարդն անձամբ գնացել և ներողություն է խնդրել նրանից: Այս մասին աղջիկը գրառում է կատարել ֆեյսբուքյան իր էջում:

© Sputnik / Арам Нерсесян

Նազենի Հովհաննիսյանին հայհոյել են հիվանդանոցի բակում. նա նկարել է վիրավորողներին

«Նախ, խորին շնորհակալությունս բոլորին՝ անտարբեր չլինելու և օգնություն առաջարկելու համար։ Արդարության համար պիտի նշեմ, որ հայհոյող տղան եկավ հեռուստաընկերություն, ներողություն խնդրեց՝ պատճառաբանելով,որ շատ խմած է եղել ու չի գիտակցել արարքը։ Ուրախ եմ, որ արիություն է ունեցել սխալն ու գռեհիկ արարքը հրապարակավ ընդունելու և ներողություն խնդրելու։ Վստահ եմ, որ այս եղելության հրապարակայնացումը գոնե մի քիչ կփոխի մեր հասարակության մեջ արմատացած վատ սովորություններն ու ավելի քաղաքակիրթ դաշտ կբերի բոլորիս»,- գրել է դերասանուհին:

Հիշեցնենք, որ այսօր հաղորդավար և դերասանուհի Նազենի Հովհաննիսյանն այցելել է «Էրեբունի» բժշկական կենտրոնում գտնվող ընկերուհուն։ Բժշկական կենտրոնի մուտքի մոտ չհասած` լսել է, թե ինչպես է մի տղամարդ հետևից հայհոյանքով «հրավիրում» լուսանկարվելու։ Այս մասին նա գրել է  Ֆեյսբուք սոցիալական ցանցում։

«Չկարողացա «չլսել», ասում եմ` պատասխանատո՞ւ եք ձեր խոսքերի համար, գոնե հասկանո՞ւմ եք` ինչ եք ասում, կամ ինչի եք ընդհանրապես դուք… Թե՞ ձեր «տղամարդկությունը» միայն կնոջ մեջքի հետևից հայհոյանքով է դրսևորվո՞ւմ։ Ասում եմ` հասկանո՞ւմ եք, որ էստեղ կանայք ծննդաբերում են, ու ցավոք, նաև ձեզ պես վիժվածքների…»,- գրել է Նազենին և տեղադրել տղաների ու նրանց ավտոմեքենաների նկարները։

Խնդրի վերաբերյալ պարզաբանում էր ներկայացրել նաև ՀՀ ոստիկանությունը: «Դեպքը կրում է քաղաքացիաիրավական բնույթ և դիտարկվում որպես տվյալ անձին հասցված վիրավորանք՝ հրապարակային արտահայտություն հնչեցնելու ձևով: Քանի որ վիրավորանքը ապաքրեականացվել է, քաղաքացին իր շահերի պաշտպանության նպատակով կարող է քաղաքացիական հայցով դիմել դատարան: Ինչ վերաբերում է տվյալ դեպքում խուլիգանության հատկանիշների առկայությանը, ապա ՀՀ ոստիկանությունը հանցագործության մասին սահմանված կարգով հաղորդում ստանալու պարագայում իր իրավասությունների շրջանակում կպարզաբանի նաև այդ հանգամանքը:

ԵՐԵՎԱՆ, 3 մարտի – Sputnik. «Պահպանության ծառայություն» ՊՈԱԿ-ի մասնաճյուղ՝ Պատմական միջավայրի պահպանության (ՊՄՊ) Արագածոտնի մարզային ծառայության հուշարձանի պահապան Սահակ Մարտիրոսյանը հերթական շրջայցի ժամանակ իրավախախտում է արձանագրել մարզի՝ Ոսկեվազ համայնքում գտնվող «Ամրոցի համալիր Ախթամիր» հանրապետական նշանակության հուշարձանի տարածքում։ Տեղեկությունը հայտնում է ՀՀ ԿԳՄՍ նախարարություն «Պահպանության ծառայություն» ՊՈԱԿ-ը։

Գեղարքունիքում գանձագողության դեպք է գրանցվել. լուսանկարներ

Միջնաբերդի հյուիսարևմտյան հատվածում անհայտ անձը կամ անձինք գանձախուզության, գանձագողության նպատակով վնասել են հուշարձանի մշակութային շերտը, փորել այն, տեղաշարժել գերեզմանաքարերը։

Հեռախոսի լույսի ներքո. ինչպես են Շուշիի գորգերը հասել Երևան և ինչ են պատմում դրանք

Մարզային ծառայության պատասխանատուները դեպքի վայրում հայտնաբերել են մեծ քանակությամբ խեցեղենի կտորներ։

Դեպքի մասին ՊՄՊ մարզային ծառայությունը ահազանգել է իրավապահներին, Ոսկեվազ համայնքի ղեկավարին։

Հերթական գանձագողությունը Սյունիքի մարզում