ԵՐԵՎԱՆ, 12 ապրիլի — Sputnik. Արագածոտնի մարզի Ուջան գյուղի բնակիչներն այսօր փակել էին միջմարզային ճանապարհը` բողոքելով կապի և տրանսպորտի նախարարությունից, քանի որ արդեն մի քանի օր է` նախարարության աշխատակիցները խոշոր չափի վարչական պատասխանատվության են ենթարկում բեռնատարների այն վարորդներին, որոնք ավտոմեքենան թույլատրելի քաշից ավելի բեռ են բարձում։ Տուգանքը կազմում է 500 հազար դրամ։

Բողոքի ցույցին ավելի քան 200 մարդ է մասնակցել։ Վարորդները նշել են` եթե թույլատրված քանակից շատ բեռ չբարձեն, չեն կարող ապրել չնչին աշխատավարձով, իսկ բարձած յուրաքանչյուր քարից նրանց 60 դրամ է մնում։

Ուջանի համայնքապետարանից Sputnik Արմենիային հայտնեցին, որ մարզպետարանի աշխատակիցների հետ բանակցությունների ընթացքում պայմանավորվել են վերանայել բեռնափոխադրումների կանոնները, սակայն վարորդները պահանջում են չեղարկել նաև նախկին տուգանքները։

ԵՐԵՎԱՆ, 3 մարտի – Sputnik. ՀՀ վարչապետ Նիկոլ Փաշինյանը Ռուսաստանի Դաշնության կառավարության նախագահ Միխայիլ Միշուստինին շնորհավորական ուղերձ է հղել ծննդյան օրվա առթիվ: Տեղեկությունը հայտնում է վարչապետի մամուլի ծառայությունը։

© Sputnik / Наталья Селиверстова

«Ճշմարտությունը վերականգնվեց». Պեսկովը մեկնաբանել է «Իսկանդերի» մասին հայտարարությունները

«Հարգելի Միխայիլ Վլադիմիրի, ընդունեք սրտանց շնորհավորանքներս Ձեր ծննդյան օրվա առիթով, մաղթում եմ հաջողություններ Ռուսաստանի Դաշնության կառավարության ղեկավարի պաշտոնում: Այսօր կցանկանայի առանձնահատուկ ընդգծել Ձեր անձնական ներդրումը հայ-ռուսական դաշնակցային հարաբերությունների զարգացման գործում, որոնց ամրապնդումը լիովին համապատասխանում է մեր երկրների եղբայրական ժողովուրդների հիմնարար շահերին: Վստահ եմ, որ ամուր բարեկամությունը, փոխըմբռնումը և վստահությունը հետայսու ևս կնպաստեն Հայաստանի և Ռուսաստանի միջպետական հարաբերությունների ողջ համալիրի հարստացմանը՝ նոր փոխշահավետ ծրագրերով»,– գրել է Փաշինյանը։

ՀՀ վարչապետը Միշուստինին մաղթել է քաջառողջություն, հաջողություն և բարեկեցություն:

Նշենք, որ այսօր լրանում է ՌԴ վարչապետի 55-ամյակը։