ԵՐԵՎԱՆ, 12 ապրիլի — Sputnik. Հայաստանի կառավարությունն առանց լրագրողների իրեն ավելի լավ է զգում։ Այսօր կառավարության առաջին դռնփակ նիստից դուրս դահլիճից դուրս եկողները լրագրողներին պատմեցին, թե ինչպես է նիստն անցել առանց նրանց։

© Sputnik / Asatur Yesayants

Ո՞ւմ կազատեն բանակից. կառավարությունը տարբերակում է դնում գիտության ճյուղերի միջև

ՀՀ ջրային տնտեսության պետական կոմիտեի նախագահ Արսեն Հարությունյանը լրագրողների բացակայությունը չէր էլ նկատել։ «Ոչ մի բան չի փոխվել»,- ի պատասխան լրագրողների հարցերի, ասաց նա` հավելելով, որ նիստում որևէ բանավեճ չի ծավալվել։

Տրանսպորտի, կապի և տեղեկատվական տեխնոլոգիաների նախարարի պաշտոնակատար Վահան Մարտիրոսյանի համար միակ տարբերությունը նախորդ նիստից այսօրվա նիստի տևողությունն է եղել։ «Երկար տևեց, քննարկումներ եղան, դա նաև հարցերից էր կախված, որովհետև հարցերն այնպիսին էին, որ շատերն արտահայտվեցին դրանց վերաբերյալ»,- ասաց Մարտիրոսյանը` չթաքցնելով, սակայն, որ առանց լրագրողների անցած նիստից դրական տպավորություն է ստացել։

Առողջապահության նախարարի պաշտոնակատար Լևոն Ալթունյանը ևս շեշտեց, որ նիստն ավելի հագեցած է եղել հարցերով ու քննարկումներով։ «Աշխատանքային, անկաշկանդ ու անկեղծ մթնոլորտ էր»,- ասաց նա։

Տնտեսական զարգացման և ներդրումների նախարարի պաշտոնակատար Սուրեն Կարայանը վստահեցրեց, որ նախորդ նիստերի համեմատ ոչ մի տարբերություն այսօր չի նկատել։

Իսկ ՀՀ արդարադատության նախարարի պաշտոնակատար Դավիթ Հարությունյանը լրագրողներին վստահեցրեց, որ իր կանխատեսումներն իրականացել են` կառավարության անդամներն իրենց ավելի անկաշկանդ ու ազատ են զգացել` իմանալով, որ լրագրողները չեն հետևում։

Ի դեպ, եթե նախկինում կառավարության նիստերը, որպես կանոն, տևում էին 30-40 րոպե, այսօրվա նիստը տևեց ավելի քան մեկուկես ժամ։

Հիշեցնենք, որ «ՀՀ կառավարության կառուցվածքի ու գործունեության մասին» ՀՀ օրենքով, այսօրվանից ՀՀ կառավարության նիստերն անցկացվելու են դռնփակ ձևաչափով:

Օրենքը մեկնաբանելով` ապրիլի 5-ին Դավիթ Հարությունյանը լրագրողներին ասել էր, որ նպատակը նիստի մասնակիցների համար առավել ազատ ու անկաշկանդ աշխատանքային մթնոլորտ ապահովելն է։

ԵՐԵՎԱՆ, 3 մարտի – Sputnik. «Պահպանության ծառայություն» ՊՈԱԿ-ի մասնաճյուղ՝ Պատմական միջավայրի պահպանության (ՊՄՊ) Արագածոտնի մարզային ծառայության հուշարձանի պահապան Սահակ Մարտիրոսյանը հերթական շրջայցի ժամանակ իրավախախտում է արձանագրել մարզի՝ Ոսկեվազ համայնքում գտնվող «Ամրոցի համալիր Ախթամիր» հանրապետական նշանակության հուշարձանի տարածքում։ Տեղեկությունը հայտնում է ՀՀ ԿԳՄՍ նախարարություն «Պահպանության ծառայություն» ՊՈԱԿ-ը։

Միջնաբերդի հյուիսարևմտյան հատվածում անհայտ անձը կամ անձինք գանձախուզության, գանձագողության նպատակով վնասել են հուշարձանի մշակութային շերտը, փորել այն, տեղաշարժել գերեզմանաքարերը։

Մարզային ծառայության պատասխանատուները դեպքի վայրում հայտնաբերել են մեծ քանակությամբ խեցեղենի կտորներ։

Դեպքի մասին ՊՄՊ մարզային ծառայությունը ահազանգել է իրավապահներին, Ոսկեվազ համայնքի ղեկավարին։