Բողոքի ցույց

Հանրապետական կուսակցության շենքի դիմաց բողոքի ակցիա է ընթանում. լուսանկարներ

142
(Թարմացված է 21:02 11.04.2018)
Ցուցարարները հավաքվել են Հայաստանի Հանրապետական կուսակցության գրասենյակի շենքի մոտ, որտեղ այս պահին քննարկվում է ապագա վարչապետի թեկնածությունը։

ԵՐԵՎԱՆ, 11 ապրիլի — Sputnik. ՀՀ վարչապետի պաշտոնում Սերժ Սարգսյանի թեկնածությունն առաջադրելու դեմ բողոքի ակցիան մեկնարկել է իշխող կուսակցության գրասենյակի դիմաց։

Մի քանի տասնյակ երիտասարդներ հավաքվել են Հանրապետական կուսակցության կենտրոնական գրասենյակի դիմաց, իսկ ներսում ընթանում է Գործադիր մարմնի նիստը։

  • Բողոքի ցույց
    Բողոքի ցույց
    © Sputnik / Aram Nersesyan
  • Բողոքի ցույց
    Բողոքի ցույց
    © Sputnik / Aram Nersesyan
  • Բողոքի ցույց
    Բողոքի ցույց
    © Sputnik / Aram Nersesyan
  • Բողոքի ցույց
    Բողոքի ցույց
    © Sputnik / Aram Nersesyan
  • Բողոքի ցույց
    Բողոքի ցույց
    © Sputnik / Aram Nersesyan
1 / 5
© Sputnik / Aram Nersesyan
Բողոքի ցույց

Ավելի վաղ ՀՀԿ մամուլի քարտուղար ու ԱԺ փոխխոսնակ Էդուարդ Շարմազանովը հայտնել էր Sputnik Արմենիային, որ գործադիրի նիստում կուսակցությունը կհայտնի վարչապետի պաշտոնի համար իր առաջադրած թեկնածուի անունը։

Ոստիկանությունն ուժերն է կենտրոնացնում ցույցի վայրում։ Հավաքվածները ծխացող ճայթուկներ են պայթեցրել ու քաղաքական տեքստերով ռեփ միացրել։

Ցուցարարները հակակառավարական կարգախոսներ են բղավում` ոստիկաններին կոչ անելով միանալ իրենց բողոքին։

Հիշեցնենք` ապրիլի 9-ին վարչապետ Կարեն Կարապետյանը նոր նախագահ Արմեն Սարգսյանին ներկայացրեց կառավարության հրաժարականը։ Խորհրդարանը կընտրի նոր վարչապետին ապրիլի 17-ին։ Իսկ նոր կառավարությունում մեկի փոխարեն երեք փոխվարչապետ կլինի, նրանցից մեկը կլինի առաջին վարչապետ։ Ավելի վաղ ընդդիմությունը հայտնել էր, որ այդ պաշտոնը հատուկ Կարեն Կարապետյանին համար են «չափել-ձևել»։

142