Կարեն Կարապետյան

Ի՞նչ պիտի անի քաղաքացին Հայաստանում լավ կյանք տեսնելու համար. Կարեն Կարապետյանի խորհուրդը

71
(Թարմացված է 18:30 11.04.2018)
ՀՀ վարչապետի պաշտոնակատարը քաղաքացիներին խորհուրդ է տալիս լավ ապրելու համար երկար ապրել։

ԵՐԵՎԱՆ, 11 ապրիլի — Sputnik. 2018թ-ի առաջին եռամսյակում Հայաստանի տնտեսությունն ավելի մեծ աճ է գրանցել, քան 2017թ-ին։ Այս մասին այսօր ԱԺ-ում հարցուպատասխանի ժամանակ հայտարարեց ՀՀ վարչապետի պաշտոնակատար Կարեն Կարապետյանը` հիշեցնելով, որ 2017թ-ի տնտեսական աճը 7.5 տոկոս է կազմել։

Վարչապետի պաշտոնակատարը խոստացավ այս տարվա առաջին եռամսյակի պաշտոնական ցուցանիշները հրապարակել առաջիկա օրերին` նշելով, որ առաջին երկու ամսվա ցուցանիշների համաձայն` աճը կազմել է 8.6 տոկոս։

«Երբ ես ասում եմ, որ մենք որոշակի հաջողություններ ենք գրանցել, և առաջիկա տարիներին մենք կկարողանանք հեռահար ժամանակահատվածում հիմնարար բարեփոխումներ անել, իրականում հավատում եմ դրան, ավելին` այս 1.5 տարին դա ցույց տվեց»,- ասաց Կարապետյանը։

Կարապետյանը չնշեց, թե քաղաքացին երբ կզգա տնտեսական աճի ազդեցությունը, փոխարենը վստահեցրեց, որ այդ օրը կգա` նոր աշխատատեղերի բացման, սոցիալական փաթեթների ավելացման տեսքով։

Ընդդիմադիր «Ելք» խմբակցության պատգամավոր Մանե Թանդիլյանի հարցին, թե ՀՀ քաղաքացին որքան երկար պիտի ապրի, որ տեսնի այդ օրը, վարչապետի պաշտոնակատարը պատասխանեց. «Ինչքան երկար ապրի, այնքան լավ»։

Այս պատասխանը խորհրդարանի դահլիճում ժպիտներ ու ծիծաղ առաջացրեց։

71