Նախագահի երդմնակալություն

ՀՀ նոր նախագահը երդվեց. կարգն անփոփոխ է, տեքստը` փոխված

179
(Թարմացված է 12:42 09.04.2018)
Երևանի Կարեն Դեմիրճյանի անվան մարզահամերգային համալիրում տեղի ունեցավ ՀՀ 4-րդ նախագահի երդմնակալության արարողությունը։

ԵՐԵՎԱՆ, 9 Ապրիլ — Sputnik. ՀՀ նորընտիր նախագահը ժամանեց Կարեն Դեմիրճյանի անվան մարզահամերգային համալիր։ Կարմիր գորգի վրայով անցավ ու մուտք գործեց դահլիճ, որտեղ արդեն գումարվել էր ԱԺ հատուկ նիստը, նա հոտնկայս ծափողջույնների ուղեկցությամբ տեղ գրավեց նախագահությունում` ԱԺ նախագահի և երեք փոխնախագահների կողքին։

Նիստին բացման խոսքով հանդես եկավ ԱԺ նախագահ Արա Բաբլոյանը։ Նա հայտնեց, որ հատուկ նիստին գրանցվել է 92 պատգամավոր։

«ԱԺ–ն 2018թ–ի մարտի 2-ին ՀՀ նախագահ է ընտրել Արմեն Սարգսյանին»,– հիշեցրեց Բաբլոյանը` հայտարարելով, որ ԱԺ հատուկ նիստում` ապրիլի 9-ին, նորընտիր նախագահը պաշտոնապես կստանձնի այդ պաշտոնը։

Բացման խոսքից հետո դահլիճ բերվեցին երդմնակալության արարողության խորհրդանիշները` ՀՀ դրոշը, Սահմանադրության մայր օրինակն ու Մատենադարանի հնագույն հոգևոր ձեռագիրը` 7-րդ դարի Վեհամոր Ավետարանը։

ՀՀ նախագահի պարտականությունները ստանձնելու երդման արարողությանը Արմեն Սարգսյանը աջ ձեռքը դրեց Սահմանադրության ու Ավետարանի վրա և ընթերցեց ՀՀ Սահմանադրությամբ նախատեսված երդման տեքստը։

«Ստանձնելով Հանրապետության նախագահի պաշտոնը՝ երդվում եմ` հավատարիմ լինել Հայաստանի Հանրապետության Սահմանադրությանը, իմ լիազորություններն իրականացնելիս լինել անաչառ, առաջնորդվել միայն համապետական ու համազգային շահերով և իմ ողջ ուժը ներդնել ազգային միասնության ամրապնդման գործում»,– ասաց Արմեն Սարգսյանը:

Երդմանը հաջորդեց ՀՀ օրհներգը։

179
թեմա:
Հայաստանի Հանրապետության 4-րդ նախագահը (59)
Ըստ թեմայի
Ինչպես են երդվել Տեր–Պետրոսյանը, Քոչարյանն ու Սարգսյանը. նմանություններ և տարբերություններ
Պետական և հոգևոր խորհրդանիշներն արդեն տեղափոխվել են երդմնակալության արարողության վայր
Ի՞նչ է սպասվում ՀՀ 4-րդ նախագահի երդմնակալության արարողության ժամանակ