Ռիտա Սարգսյան և Նունե Սարգսյան

Նոր նախագահի տիկինը կհետևի Ռիտա Սարգսյանի օրինակին

359
(Թարմացված է 12:05 09.04.2018)
ՀՀ նորընտիր նախագահը տիկնոջ հետ հյուրընկալվել է նախագահի նստավայրում։ Այս շենքում նոր նախագահը միայն հյուրի կարգավիճակում է։

ԵՐԵՎԱՆ, 9 ապրիլի — Sputnik. ՀՀ նորընտիր նախագահն այսօր առավոտյան կնոջ հետ հյուրընկալվել է նախագահական նստավայրում:

Արմեն Սարգսյանին ու նրա տիկնոջը` Նունե Սարգսյանին, դիմավորել են Սերժ և Ռիտա Սարգսյանները:

Նախագահական նստավայրի ոսկեզօծ դահլիճում հյուրընկալության ժամանակ նախագահ Սերժ Սարգսյանը, նշելով, որ րոպեներ անց տեղի կունենա նորընտիր նախագահի պաշտոնի ստանձնման արարողությունը, ևս մեկ անգամ Արմեն Սարգսյանին մաղթել է հաջողություններ:

«Վստահ եմ, որ մենք որոշ ժամանակ հետո կարողանալու ենք արձանագրել հաջողություններ. ուղղակի դատապարտված ենք հաջողություն ունենալու: Իհարկե, վստահ եմ, որ տիկին Նունեն կօգնի Ձեզ, որովհետև դա պարզապես անհրաժեշտություն է»,-ասել է Սերժ Սարգսյանը:

Նորընտիր նախագահը շնորհակալություն է հայտնել Սերժ Սարգսյանին և տիկին Ռիտա Սարգսյանին հյուրընկալության համար:

«Իհարկե, ակնկալում եմ Ձեզ հետ միասին շատ սերտ աշխատել երկար տարիներ: Վստահ եմ, որ Նունեն ինձ կօգնի՝ ոչ միայն, որ իմ 50 տարվա ընկերն է, 40 տարվա կինս, այլ նաև ունի փայլուն օրինակ՝ տիկին Ռիտայի օրինակը, թե ինչպես պետք է նախագահին աջակից լինել, օգնել և ոչ միայն աջակցել, նաև լինել ինչ-որ տեղ առաջնորդ որոշակի ուղղության մեջ»,-ասել է նորընտիր նախագահ Արմեն Սարգսյանը:

Ի դեպ, հիշեցնենք, նոր կարգի համաձայն, նորընտիր նախագահի նստավայրը լինելու է ոչ թե Բաղրամյան 26-ում, այլ Մաշտոցի պողոտայում գտնվող կառավարության ընդունելությունների տան շենքում։

Բաղրամյան 26—ը լինելու է ՀՀ վարչապետի նստավայրը։

359
թեմա:
Հայաստանի Հանրապետության 4-րդ նախագահը (52)
Ըստ թեմայի
1–ին անգամ է ու աննախադեպ. Ռուստամյանը` նախագահի երդմնակալության մասին
Ինչպես են երդվել Տեր–Պետրոսյանը, Քոչարյանն ու Սարգսյանը. նմանություններ և տարբերություններ
Ի՞նչ է սպասվում ՀՀ 4-րդ նախագահի երդմնակալության արարողության ժամանակ