Հայաստանի վարչապետ Կարեն Կարապետյան

Լևոն Արոնյանի կինն ու վարչապետի ևս ութ խորհրդականներն ազատվել են պաշտոնից

99
(Թարմացված է 18:49 06.04.2018)
Հաջորդ շաբաթ կառավարությունն ամբողջ կազմով կազատվի աշխատանքից։ Նախարարների նոր կաբինետը կձևավորվի վարչապետի ընտրությունից հինգ օրվա ընթացքում։

ԵՐԵՎԱՆ, 6 ապրիլի — Sputnik. Հայաստանի վարչապետ Կարեն Կարապետյանի որոշմամբ` նրա ինը խորհրդականներն ազատվել են զբաղեցրած պաշտոններից։ Այս մասին տեղեկություն է հրապարակվել կառավարության կայքում։

Ազատված խորհրդականների թվում է նաև շախմատիստ Լևոն Արոնյանի կինը` ֆիլիպինուհի Արիաննե Բո Կնուպպե Կաոիլին։

Պաշտոնից ազատվել են նաև Էդուարդ Ներսեսյանը, Համլետ Հովսեփյանը, Էրիկ Գյուլազյանը, Արմեն Ավակ Ավակյանը, Ալեքսանդր Խաչատուրյանը, Մհեր Տերտերյանը, Սամվել Սարգսյանն ու Վռամ Գյուլզադյանը:

Նշենք, որ հաջորդ շաբաթ կառավարությունն ամբողջ կազմով կազատվի աշխատանքից։ Նախարարների նոր կաբինետը կձևավորվի վարչապետի ընտրությունից հինգ օրվա ընթացքում։ Վարչապետի ընտրությունները կկայանան ապրիլի 17-ին։

Հայաստանի նոր Սահմանադրության համաձայն, որն ուժի մեջ կմտնի ապրիլի 9-ին, հանրապետությունը կանցնի կառավարման խորհրդարանական մոդելի, որի ժամանակ իշխանական լծակները կանցնեն վարչապետին։

99
Ըստ թեմայի
Սերժ Սարգսյանի աշխատավարձը կիջնի, Կարեն Կարապետյանն էլ կտուժի
Սերժ Սարգսյանը վարչապետ կդառնա մեկ նախապայմանով. Tert.am
Հայաստանը փոխվում է, մարտահրավերները մնում են նույնը. Շարմազանով
ՀՀԿ-ն ապագա վարչապետի հարցում պահպանում է ինտրիգը