Խցանում Երևանի փողոցներում

Ավտոմեքենայի պատուհանից ծխուկ նետելու համար կվճարեն մինչև 50 տուփ ծխախոտի գումար

115
(Թարմացված է 21:51 04.04.2018)
Առաջարկ է հնչել տուգանքը 5 հազար դրամից ավելացնել մինչև 10 և անգամ 20 հազար դրամ։

ԵՐԵՎԱՆ, 4 ապրիլի — Sputnik. Հայաստանում պատրաստվում են ավելացնել ավտոմեքենայի պատուհանից աղբ նետելու համար սահմանված տուգանքի չափը։ Վարչական իրավախախտումների մասին օրենսգրքում համապատասխան փոփոխությունների նախագիծը քննարկվել է պետաիրավական հարցերով խորհրդարանական հանձնաժողովում։

Փոփոխությունների հեղինակը ՀՀԿ պատգամավոր Հայկ Բաբուխանյանն է, ով առաջարկում է սահմանված 5 հազար դրամի փոխարեն օրինախախտներին տուգանել 10 հազարով։ Խոսքը ծխախոտի մնացուկների մասին է, որոնք վարորդները, երբեմն էլ ուղևորները նետում են մեքենայի պատուհանից։

Հայաստանի ոստիկանապետի տեղակալ Վարդան Եղիազարյանն էլ նշել է, որ կառավարությունը նույնպես պատրաստում է փոփոխություններ կատարել օրենսգրքում, որով չեն շրջանցի այդ խախտումը։ Ընդ որում` նրա հավաստիացմամբ `տուգանքը կկազմի ոչ թե 10, այլ 20 հազար դրամ։

Բաբուխանյանը և ոստիկանության աշխատակազմը մոտ ապագայում կմշակեն օրինագիծը։

115
Ըստ թեմայի
Ծխելու համար տուգանքներն իրատեսակա՞ն են, թե՞ մատից ծծած. դեռ պետք է գնահատեն
Կարգազանց հետիոտներին շարունակում են տուգանել․ ոստիկանությունը վճռական է տրամադրված
Պրոբլեմը մենք ենք ստեղծում, հետո բողոքում. կառավարությունը մաքրում է աղբը
Հայկական «առողջաբարդություն»․ առողջապահության նախարարը վերածվեց տուգանքների նախարարի