Մոլախաղը հանցագործություն, թե՞ ոչ. ԱԺ-ը չի ցանկանում բանակում ավելացնել հանցավորությունը
(Թարմացված է 14:50 03.04.2018)
Բանակում մոլախաղերով զբաղվողը հանցագործ չէ, այլապես հանցագործները բանակում շատ կլինեն: ԱԺ-ն օրենքը չի ընդունում այս մտավախությամբ:ԵՐԵՎԱՆ, 3 ապրիլի — Sputnik. Բանակում մոլախաղերով զբաղվելու համար զինծառայողը պե՞տք է քրեական պատասխանատվության արժանանա, թե՞ ոչ։ Այս հարցն այսօր ԱԺ պետաիրավական հանձնաժողովի քննարկման առանցքում էր: Քննարկվող թեման թեժ բանավեճի հիմք դարձավ։ Պատգամավորներին հատկապես հետաքրքրում էր՝ որն է ժամանցի ու մոլության սահմանագիծը:
ԱԺ փոխնախագահ Արփինե Հովհաննիսյանն օրենքի հեղինակներին հարցրեց`լոտոն մոլախա՞ղ է։
Օրինագծի հեղինակ, ԱԺ ՀՀԿ խմբակցության պատգամավոր Կարինե Աճեմյանը պատասխանեց, որ լոտոն իրենք այդ ցանկի մեջ չեն ներառել:
«Ծառուկյան» խմբակցության պատգամավոր Գևորգ Պետրոսյանն էլ կարծիք հայտնեց, որ մոլախաղի սահմանումը գույքային ակնկալիքի հետ չպետք է կապվի, այլապես մարդը կարող է ասել, որ ինքը «հավեսի համար է խաղում:
ԱԺ փոխնախագահ Արփինե Հովհաննիսյանը հայտարարեց, որ նախագծի ընդունումից հետո հանցավորությունը բանակում 3 անգամ կաճի: «Սա իմ կանխատեսումը չէ, զրուցել եմ այս թեմայով համապատասխան մարմինների հետ: Կոչ եմ անում նախագիծը հետաձգել»,- ասաց նա:
Գևորգ Կոստանյանը համաձայնեց Արփինե Հովհաննիսյանի հետ: Նրա համոզմամբ` հանցավորության ցուցանիշները կաճեն, քանի որ քրեականացվելու է մի վարքագիծ, որը ժամանակին քրեականացված չէր:
«Ելք» խմբակցության պատգամավոր Արտակ Զեյնալյանն էլ առաջարկեց նախ ուսումնասիրել առկա իրավիճակն ու պարզել, թե օրենքի փոփոխությամբ ինչ բեռ է ընկնելու նախաքննական մարմինների վրա: Քրեական օրենսգրքի առաջարկվող փոփոխությունը հետաձգվեց` հետագայում առավել հանգամանալից ուսումնասիրելու պայմանով: Հատկապես, որ առաջիկա 1-2 տարիների ընթացքում ՀՀ քրեական օրենսգիրքը հիմնովին պետք է բարեփոխվի:
Գերեվարված զինծառայողների ծնողները կրկին փակել են Շիրակի մարզպետարանի մուտքը
(Թարմացված է 12:53 05.03.2021)
Գերեվարվածների ծնողները թույլ չեն տվել, որ մարզպետարանի որևէ աշխատակից ներս մտնի: ԵՐԵՎԱՆ, 5 մարտի – Sputnik, Արմենուհի Մխոյան. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:
Пресс-служба МИД РФ
Նրանք, սակայն, հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:
Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:
Մարտի 3-ին, սակայն, նրանք աշխատակիցների ելումուտը չէին արգելել:
Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող են գերեվարվել, բոլորը` Շիրակի մարզից։
Հունվարի 28–ին նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։
թեգերը:
Սյունիքում պետք է ստեղծվի 5-7 կմ տարածությամբ ապառազմականացված անվտանգության գոտի. Թաթոյան
(Թարմացված է 12:50 05.03.2021)
Արման Թաթոյանը հետևյալ հարցադրումն է անում. ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանական զինված ուժերից։
ԵՐԵՎԱՆ, 5 մարտի - Sputnik. Սյունիքում պետք է ստեղծվի ապառազմականացված անվտանգության գոտի։ Այսօր կայացած ասուլիսի ժամանակ նման համոզմունք հայտնեց ՀՀ մարդու իրավունքների պաշտպան Արման Թաթոյանը։
Թշնամին այսօրվանից ինժեներական աշխատանքներ է սկսել Որոտանում. Իրինա Յոլյան
ՄԻՊ–ը կոնկրետ օրինակներով ու տեսանյութերով ապացուցեց, որ Սյունիքում ապառազմականացված անվտանգության գոտի ստեղծելու կարիք կա` ասելով, որ իրենց աշխատանքներն են փաստում այդ մասին։
«Ակնհայտ խնդիրներ կան։ Օրինակ, մեր ունեցած տեսանյութերում երևում է, թե ինչպես են Սյունիքի գյուղերի վրա կրակում։ Մասնագիտական ուսումնասիրություն է կատարվել և պարզվել է, որ «Կալաշնիկովի» ձեռքի գնդացրով, «Դրագունովի» դիպուկահար հրացանով, «Կալաշնիկովի» գնդացրով և Մ93 հրացանով են կրակում Սյունիքի գյուղերի վրա»,–ասաց Թաթոյանը` հավելելով, որ վերջին օրերին էլ Շիկահողի և Ներքին հանդի ուղղությամբ են կրակոցներ հնչել։
Նա հայտնեց նաև, որ այժմ սահմաններին կանգնած են մարդիկ, որոնք ամիսներ առաջ ծեծում և խոշտանգում էին մեր հայրենակիցներին։
©
Photo : Facebook / Arman Tatoyan
Օրինակ, մենք ապացույց տեսանյութեր ունենք, որ ադրբեջանցի հրամանատարն ասում է` ընկերոջը հայի ականջներ է խոստացել և ցուցադրաբար, ծաղրի ենթարկելով, կտրում է հայի ականջները։ Մեկ ուրիշ տեսանյութում էլ քաղաքացիական անձին են ծեծի ենթարկում` ասելով, թե դուք մարդ չեք։
Թաթոյանը նշում է` ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանակն զինված ուժերից։
ՄԻՊ–ը շեշտեց` այս ամենը հաշվի Սյունիքի ապառազմականացված անվտանգության գոտի (առնվազն 5-7 կմ տարածությամբ) ստեղծելն անհրաժեշտություն է։ Սա հիմնված է այն զինատեսակների վրա, որոնցով Ադրբեջանը շարունակում է կրակել։ Թաթոյանը հայտնեց` հարցն արդեն իսկ ներկայացրել է միջազգային կառույցներին։
Գորիսից Որոտան, Շուռնուխ և Կապան տանող 21 կմ-ն Ադրբեջանի վերահսկողության տակ է. Թաթոյան
Հիշեցնենք, որ Թաթոյանը դեռ 2020-ի դեկտեմբերի 22-ին հայտնել էր, թե որ համայնքից որքան տարածք է անցել թշնամուն։ Տեղ համայնքում, որի մեջ են մտնում Խոզնավարը, Խնածախը, 2000 հեկտարից ավելի մասնավոր սեփականություն կա, որից զրկվել ենք։ Շուռնուխում 11 տուն է անցել թշնամուն, Որոտանում` 326 հեկտարից ավելի մասնավոր և համայնքային սեփականություն համարվող հողատարածքներից են զրկվել։ 18-20 այգեգործական տնակներ Որոտանում կառուցվել են այն հողերի վրա, որոնք ՀՀ գործկոմի որոշումներով են հատկացվել մարդկանց, որոնցից նույնպես զրկվել ենք։
Ագարակ գյուղում մարդիկ զրկվել են 60 հա մասնավոր և համայնքային սեփականություն համարվող տարածքից, Եղվարդում` 110 հա վարելահողից և 50 հա արոտավայրից, Ճակատենում` 30 հա վարելահողից և 25 հա արոտավայրից։
Ադրբեջանցիները մտել են Որոտանի տարածք. Գորիսի փոխքաղաքապետը մանրամասներ է պատմում