Լավրովն ու Նալբանդյանը

Նալբանդյանը` Լավրովի ասածի մասին. «Փաթեթային հանգուցալուծումը նկատի ունի նաև փուլային կիրառում»

35
(Թարմացված է 16:23 29.01.2018)
Առանց փաթեթային լուծման Արցախում կարգավորման հասնելն անհնար է, կարծում է Հայաստանի արտգործնախարարը։

ԵՐԵՎԱՆ, 29 հունվարի — Sputnik. Ղարաբաղյան հակամարտությունը հնարավոր է լուծել միայն փաթեթային տարբերակով, որը փուլային լուծում է ենթադրում, ասաց Հայաստանի արտգործնախարար Էդվարդ Նալբանդյանը` մեկնաբանելով ռուս գործընկերոջ` Սերգեյ լավրովի հայտարարությունները։

Ավելի վաղ Ռուսաստանի արտգործնախարար Սերգեյ Լավրովն ասել էր, որ արցախյան հակամարտությունն անհնար է լուծել մեկ փաստաթուղթ ստորագրելով, այն պետք է կարգավորեն կողմերը փուլային լուծում տալով, ինչը բխում է վերջնական կարգավորման հասնելու շահերից, ներառյալ Արցախի կարգավիճակը։

Նալբանդյանի խոսքով` համանախագահները բազմիցս նշել են, որ արցախյան հակամարտության լուծումը պետք է հիմնվի երեք սկզբունքների վրա, որոնք մշակվել ու ներկայացվել են կողմերին որպես մեկ ամբողջություն։

«Փուլային կամ փաթեթային տարբերակի մասին հարցադրումը կարող էր ակտուալ լինել 20 տարի առաջ։ Իսկ այսօր դա այլևս ակտուալ չէ, միջնորդները բազմիցս ասել են, որ հարցը պետք է լուծվի առաջարկների փաթեթի հիման վրա, ու սկզբունքներից մեկն առանձնացնելու փորձերն անհնար կդարձնեն կարգավորումը», — ասել է Նալբանդյանը 2017 թվականի արդյունքներով մամուլի ասուլիսի ժամանակ։

Ընդ որում` պետք է հաշվի առնել, որ հայկական կողմը բազմիցս նշել է, որ փաթեթային կարգավորումը ենթադրում է փուլային իրականացում։

Նա նաև նշել է, որ ծանոթ է Մամեդյարովի հայտարարությանը, ըստ որի` անհրաժեշտ է անցում կատարել տրամաբանական բանակցությունների։

«Բաքվի հայտարարություններում միշտ չէ, որ պետք է տրամաբանություն փնտրել, նույնիսկ եթե նրանք նման բառ են կիրառում։ Ի՞նչ տրամաբանության մասին է խոսքը։ Տրամաբանությանը, երբ նրանք հրաժարվում են իրենց իսկ խոսքերից, ինչպես Վիենայում և Պետերբուրգում։ Թե՞ երբ համանախագահների հետ պայմանավորվածություն են ձեռք բերում մի բանի վերաբերյալ, սակայն մեկ այլ բան անում։ Ինչպես Աստրախանում, Սոչիում, Կազանում 2011 թվականին և Պետերբուրգո՞ւմ։ Կամ երբ համաձայնում են թուլացնել լարվածությունը և նոր քայլե՞ր են անում իրավիճակը սրելու համար», — ասաց Նալբանդյանը։

Ինչո՞ւ է ադրբեջանական կողմը նման «անտրամաբանական» հանդիպումներ կամ բանակցություններ շարունակում. «Մի՞թե նրանք իրենց համար վարկաբեկող չեն համարում անտրամաբանական բանակցություններին մասնակցելը»։

«Շուրջ 20 հանդիպում նախագահների մակարդակով և 60` արտգործնախարարների։ Նշանակում է` նրանց երկրի ղեկավարներն անտրամաբանական հանդիպումների՞ էին մեկնում», — ասաց Նալբանդյանը։

Սա, ՀՀ արտգործնախարարի խոսքով, չի համապատասխանում ոչ միայն Հայաստանի, այլև համաշխարհային հանրության տրամաբանությանը։

Նալբանդյանն անդրադարձավ նաև Ադրբեջանի հայտարարություններին, թե Արցախ այցելող որոշ անձինք տուն վերադառնալուց հետո ներողություն են խնդրում, որպեսզի նրանց անունը հանեն «սև ցուցակից»։

«Ինչո՞ւ է այդ ցուցակն անդադար աճում, այնտեղ արդեն 600-700 մարդ կա։ Գուցե 5-6 մարդ խնդրել է հանել նրանց այդ ցուցակից, սակայն ինչպես ես արդեն նշել էի խորհրդարանում, Լապշինի դեպքից հետո Արցախ ավելի շատ են այցելելում», — ասաց Նալբանդյանը։

Նրա խոսքով` ադրբեջանական հայտարարությունները իրականության հետ որևէ կապ չունեն, և «սև ցուցակում» ընդգրկվածների ճնշող մեծամասնությունը հպարտ է այդ ցուցակում լինելու համար։

Նա ընդգծեց, որ անցել են այն ժամանակները, երբ այցելությունները սահմանափակվում էին ուժով, դա արդեն անհնար է։

35
Ռոբերտ Քոչարյան

Կվերսկսվի Ռոբերտ Քոչարյանի և մյուսների գործով քննությունը

282
(Թարմացված է 23:13 30.11.2020)
Սահմանադրական կարգի ենթադրյալ տապալման գործով քննությամբ անցնում են ՀՀ երկրորդ նախագահ Ռոբերտ Քոչարյանը, Սեյրան Օհանյանը, Արմեն Գևորգյանը և Յուրի Խաչատուրովը։

ԵՐԵՎԱՆ, 30 նոյեմբերի – Sputnik․ Երևանի ընդհանուր իրավասության դատարանում վերսկսվելու է սահմանադրական կարգի ենթադրյալ տապալման գործով քննությունը։ Տեղեկությունը հայտնում է  ՀՀ 2-րդ նախագահ Ռոբերտ Քոչարյանի փաստաբանական թիմի Facebook-յան էջը։

Մասնավորապես, դեկտեմբերի 1-ին, ժամը 13։00-ին նախագահությամբ դատավոր Աննա Դանիբեկյանի, (Շենգավիթի նստավայր) վերսկսվելու է սահմանադրական կարգի ենթադրյալ տապալման գործով քննությունը։

Նշենք, որ գործով անցնում են ՀՀ երկրորդ նախագահ Ռոբերտ Քոչարյանը, Սեյրան Օհանյանը, Արմեն Գևորգյանը և Յուրի Խաչատուրովը։

Հիշեցնենք, որ ՀՀ երկրորդ նախագահը մասնակցում է 2008 թվականի մարտի 1-ի դեպքերի վերաբերյալ քրեական գործի դատաքննությանը: Նրա դեմ քրեական հետապնդումը սկսվել է 2018-ին Հայաստանում իշխանափոխությունից հետո։ Այդ ժամանակ էլ Ռոբերտ Քոչարյանը հայտարարել էր քաղաքականություն վերադառնալու մասին։ ՀՀ երկրորդ նախագահին երեք անգամ կալանավորել են։ Կալանավայրում նա ընդհանուր առմամբ 500 օր է անցկացրել։

Քոչարյանը Պուտինի հետ հանդիպելու համար միջնորդի կարիք չունի. Վիկտոր Սողոմոնյան

2020 թվականի հունիսին Վերաքննիչ դատարանը նրան գրավի դիմաց ազատ արձակելու որոշում է կայացրել։

Քոչարյանը բազմիցս հայտարարել է, որ իր դեմ հարուցված քրեական գործն ամբողջությամբ շինծու է և իրենից ներկայացնում է ոչ այլ ինչ, քան քաղաքական հետապնդում։

282
թեգերը:
Դատավոր, Դատարան, Ռոբերտ Քոչարյան
թեմա:
«Մարտի 1»-ի գործը
Ըստ թեմայի
Մենք դադարեցնում ենք մեր ֆիզիկական մասնակցությունն այս ֆարսին. Մարտի 1-ի գործով տուժողներ
Մարտի 1-ի գործի հետագա ընթացքը կանգնած է տապալման վտանգի առջև. փաստաբան
Ընտրել են նրանց, ովքեր պատրաստ են Մարտի 1-ի մեղքը բարդել Քոչարյանի վրա. փաստաբան
ՀՀ քննչական կոմիտե

Հանդիպումներ են եղել արգելված զինատեսակների կիրառման գծով միջազգային փորձագետների հետ. ՔԿ

29
(Թարմացված է 23:15 30.11.2020)
Քննարկվել են Ադրբեջանի Հանրապետության ԶՈւ –ի ծառայողների կողմից գերեվարված հայ ռազմագերիների և քաղաքացիական անձանց սպանության, խոշտանգման, նրանց նկատմամբ դաժան դեպքերը։

ԵՐԵՎԱՆ, 30 նոյեմբերի – Sputnik․ ՀՀ քննչական կոմիտեի զինվորական քննչական գլխավոր վարչությունում և քրեագիտական վարչությունում հանդիպումներ են տեղի ունեցել պատերազմական հանցագործությունների գծով միջազգային փորձագետ, կրիմինալիստ ֆրանսահայ Էլիզ Պողոսյանի և արգելված զինատեսակների կիրառման գծով միջազգային փորձագետ Ժան Լյուկ Մեսաժեի հետ: Տեղեկությունը հայտնում է ՔԿ մամուլի ծառայությունը։

Քննարկվել են Ադրբեջանի Հանրապետության ռազմաքաղաքական ղեկավարության կողմից արցախա-ադրբեջանական շփման գծի ողջ երկայնքով սանձազերծված և վարվող  ագրեսիվ պատերազմի ընթացքում միջազգային մարդասիրական իրավունքի նորմերի լուրջ խախտումներ համարվող արարքների կատարման, արգելված զինատեսակների կիրառման, ինչպես նաև նշված դեպքերի առթիվ վարույթն իրականացնող մարմնի կողմից մեծածավալ փորձաքննությունների նշանակման և իրականացման վերաբերյալ հարցեր:

«Քննարկումների առարկա են դարձվել միջազգային մարդասիրական իրավունքի նորմերի լուրջ խախտումներ համարվող մի շարք արարքների, մասնավորապես՝ ռազմական գործողությունների ընթացքում Ադրբեջանի Հանրապետության զինված ուժերի ծառայողների կողմից գերեվարված հայ ռազմագերիների և քաղաքացիական անձանց սպանության, խոշտանգման, նրանց նկատմամբ դաժան, անմարդկային և արժանապատվությունը նվաստացնող վերաբերմունք դրսևորելու, ռազմական գործողություններում վարձկաններ օգտագործելու վերաբերյալ դեպքերը»,–նշված է հաղորդագրության մեջ:

«Առաջարկելու ենք հող չհանձնել, եթե գերիներին չեն տալիս». Հրանտ Թոխատյան

Հանդիպումների ընթացքում երկուստեք պայմանավորվածություններ են ձեռք բերվել հետագա աշխատանքային համագործակցությունը շարունակելու ուղղությամբ։

29
թեգերը:
Արցախյան պատերազմ, Ղարաբաղյան հակամարտություն, Լեռնային Ղարաբաղ, ֆոսֆորային զինատեսակներ, ՀՀ քննչական կոմիտե
Ըստ թեմայի
Վաղարշակ Հարությունյանն ասել է` ինչի կհանգեցնի պատերազմի վերլուծությունը
Արա Այվազյանն Ուենդի Մորթնիի հետ քննարկել է արցախցիների իրավունքների վերականգնման խնդիրը
Կվերսկսվի Ռոբերտ Քոչարյանի և մյուսների գործով քննությունը

Ծուխ, կրակ, կոտրված ցուցափեղկեր. Փարիզի բողոքի ակցիաները` լուսանկարներով

0
(Թարմացված է 00:21 01.12.2020)
  • Բողոքի ակցիաներ Փարիզում
  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Ցույցերից ավերված Փարիզը
  • Բազմամարդ բողոքի ակցիաներ Փարիզում
  • Ցույցերից ավերված Փարիզը
  • Ցույցերից ավերված Փարիզը
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
Ֆրանսիայի ՆԳՆ տվյալներով ՝ Փարիզում փողոց է դուրս եկել 46 հազար մարդ, իսկ ամբողջ երկրում՝ 133 հազար մարդ։ Բողոքի ակցիաների կազմակերպիչները պնդում են, որ ամբողջ երկրում փողոց է դուրս եկել 500 հազար մարդ։

Ոչ միայն Փարիզում, այլև ամբողջ Ֆրանսիայում բազմահազարանոց հանրահավաքներ են տեղի ունեցել Ֆրանսիայի խորհրդարանի ստորին պալատի կողմից առաջին ընթերցմամբ հավանության արժանացած «Գլոբալ անվտանգության մասին» օրենքի դեմ: Վրդովմունք է առաջացրել է 24-րդ հոդվածը, որը օրինագծի տեքստում մտցվել է ոստիկանական արհմիությունների ճնշմամբ։

Այն տուգանքներ է նախատեսում ոստիկանների լուսանկարահանման և տեսանկարահանման համար, եթե այդ կադրերի տարածումը «սպառնում է առանձին պաշտոնյաների ֆիզիկական կամ հոգեկան անձեռնմխելիությանը»:

Կտրուկ քննադատության է արժանացել օրինագծի ևս մեկ դրույթ, ըստ որի լրագրողները պետք է նախապես գրանցվեն` ցույցերը լուսաբանելու համար: Եվրահանձնաժողովն արդեն իր կարծիքն է հայտնել նոր դրույթի վերաբերյալ՝ զգուշացնելով, որ ԶԼՄ-ները այսուհետ էլ պետք է ազատ կատարեն իրենց աշխատանքը: Ընդդիմությունը պահանջում է, որ նախագահ Էմանուել Մակրոնը հետ կանչի փաստաթուղթը, որը դեռ պետք է ստանա Սենատի հավանությունը։

0
  • Բողոքի ակցիաներ Փարիզում
    © Sputnik / Dominique Boutin

    Բողոքի ակցիաներ Փարիզում

  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
    © Sputnik / Dominique Boutin

    Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում

  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
    © Sputnik / Dominique Boutin

    Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

թեգերը:
Բողոքի ակցիա, Ֆրանսիա, Փարիզ