Անհանգիստ Իրանը. բողոքի ցույցերը կանդրադառնա՞ն Հայաստանի հարաբերությունների վրա
(Թարմացված է 15:49 08.01.2018)
Իրանի արտաքին քաղաքականությունը չի փոխվի, քանի դեռ իրավիճակը վերահսկողությունից դուրս չի եկել, կարծում է իրանագետ Արտյոմ Տոնոյանը։ԵՐԵՎԱՆ, 8 հունվարի — Sputnik. Իրանում կազմակերպած բողոքի ակցիաները չեն սպառնում Հայաստանի հետ հարաբերություններին, Sputnik Արմենիայի հետ զրույցում ասաց իրանագետ Արտյոմ Տոնոյանը։
«Իրավիճակը դեռևս կառավարելի է, իշխանությունները վերահսկում են ցույցերը, ներքին խնդիրներ կան բոլոր երկրներում։ Այն ծրագրերը, որոնք պետք է իրականացնեն Հայաստանն ու Իրանը, դժվար թե տուժեն», — ասաց Տոնոյանը։
Նա նշեց, որ Հայաստանին ձեռնտու է, որ հարաբերություններ կառուցի կայուն և խաղաղ Իրանի հետ։
«Հայ-իրանական հարաբերություններն առավել ակտիվ են զարգանալու, եթե երկրում կայուն իրավիճակ լինի», — ասաց Տոնոյանը։
Ինչ վերաբերում է Իրանում տիրող իրավիճակին, նրա խոսքով, նախկին նախագահ Մահմուդ Ահմադինեժադի ձերբակալության մասին լուրն, ամենայն հավանականությամբ, իրականությանը չի համապատասխանում, անկախ գործող իշխանությունների հասցեին հնչեցրած նրա խիստ քննադատությունից։
Փորձագետը կարծում է, որ Իրանում տեղի ունեցող իրադարձությունները կապված են նաև իշխանության ներսում առկա խնդիրների հետ։
Իրավիճակն ապակայունացնելու համար Իրանի ներքաղաքական իրավիճակից և սոցիալական դժգոհությունից իրենց հերթին օգտվեցին արտաքին ուժերը։
Տոնոյանի խոսքով` Telegram սոցցանցում բազմաթիվ ալիքներ են ստեղծվել, որոնք, ամենայն հավանականությամբ, կառավարվում են արտաքին ուժերի կողմից. նրանց օգնությամբ ամբողջ դեկտեմբերի ընթացքում նյութեր են հրապարակվել, որոնք կարող էին իշխանությունների նկատմամբ դժգոհության ալիք հրահրել։
«Սոցիալական ցանցերն այն հիմնական գործիքն էին, որից օգտվում էին արտաքին ուժերը», — ասաց Տոնոյանը։
Բացի այդ, Իրանի նկատմամբ թշնամաբար տրամադրված արտաքին ուժերը փորձեցին ՄԱԿ-ի հարթակն օգտագործել պաշտոնական Թեհրանին քննադատելու համար։
Իրանի խոշոր քաղաքներում անցյալ տարվա դեկտեմբերի 28-ից սոցիալական բողոքի զանգվածային ակցիաներ են ընթանում։ Իրանի նախագահ Հասան Ռոհանին հայտարարել է, որ բողոքի ցույցերը կապված են երկրի ներքին խնդիրների, ինչպես նաև այլ երկրների կողմից ոտնձգությունների հետ։ ԶԼՄ-ների տվյալներով, անկարգությունների զոհ է դարձել 20 մարդ։ Թեհրանում բողոքի ցույց անցկացնելու համար վերջին երեք օրվա ընթացքում մոտ 450 մարդու են ձերբակալել։
Առաջիկա ժամերին ՀՀ նախագահն իր որոշման մասին կհայտնի․ Վանեցյան
ԵՐԵՎԱՆ, 3 մարտի – Sputnik. Ավարտվեց «Հայրենիքի փրկության շարժման» անդամների հանդիպումը ՀՀ նախագահ Արմեն Սարգսյանի հետ։ «Հայրենիք» կուսակցության ղեկավար Արթուր Վանեցյանը լրագրողներին հայտնեց, թե ինչ է խոստացել ՀՀ նախագահը
«Նախագահի հետ հանդիպման ժամանակ քննարկվել են հարցեր, որոնք կապված են Զինված ուժերի ԳՇ պետի ազատման դիմումը Սահմանադրական դատարան ուղարկել-չուղարկելու հետ։ Նախագահը լսեց մեր հարցերը, տեսակետները, նշեց, որ առաջիկա ժամերին իր որոշման մասին կհայտնի»,-ասաց Վանեցյանը։
Հավելենք, որ նախագահի հետ հանդիպմանը մասնակցում էին «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։
ԲԴԽ նախագահ Ռուբեն Վարդազարյանը հրաժարականի մտադրություն չունի
ԵՐԵՎԱՆ, 3 մարտի - Sputnik. Բարձրագույն դատական խորհրդի նախագահ Ռուբեն Վարդազարյանն այսօր ԱԺ-ում տեղի ունեցած բանավեճերից հետո հրաժարական տալու մտադրություն չունի: Նա այդ մասին լրագրողներին հայտնեց ԱԺ նիստի ընդմիջմանը։
Հարցին, թե ինչպես է գնահատում իր նկատմամբ իշխող քաղաքական ուժի պատգամավորների վերաբերմունքը, ԲԴԽ նախագահը պատասխանեց. «Առնվազն ագրեսիվ: Պատճառը չգիտեմ»:
Խոսելով 2020թ-ի նոյեմբերի 15-ին դատական համակարգի անաչառության մասին իր տարածած հայտարարությունից հետո ԱԱԽ նախկին տնօրեն Արթուր Վանեցյանի կալանքի որոշումը դատարանի կողմից ոչ իրավաչափ ճանաչելու որոշման մասին՝ Վարդազարյանը նշեց, որ որևէ մեկը, այդ թվում՝ ինքը, իրավունք չունի դատարանի կայացրած որոշմանը գնահատական տալու:
Պատասխանելով ՀՀ նախկին դատախազ Գագիկ Ջհանգիրյանին ԲԴԽ անդամ նշանակելու՝ իշխանության առաջարկի մասին հարցերին՝ Վարդազարյանն ասաց, որ ինքը բազմիցս հայտարարել է, որ իր կարծիքով` կենսաթոշակային տարիքը լրանալուց հետո ԱԺ-ն իրավասու չէր Ջհանգիրյանին ընտրել ԲԴԽ անդամ:
«Ես այդ հայտարարությունն արել եմ, երբ պարոն Ջհանգիրյանի մասին դեռ լուրերի մակարդակով էր խոսվում, և նա պաշտոնապես թեկնածու չէր: Երբ պարոն Ջհանգիրյանը պաշտոնապես դարձավ թեկնածու, այդ պահից սկսած` ես պարոն Ջհանգիրյանի վերաբերյալ որևէ արտահայտություն չեմ արել և դրսևորել եմ այն զսպվածությունը, որը պարտադրված է օրենքով»,- ասաց նա:
Նույն տարիքային խնդիրը, ըստ նրա, եղել է նաև Գագիկ Հարությունյանի պաշտոնավարման հետ կապված, ու անգամ այդ հարցով հայց է եղել դատարանում: Բայց Հարությունյանի պաշտոնանկությունից հետո հայցվորը հրաժարվել է իր հայցից:
Հիշեցնենք՝ ԲԴԽ նախագահ Ռուբեն Վարդազարյանն այսօր խորհրդարանում ներկայացնելու է Վճռաբեկ դատարանի դատավորների թեկնածուներին:
Բայց մինչ պատգամավորները կսկսեին հարցեր տալ թեկնածուներին, նրանք օգտվելով առիթից` սկսեցին իրենց հետաքրքրող հարցերի պատասխանները պահանջել Վարդազարյանից: Հարցուպատասխանն անցավ շատ թեժ մթնոլորտում։
Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Սամվել Գրիգորյանի, Արմեն Հայկյանցի և Արսեն Մկրտչյանի թեկնածությունները, որոնք նախատեսվում է քննարկել ընթացող քառօրյա նիստերի օրակարգում:
Սամվել Գրիգորյանը, սակայն, երեկ ինքնաբացարկ էր հայտնել, ինչի հետևանքով հարցի քննարկումը մեկ օրով հետաձգվել էր: