ԵՐԵՎԱՆ, 30 դեկտեմբերի — Sputnik. ՀՀ զինված ուժերի գլխավոր շտաբի պետ, գեներալ-լեյտենանտ Մովսես Հակոբյանը շնորհավորել է հայաստանցիների Ամանորն ու Սուրբ ծնունդը` ուղերձում ամփոփելով 2017թ-ը։ Այս մասին հայտնում է ՀՀ պաշտպանության նախարարության մամուլի ծառայությունը։

«Մեզ հաջողվել է թշնամուն խաղաղություն պարտադրել, ապահովել Հայաստանի և Արցախի անվտանգությունը: Ճիշտ է` 2017թ. ևս հակառակորդը բազմիցս դիմել է սադրանքների, տարբեր զինատեսակներով կրակահերթեր բացել մեր սահմանային բնակավայրերի ուղղությամբ, բայց ամեն անգամ արժանի հակահարված է ստացել, իր վրա զգացել Հայոց բանակի ուժն ու զորությունը»,- ասված է ուղերձում։

Հայ ժողովրդի անվտանգությունը, Հակոբյանի խոսքով, ապահովվել է գիշեր ու զօր մարտական հերթապահություն իրականացնող մեր քաջ ու խիզախ տղաների ջանքերով:

Տոնական ուղերձում չի շրջանցվել նաև 2017թ-ին ունեցած կորուստների թեման։ «Այս տոնական օրը անպայման պարտավոր ենք հիշել թշնամու գնդակից զոհվածներին: Եկեք նորից վշտակցենք նրանց հարազատներին ու առաջինը նրանց շնորհավորենք Ամանորի և սուրբծննդյան տոների կապակցությամբ»,- ասված է ուղերձում։

© Sputnik

Կարապետյանը վստահեցրել է հայերին. «Մենք կունենանք չտեսնվա՛ծ լավ երկիր»

Ամփոփելով 2017թ.-ին կատարված աշխատանքները` Հակոբյանը նշել է, որ անցնող տարում բանակը վերազինվել է նորագույն սպառազինությամբ, լուրջ ուշադրություն է դարձվել օպերատիվ-մարտավարական, հրամանատարաշտաբային զորավարժություններին, շտաբային մարզումներին, զինծառայողների անհատական պատրաստվածությանը, ինչի արդյունքում ավելի են կատարելագործվել նրանց մասնագիտական որակները։

2018 թվականը, ԳՇ պետի համոզմամբ, կարևոր տարի է լինելու բանակի համար:

«Ազգ-բանակ գաղափարի իրագործման շրջանակներում շարունակական աշխատանքներ են կատարվելու: Նախատեսվում է իրականացնել բանակի արդիականացման յոթնամյա ծրագիր: Դա լինելու է 2018-2025թթ. բանակային կյանքի բոլոր ոլորտներն ընդգրկող արդիականացման մի համալիր ծրագիր»,- նշել է Հակոբյանը:

Ավարտելով խոսքը` ԳՇ պետը վստահեցրել է, որ Հայոց բանակը միշտ պատրաստ է արժանի հակահարված տալ թշնամուն և պատվով կատարել հայկական երկու պետությունների անվտանգության, նրանց սահմանների անձեռնմխելիության ապահովման պատվավոր առաքելությունը: Իսկ զինված ուժերի անձնակազմին ու ողջ հայ ժողովրդին Հակոբյանը մաղթել է մշտական, հարատև խաղաղություն` միաժամանակ շնորհակալություն հայտնելով ծառայությունը բարեխիղճ կատարող բոլոր զինվորներին, սպաներին, գեներալներին ու տոնական օրերին մարտական հերթապահություն իրականացնողներին մաղթելով անվտանգ ծառայություն:

ԵՐԵՎԱՆ, 3 մարտի – Sputnik. «Պահպանության ծառայություն» ՊՈԱԿ-ի մասնաճյուղ՝ Պատմական միջավայրի պահպանության (ՊՄՊ) Արագածոտնի մարզային ծառայության հուշարձանի պահապան Սահակ Մարտիրոսյանը հերթական շրջայցի ժամանակ իրավախախտում է արձանագրել մարզի՝ Ոսկեվազ համայնքում գտնվող «Ամրոցի համալիր Ախթամիր» հանրապետական նշանակության հուշարձանի տարածքում։ Տեղեկությունը հայտնում է ՀՀ ԿԳՄՍ նախարարություն «Պահպանության ծառայություն» ՊՈԱԿ-ը։

Գեղարքունիքում գանձագողության դեպք է գրանցվել. լուսանկարներ

Միջնաբերդի հյուիսարևմտյան հատվածում անհայտ անձը կամ անձինք գանձախուզության, գանձագողության նպատակով վնասել են հուշարձանի մշակութային շերտը, փորել այն, տեղաշարժել գերեզմանաքարերը։

Հեռախոսի լույսի ներքո. ինչպես են Շուշիի գորգերը հասել Երևան և ինչ են պատմում դրանք

Մարզային ծառայության պատասխանատուները դեպքի վայրում հայտնաբերել են մեծ քանակությամբ խեցեղենի կտորներ։

Դեպքի մասին ՊՄՊ մարզային ծառայությունը ահազանգել է իրավապահներին, Ոսկեվազ համայնքի ղեկավարին։

Հերթական գանձագողությունը Սյունիքի մարզում