ԵՐԵՎԱՆ, 30 դեկտեմբերի — Sputnik. «Վանաձոր» ՔԿՀ-ում պահվող դատապարտյալներն ապօրինի կերպով ձեռք են բերել և իրենց մոտ պահել բջջային հեռախոսներ ու բջջային հեռախոսաքարտեր։ Հարուցված քրեական գործից նոր մանրամասներ է հայտնում է Հատուկ քննչական ծառայությունը։

ՔԿՀ-ի անվտանգության ապահովման բաժնի աշխատակից Հ. Համբարձումյանը, տեղյակ լինելով այդ մասին, ոչ միայն որևէ միջոց չի ձեռնարկել արգելված իրերը հայտնաբերելու և վերցնելու ուղղությամբ, այլև այդ մասին չի զեկուցել հիմնարկի ղեկավարությանը:

Փոխարենը Համբարձումյանը դատապարտյալների հարազատներից ընդունել է տարբեր բնույթի ծառայություններ:

Իսկ դատապարտյալներն այդ ժամանակ անարգել կապ են հաստատել միմյանց ու ՔԿՀ-ի տարածքից դուրս գտնվող անձանց հետ։

Հ. Համբարձումյանին պաշտոնեական լիազորությունները չարաշահելու մեղադրանք է առաջադրվել։ Քրեական գործի նախաքննությունը շարունակվում է։

Հիշեցնենք, որ այս տարվա հոկտեմբերին արդեն իսկ քրեական գործ էր հարուցվել «Վանաձոր» ՔԿՀ-ի տարածքում թմրամիջոցների ապօրինի տեղափոխության և իրացման փաստով։ Այս գործով պարզվել էր որ քրեակատարողական հիմնարկի պետ Գևորգ Մկրտչյանը, պետի տեղակալ Անդրանիկ Թումանյանը, օպերատիվ բաժնի պետ Ռուբեն Կիրակոսյանը, պատասխանատու հերթապահներ Արտակ Պարսամյանն ու Էդվարդ Քառյանը, ինչպես նաև պետական հատուկ ծառայություն իրականացնող այլ պաշտոնատար անձինք 2017 թվականի ընթացքում, նախնական համաձայնությամբ, դատապարտյալներից պարբերաբար պահանջել և որպես կաշառք ստացել են տարբեր չափերի գումարներ:

Կաշառքի դիմաց նրանք դատապարտյալներին թույլ են տվել անարգել ելումուտ անել տարբեր խցեր, զբաղվել թղթախաղով, թմրանյութ օգտագործել։

ԵՐԵՎԱՆ, 3 մարտի – Sputnik. Երեկ՝ մարտի 2-ին, արտակարգ դեպք է տեղի ունեցել Երևանում։ Վիճաբանությունն ավարտվել է դանակահարությամբ։ Կան վիրավորներ։ Տեղեկությունը հայտնում է shamshyan.com–ը։

© Photo : Авилов Александр / АГН "Москва"

Գյումրիում դանակահարել են շտապօգնության վարորդի. վիճակը ծանր է

Ժամը 22։40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «որովայնի առաջնային պատի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի։

Ոստիկանները պարզել են, որ վիրավորը Աջափնյակ վարչական շրջանի բնակիչ՝ 27-ամյա Գարիկ Մ-ն է։

Մինչ ոստիկաններն ու քննիչները կպարզեին դեպքի հանգամանքները, ժամը 23։45-ին թիվ 1 համալսարանական հիվանդանոցից ոստիկանության Մաշտոցի բաժին ահազանգ է ստացվել, որ «գլխի վնասվածք» ախտորոշմամբ իրենց մոտ է տեղափոխվել մի քաղաքացի։

Ոստիկանները և քննիչները, մեկնելով նշված հիվանդանոց, պարզել են, որ վիրավորը Էրեբունի վարչական շրջանի բնակիչ՝ 43-ամյա Գևորգ Ա-ն է։

«Պարզվել է, որ նույն օրը` ժամը 22։30-ի սահմաններում, Միկոյան փողոցում ավտոմեքենաների կայանման շուրջ Գարիկ Մ-ի ու Գևորգ Ա-ի միջև վիճաբանություն է տեղի ունեցել, որի ժամանակ Գարիկ Ա-ն սուր կտրող-ծակող առարկայով հարվածել է Գարիկ Մ-ին, իսկ վերջինս էլ ձեռքերով հարվածել է Գևորգ Ա-ի գլխին»,–գրում է կայքը։

«Արմենիա» ԲԿ-ում ոստիկաններին և քննիչներին հայտնել են, որ Գարիկ Մ-ն այս պահին ի վիճակի չէ կատարվածի մասին բացատրություն տալու։

Ոստիկաններն ու քննիչները ձեռնարկում են անհրաժեշտ օպերատիվ հետախուզական և քննչական միջոցառումներ՝ հանցագործության գործիք հանդիսացող սուր կտրող առարկան հայտնաբերելու համար։

Դանակահարություն Երևանում. պատճառը` sms-հաղորդագրություններն են