Հայ «որսորդների» այլանդակությունները. տաշել են գայլի ատամները և հանել սիրտը
ԵՐԵՎԱՆ, 18 դեկտեմբերի — Sputnik. Հայաստանում ավելի շատ մարդիկ են սկսել իրենց որսորդ անվանել, բայց որսի հետ ոչ մի կապ չունեն։ Sputnik Արմենիային տված հարցազրույցում, խոսելով հերթական աղմկահարույց որսորդության մասին, ասաց լրագրող–որսորդ Էդուարդ Սարիբեկյանը։
Վերջերս «հայտնի դարձավ» 25–ամյա Խորեն Գրիգորյանը, որը սոցիալական ցանցերում տեղադրել է իր կողմից սպանված կենդանիների լուսանկարները, ընդ որում, դա բավական գռեհիկ է արել` ներքին օրգանների, կտրված գլուխների և այլ դաժան լուսանկարներ։ Համացանցում այս ամենը մեծ աղմուկ է բարձրացել։
«Գաղտնիք չէ, որ որսորդները սննդի մեջ օգտագործում են զոհի միսը, նրա օրգանները։ Դուք խանութում գնում եք կենդանիների բուդ, լեզու, թևիկներ, այլ օրգաններ… Եթե ինչ-որ մեկը ցանկանում է ուտել գայլի սիրտ (Գրիգորյանը լուսանկար է տեղադրել, որում պահում է գայլի սիրտը, խմբ.) և գիշատչի օրինական որս կազմակերպել, դա ոչ ոք չի արգելում։ Բանն այն է, որ այստեղ ամեն ինչ այլանդակ ձևով է մատուցվում», – նշեց Սարիբեկյանը։
Նրա խոսքով` գոյություն ունի «որսի էթիկա» հասկացություն։ Քաղաքակիրթ աշխարհում կան նորմեր, որոնց հետևել և հետևում են որսորդները։ Սարիբեկյանը կարծում է, որ ոչ ոք չպետք է իր որսորդական գործունեությամբ զզվանք առաջացնի։
«Ինչու՞ ամբողջ աշխարհին պատմել այն մասին, որ դու գործիքով հանել ես գայլի ատամը։ Բոլոր գրագետ որսորդները, երբ իրենց որսը լուսանկարում են, հետևում են որոշակի նորմերի` ինչպես պետք է ընկած լինի լեշը, ինչպես ցույց տա եղջյուրները և այլն», – ասաց Սարիբեկյանը։
Էդուարդ Սարիբեկյանը նշել է, որ արդյունքում պարզվել է` Խորեն Գրիգորյանը չունի որսորդության իրավունք և իր անունով գրանցված որսորդական հրացան օգտագործելու թույլտվություն։ Խոսնակի կարծիքով` տվյալ դեպքում քրեական գործի «հոտ է գալիս»։
«Հետաքրքիր է, որ վերջին շրջանում նման դեպքերը «ջրի երես են» դուրս գալիս հենց սոցիալական ցանցերի միջոցով։ Դա նշանակում է, որ կա մարդկանց խումբ, որը զբաղվում է մոնիտորինգով, գտնում նման լուսանկարները։ Բայց ցանկանում եմ հարցնել բնապահպաններին` նրանք ինչու՞ են որոշել, որ բոլոր որսորդներին պետք է պատասխանատվության ենթարկել։ Չէ՞ որ ամեն մեկը, ով ձեռքում զենք է պահում, օրինական որսորդ չէ», – ասաց Sputnik Արմենիայի զրուցակիցը։
Որսորդի կարծիքով, եթե ինչ-որ մեկը փողոցում քաղաքապետարանի պատվերով կրակում է շներին, ապա նա ընդամենը կատարում է քաղաքապետարանի պատվերը։
Նա նաև նշեց, որ ցանկացած որսորդ յուրահատուկ վերաբերմունք ունի շների նկատմամբ, քանի որ հիմնականում նրանք ամենագլխավոր օգնականներն են։
«Օրինակ, չի կարելի դաժան անվանել նրանց, ովքեր կրակում են փողոցային շներին, քանի որ նրանք կատարում են պետության պատվերը։ Այդ դեպքում պետք է պատժել պատվիրատուին։ Ձեր կարծիքով, օրինակ, Գյումրիում որսորդներն այնքան համարձակ են, որ դուրս են գալիս փողոց և ինքնագլուխ կրակու՞մ կենդանիներին։ Պետք է տարբերել օրինական սպանությունը հանցագործությունից։ Դրանց միջև նույն տարբերությունն է, ինչպես սահմանին կանգնած զինվորի և վարձու մարդասպանի։ Անհրաժեշտության դեպքում ցանկացած զինվոր կոչնչացնի հակառակորդին, բայց նա մարդասպան չէ», – ասաց Սարիբեկյանը։
Որսորդի խոսքով` համակարգիչների մոտ նստած են «անգրագետ մարդիկ, որոնք իրենց բնապահպանների տեղ են դրել»։ Նա վստահ է, որ եթե թռչունների ցուցակ տալ և խնդրել դասակարգել դրանց, ապա նրանք չեն կարողանա դա անել։
Սարիբեկյանի խոսքով` այսօր բնապահպանները շատ են, նրանք պետք է պայքարեն իրենց «որսորդ» կոչող մարդկանց անօրինական գործունեության դեմ ։ Եթե չեն կարող, ապա նրանք ոչ թե բնապահպաններ են, այլ ուղղակի շատախոսներ։
Արմեն Սարգսյանն ու Օնիկ Գասպարյանը հանդիպել են. ի՞նչ են քննարկել
(Թարմացված է 16:03 03.03.2021)
Արմեն Սարգսյանը նշել է, որ շարունակելու է ուշադրության կենտրոնում պահել բանակը և նրա խնդիրները: ԵՐԵՎԱՆ, 3 մարտի - Sputnik. Հայաստանի Հանրապետության նախագահ Արմեն Սարգսյանն այսօր հանդիպել է ՀՀ Զինված ուժերի գլխավոր շտաբի պետ, գեներալ-գնդապետ Օնիկ Գասպարյանի հետ: Տեղեկությունը հրապարակվել է նախագահի պաշտոնական կայքում։
«Զրուցակիցները մասնավորապես անդրադարձել են վերջին իրադարձությունների առնչությամբ ստեղծված լարված իրավիճակին: Նշվել է, որ, անկախ այդ կապակցությամբ որոշումներից, առաջնահերթ կարևորություն են երկրի անվտանգությունն ու կայունությունը»,–գրված է հաղորդագրության մեջ։
Սարգսյանը նշել է, որ զինված ուժերը մշտապես պետք է լինեն բոլորիս հոգածության ներքո, և ինքը շարունակելու է ուշադրության կենտրոնում պահել բանակը և նրա խնդիրները:
Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը կրկին ուղարկեց ՀՀ նախագահին։
ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
(Թարմացված է 15:50 03.03.2021)
Քայլերթի մասնակիցները Նիկոլ Փաշինյանին խորհդանշական ճամպրուկ են բերում։ Պատրաստավում են մարտի 5-ին հասնել Երևան։ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։
Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան
Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։
Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:
Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։
«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:
Sputnik Արմենիայի տեղեկություններով` նրանք արդեն հասել են Սպիտակ։
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները
(Թարմացված է 15:46 03.03.2021)
Մրցույթի ողջ ընթացքում կազմակերպիչները, արտիստները, լրագրողները պարբերաբար կորոնավիրուսի թեստ պետք է հանձնեն։ԵՐԵՎԱՆ, 3 մարտի — Sputnik. «Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Այս մասին տեղեկանում ենք մրցույթի պաշտոնական կայքից։
Նշվում է, որ Ռոտերդամում անցկացվելիք մրցույթի նոր կանոնները կապված են համաճարակաբանական իրավիճակի և կորոնավիրուսի տարածման կանխարգելման հետ։
Մրցույթի պաշտոնական կայքում տեղադրված մամուլի հաղորդագրության մեջ հստակեցված է, որ «Եվրատեսիլին» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։
©
Sputnik / Asatur Yesayants
Դե իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։
Մրցույթի մասնակից երկրների պատվիրակությունները հիմնականում հյուրանոցներում կլինեն և բեմ կբարձրանան միայն փորձերի համար։
Մրցույթի ողջ ընթացքում կազմակերպիչները, արտիստները, լրագրողները պարբերաբար կորոնավիրուսի թեստ պետք է հանձնեն։
Այս տարի մրցույթին մասնակից երկրների պատվիրակությունների կազմերը ևս կկրճատվեն։
Նշվում է, որ մրցույթը տեղում կարող են լուսաբանել միայն 500 լրագրողներ, ևս 1000-ին հնարավորություն կտրվի աշխատել առցանց մամուլի կենտրոնում։
Դե իսկ մրցույթին հանդիսատեսի մասնակցության հարցը դեռևս քննարկման փուլում է։ Որոշման մասին կազմակերպիչները կհայտնեն ավելի ուշ։
«Մանկական Եվրատեսիլ-2020» - ում հաղթել է Ֆրանսիայի ներկայացուցիչ Վալենտինա Տրոնելը
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն` կորոնավիրուսի համավարակի պատճառով:
Ավելի ուշ Հայաստանի Հանրային հեռուստաընկերությունը Facebook-ի պաշտոնական էջում հայտնեց, որ 2021թ. Եվրատեսիլի անցկացման և Հայաստանի պատվիրակի մասնակցության վերաբերյալ տեղեկություն դեռ չկա․ պարզ չէ՝ Հայաստանը «Եվրատեսիլ 2021»-ին Աթենա Մանուկյա՞նը կներկայացնի, թե՞ նոր մասնակից կընտրեն, բայց մի բան հստակ է՝ «Եվրատեսիլ 2021»-ին երկիրը պետք է ներկայանա նոր երգով։
Հավելենք, որ Հայաստանը չմասասնակցեց նաև «Մանկական Եվրատեսիլ-2020» երգի միջազգային մրցույթին։ Մրցույթի պաշտոնական կայքում նշվում էր, որ պատճառը Հայաստանում հայտարարված ռազմական դրությունն է և Լեռնային Ղարաբաղում ընթացող պատերազմը։