2018-ը կմեկնարկի շինարարությամբ. երբ երևանցիները նոր ճանապարհներ կունենան
(Թարմացված է 12:43 18.12.2017)
Երբ երևանցիները կերթևեկեն առանց խցանումների, և ինչ նոր ճանապարհներ է քաղաքապետարանը շահագործելու ու կառուցելու 2018թ–ին։ Այս մասին Sputnik Արմենիային պատմել է Երևանի քաղաքապետի տեղակալ Վահե Նիկոյանը։ԵՐԵՎԱՆ, 18 դեկտեմբերի — Sputnik, Նելլի Դանիելյան. 2018-ը երևանցիների համար կմեկնարկի նոր շինարարական ծրագրերով, հետևաբար, նաև նոր անհարմարություններով։ Հիմնական անհարմարությունները կկրեն Մալաթիա և Շենգավիթ համայնքների բնակիչները։ Փոխարենը, 2 տարի անց քաղաքապետարանը խոստանում է նրանց ապահովել առանց խցանումների, արագընթաց երթևեկությամբ կյանք։
Ճանապարհաշինական առաջին ծրագիրը, որ կմեկնարկի 2018թ–ի սկզբում, Մալաթիա վարչական շրջանի Բաբաջանյան փողոցը Աշտարակի խճուղուն միացնող շրջանցիկ ճանապարհի կառուցումն է։ Կկառուցվի 9-10 կմ–անոց ճանապարհ` էստակադա, որի վրա կլինի առանց լուսացույցների անընդհատ երթևեկություն։ Այս մասին Sputnik Արմենիային հայտնեց Երևանի փոխքաղաքապետ Վահե Նիկոյանը, ով նշեց, որ այս շինարարության պայմանագիրը քաղաքապետարանն օրեր առաջ է կնքել կապալառուի հետ։
2018-ին մեկնարկող հաջորդ ավտոճանապարհաշինական ծրագիրը կմիացնի Շենգավիթ համայնքի Շիրակի փողոցը Արգավանդի հետ։ Դրա համար Հրազդան գետի վրա նոր կամուրջ կկառուցվի։
Վահե Նիկոյանը հայտնեց, որ երկու շինծրագրերն էլ կմեկնարկեն հաջորդ տարեսկզբին և կավարտվեն միայն 2020թ–ին։
«2020–ին Երևանը կունենա ամբողջական շրջանցիկ ճանապարհների ցանց, որը թույլ կտա բեռնաթափել ոչ միայն քաղաքի կենտրոնի, այլև ամբողջ քաղաքի երթևեկությունը»,– ասաց Նիկոյանը։
Ինչ վերաբերում է ընթացող ծրագրերին, դրանցից հիմնականը` Դավիթաշենն Աջափնյակին կապող 5կմ–անոց ժամանակակից ավտոճանապարհն է։ Այն նախատեսված է Դավիթաշեն–Աշտարակ շրջանցիկ ավտոճանապարհի կառուցման պլանի շրջանակներում, որի ավարտը նախանշված է 2018-ի տարեվերջին։
Վահե Նիկոյանը համոզմունք հայտնեց, որ այս ավտոճանապարհը շահագործման կհանձնվի նախատեսված ժամկետին։
Երևանի նախկին և գործող հատակագծերով նախատեսված շրջանցիկ ճանապարհներից առ այսօր շահագործման է հանձնվել միայն մեկը` 2016-ին գործարկված Երևանի հարավային մուտքը` Արշակունյաց–Արտաշատի խճուղի ճանապարհահատվածը։
«Այդ մասում էական բեռնաթափումը, թեև ակնհայտ է, բայց Արշակունյաց պողոտայի որոշ հանգույցներում խցանումների խնդիրն առկա է»,– ասաց փոխքաղաքապետը` հավելելով, որ դրանով քաղաքի երթևեկության ու խցանումների խնդիրը չի լուծվել։
«Խնդիրն առաջանում է հիմնականում լուսացույցների առկայության պատճառով` «Հայրենիք» կինոթատրոնի, Աշխատանքի հրապարակի և կրկեսի հարակից հանգույցներում։ Դրանց մասով որոշակի նախագծային լուծումներ իրականացվում են, և առաջիկայում մենք այդ լուծումներից որոշները կդնենք հանրային քննարկման»,– ասաց Նիկոյանը։
Երևանի շրջանցիկ ավտոճանապարհների շինարարության ծրագիրը մեկնարկել է 2012թ–ից, Ասիական զարգացման բանկի ֆինանսավորմամբ։ Այն նախատեսվում է ավարտել մինչև 2020թ–ը։
Արմեն Սարգսյանն ու Օնիկ Գասպարյանը հանդիպել են. ի՞նչ են քննարկել
(Թարմացված է 16:03 03.03.2021)
Արմեն Սարգսյանը նշել է, որ շարունակելու է ուշադրության կենտրոնում պահել բանակը և նրա խնդիրները: ԵՐԵՎԱՆ, 3 մարտի - Sputnik. Հայաստանի Հանրապետության նախագահ Արմեն Սարգսյանն այսօր հանդիպել է ՀՀ Զինված ուժերի գլխավոր շտաբի պետ, գեներալ-գնդապետ Օնիկ Գասպարյանի հետ: Տեղեկությունը հրապարակվել է նախագահի պաշտոնական կայքում։
«Զրուցակիցները մասնավորապես անդրադարձել են վերջին իրադարձությունների առնչությամբ ստեղծված լարված իրավիճակին: Նշվել է, որ, անկախ այդ կապակցությամբ որոշումներից, առաջնահերթ կարևորություն են երկրի անվտանգությունն ու կայունությունը»,–գրված է հաղորդագրության մեջ։
Սարգսյանը նշել է, որ զինված ուժերը մշտապես պետք է լինեն բոլորիս հոգածության ներքո, և ինքը շարունակելու է ուշադրության կենտրոնում պահել բանակը և նրա խնդիրները:
Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը կրկին ուղարկեց ՀՀ նախագահին։
ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
(Թարմացված է 15:50 03.03.2021)
Քայլերթի մասնակիցները Նիկոլ Փաշինյանին խորհդանշական ճամպրուկ են բերում։ Պատրաստավում են մարտի 5-ին հասնել Երևան։ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։
Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան
Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։
Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:
Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։
«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:
Sputnik Արմենիայի տեղեկություններով` նրանք արդեն հասել են Սպիտակ։
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները
(Թարմացված է 15:46 03.03.2021)
Մրցույթի ողջ ընթացքում կազմակերպիչները, արտիստները, լրագրողները պարբերաբար կորոնավիրուսի թեստ պետք է հանձնեն։ԵՐԵՎԱՆ, 3 մարտի — Sputnik. «Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Այս մասին տեղեկանում ենք մրցույթի պաշտոնական կայքից։
Նշվում է, որ Ռոտերդամում անցկացվելիք մրցույթի նոր կանոնները կապված են համաճարակաբանական իրավիճակի և կորոնավիրուսի տարածման կանխարգելման հետ։
Մրցույթի պաշտոնական կայքում տեղադրված մամուլի հաղորդագրության մեջ հստակեցված է, որ «Եվրատեսիլին» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։
©
Sputnik / Asatur Yesayants
Դե իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։
Մրցույթի մասնակից երկրների պատվիրակությունները հիմնականում հյուրանոցներում կլինեն և բեմ կբարձրանան միայն փորձերի համար։
Մրցույթի ողջ ընթացքում կազմակերպիչները, արտիստները, լրագրողները պարբերաբար կորոնավիրուսի թեստ պետք է հանձնեն։
Այս տարի մրցույթին մասնակից երկրների պատվիրակությունների կազմերը ևս կկրճատվեն։
Նշվում է, որ մրցույթը տեղում կարող են լուսաբանել միայն 500 լրագրողներ, ևս 1000-ին հնարավորություն կտրվի աշխատել առցանց մամուլի կենտրոնում։
Դե իսկ մրցույթին հանդիսատեսի մասնակցության հարցը դեռևս քննարկման փուլում է։ Որոշման մասին կազմակերպիչները կհայտնեն ավելի ուշ։
«Մանկական Եվրատեսիլ-2020» - ում հաղթել է Ֆրանսիայի ներկայացուցիչ Վալենտինա Տրոնելը
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն` կորոնավիրուսի համավարակի պատճառով:
Ավելի ուշ Հայաստանի Հանրային հեռուստաընկերությունը Facebook-ի պաշտոնական էջում հայտնեց, որ 2021թ. Եվրատեսիլի անցկացման և Հայաստանի պատվիրակի մասնակցության վերաբերյալ տեղեկություն դեռ չկա․ պարզ չէ՝ Հայաստանը «Եվրատեսիլ 2021»-ին Աթենա Մանուկյա՞նը կներկայացնի, թե՞ նոր մասնակից կընտրեն, բայց մի բան հստակ է՝ «Եվրատեսիլ 2021»-ին երկիրը պետք է ներկայանա նոր երգով։
Հավելենք, որ Հայաստանը չմասասնակցեց նաև «Մանկական Եվրատեսիլ-2020» երգի միջազգային մրցույթին։ Մրցույթի պաշտոնական կայքում նշվում էր, որ պատճառը Հայաստանում հայտարարված ռազմական դրությունն է և Լեռնային Ղարաբաղում ընթացող պատերազմը։