Շոյգուի 5–րդ տարերքը, և ինչից պետք է վախենան հայերը. անկեղծացել է գեներալ Գրիգորյանը
(Թարմացված է 12:39 16.12.2017)
Դեկտեմբերի 15–ին գեներալ Նիկոլայ Գրիգորյանն իր 60–ամյակն է նշում։ Նա հյուրընկալվել է Sputnik Արմենիային ու ասել է, թե ինչից պետք է հայերը վախենան։ԵՐԵՎԱՆ, 15 դեկտեմբերի — Sputnik. Հայ ժողովրդի առջև հիմա երկու մարտահրավեր կա` պատերազմ և երկրաշարժ։ Հայ ժողովուրդը միշտ պետք է պատրաստ լինի այդ երկու արհավիրքին։ Այսպիսի կարծիք է հայտնել գեներալ Նիկոլայ Գրիգորյանը Sputnik Արմենիայի հետ զրույցում։
ՓԾ տնօրենի տեղակալ, գեներալ Նիկոլայ Գրիգորյանը դեկտեմբերի 15–ին նշում է իր 60–ամյակը։
«Մեզ համար ամենակարևոր ռիսկերը պատերազմն ու երկրաշարժն են։ Պատկերացրեք, որ մեր գրեթե բոլոր մայրաքաղաքները երկրաշարժից են քանդվել… Եկեղեցիներն ավելի հաճախ խոնարհել են գլուխները երկրաշարժերի, ոչ թե թշնամու պատճառով… Շատ կարևոր է, որ մենք ամեն ինչի պատրաստ լինենք», – նշեց Գրիգորյանը։
©
Sputnik / Asatur Yesayants
Բնականաբար, խոսքը սահմանին կանգնած զինվորի մասին չէ։ Նրա խոսքով` ցանկացած քաղաքացի` լինի զինվոր, թե ուսուցիչ կամ շինարար, պետք է պատրաստ լինի իրադարձությունների ցանկացած զարգացմանը։
Շատ կարևոր է նոր սերնդի մեջ հաղթանակի ոգի դաստիարակել, համոզված է գեներալը։
«Երբ գիտակցում ես, որ դու ես հաղթանակի տերը։ Ես կուզեի, որ մեր երեխաներն էլ զգային դա ու չմեծանային պարտված մարդու հոգեբանությամբ, որը ցանկանում է ինչ-որ մեկից ինչ-որ բանի համար վրեժ լուծել։ Հնարավոր չէ նորմալ մարդ դաստիարակել, երբ նա մշտապես Ցեղասպանության ու բացասական բաների մասին է լսում», – ասաց գեներալը։
Երեխաները պետք է հասկանան, որ «հայերն այն ազգը չեն, որ միայն լացում ու ողբում են։
Գրիգորյանի խոսքով` երբ մարդը կենտրոնանում է իր ներքին վերքերի վրա, շարունակում է մեկից նեղացած մնալ, դա նրան թույլ չի տալիս զարգանալ։
«Նա դադարում է իր շրջապատն ընկալել, գիտակցել սեփական հնարավորությունները։ Իսկ մենք մեծ հնարավորություններ ունենք», – հավելեց Sputnik Արմենիայի զրուցակիցը։
Գրիգորյանը մի փոքր պատմեց նաև իր մասին։ Բանասիրական ֆակուլտետն ավարտելուց հետո նա միանգամից հեռուստատեսություն է գնացել։ Կարիերայի սկզբում չէր էլ պատկերացնում, որ կարող է ոստիկանության աշխատակից դառնալ, որ կարող է ուսադիրներ կրել։
«Երբ այս ոլորտում աշխատելու առաջարկություն ստացա, մեր երկրի համար ծանր շրջան էր` ոստիկանության մեքենաները փողոցում այրում էին։ Իրավապահ մարմինների աշխատակիցները վախենում էին իրենց համազգեստով փողոց դուրս գալ։ Այն տարիներին մարդուն մի բառի համար կարող էին սպանել», – հավելեց Գրիգորյանը։
Մարդասիրության մասին խոսելիս` գեներալն իր կյանքից մի դրվագ հիշեց։
«2005 թվականին Սերգեյ Շոյգուի հետ Մոսկվայից Բաքու էինք ուղևորվում։ Այնտեղ էր անցկացվում ԱՊՀ երկրների փրկարարական ծառայությունների հավաքը։ Շոյգուի օգնականը ներկայացրեց նրան հայկական կողմի նախագիծը` գովելով, թե տեսեք, ինչ հետաքրքիր բան են ներկայացրել իրենց ազգային էպոսի, Նոյի հետ կապված։ Շոյգուն ուշադիր նայեց չորս տարերքին` կրակին, ջրին, հողին և օդին։ Իսկ հետո ասաց. «Ես պայքարում եմ հինգ տարերքի դեմ»։ Հետաքրքրվեցի` հինգերորդ տարերքը ո՞րն է, ասաց` մարդկային նախանձը», – պատմեց Գրիգորյանը։
Շոյգուն ավելացրել է, որ մարդկային այդ որակի դեմ ավելի շատ է պայքարում, քան աշխարհի բոլոր տարերքների։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան
(Թարմացված է 23:31 02.03.2021)
Վարորդները տեղում ենթարկվել են փորձաքննության։ Պարզվել է, որ նրանք եղել են սթափ վիճակում:
ԵՐԵՎԱՆ, 2 մարտի - Sputnik. Այսօր՝ մարտի 2-ին, խոշոր ավտովթար է տեղի ունեցել Արմավիրի մարզում: Կան տուժածներ։ Տեղեկությունը հայտնում է shamshyan.com-ը։
«Ժամը 18:40-ի սահմաններում Արմավիր-Թալին և դեպի Քարակերտ գյուղ տանող ավտոճանապարհների հատման հատվածում բախվել են Արմավիր քաղաքի բնակիչ, 25-ամյա Գոռ Հովհաննիսյանի վարած Opel Astra մակնիշի և Քարակերտ գյուղի բնակիչ, 25-ամյա Սարգիս Խոսրովյանի վարած Opel Astra մակնիշի ավտոմեքենաները»,–գրում է կայքը:
Վթարի հետևանքով 5 հոգի մարմնական վնասվածքներով տեղափոխվել են «Արմավիր» բժշկական կենտրոն:
Հետաքննիչի հանձնարարականով ավտոմեքենաները տեղափոխվել են ոստիկանության Բաղրամյանի բաժնի պահպանվող հատուկ տարածք:
Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել
Ոստիկանությունը պարզում է վիրավորների ինքնությունը:
Վարորդները տեղում ենթարկվել են փորձաքննության, պարզվել է, որ նրանք եղել են սթափ:
Դեպքի վայրում հավաքվածներն ասել են, որ վիրավորների մեջ երեխաներ կան:
Թաիրով գյուղում տեղի ունեցած ավտովթարի հետևանքով 3 մարդ է տուժել. վարորդի վիճակը ծանր է
Փողոցի ընդդիմությունը «պադստավկա» արեց ԳՇ-ին ու օգնեց Փաշինյանին․ Մարուքյան
(Թարմացված է 22:52 02.03.2021)
Ավելի վաղ Մարուքյանը Փաշինյանից ապացույց էր պահանջել առ այն, որ Սերժ Սարգսյանն իրոք Օնիկ Գասպարյանին հրաման է տվել պահանջել գործող վարչապետի հրաժարականը։ Մարուքյանը վստահ է, որ նման ապացույց իրականում չկա։
ԵՐԵՎԱՆ, 2 մարտի - Sputnik. Վարչապետ Նիկոլ Փաշինյանը ու ՀՀ ԶՈւ Գլխավոր շտաբի պետ Օնիկ Գասպարյանը վեճ են ունեցել, դրանից է ծագել խնդիրը։ Այս մասին Factor TV-ի հետ հարցազրույցում ասել է ԱԺ «Լուսավոր Հայաստան» խմբակցության ղեկավար Էդմոն Մարուքյանը։
«Ես վստահ եմ, որ նախկինները կապ չունեն, ներկաների միջև վեճ է եղել։ Ի՞նչ է եղել․ Փաշինյանը որոշել է պատերազմի ամբողջ պատասանատվությունը գցի բանակի վրա, ԳՇ-ն հայտարարություն է արել, իսկ փողոցի ընդդիմությունը դա անմտորեն կապել է իր հետ՝ դրանով «պադստավկա անելով» ԳՇ-ին ու օգնելով Փաշինյանին։ ԳՇ-ն ոչ մեկի կողմը չէր բռնել, բայց քանի որ փողոցի ընդդիմությունը համարեց, որ բանակն իրենց է միանում, Փաշինյանը դա օգտագործեց՝ ասելով, որ ահա, Օնիկ Գասպարյանը կատարել է Սերժ Սարգսյանի հրամանը», - ասաց Մարուքյանը։
Ավելի վաղ Մարուքյանը Փաշինյանից ապացույց էր պահանջել առ այն, որ Սարգսյանն, իրոք, Գասպարյանին հրաման է տվել պահանջել գործող վարչապետի հրաժարականը։ Մարուքյանը վստահ է, որ նման ապացույց իրականում չկա։
«Մեկն ասում է՝ Քոչարյան-Սարգսյանն է հրամաններ տալիս ԳՇ-ին, մյուսն ասում է՝ Էրդողան-Ալիևն են հրամաններ տալիս Փաշինյանին։ Անիմաստ հո խոսելով չէ՞։ Մարդու խոսքը գին ունի՞, թե՞ չէ։ Ապացույցներ թող ներկայացնեն», - ասաց նա։
ԼՀԿ առաջնորդը անիմաստ է համարում այն մտավախությունը, թե արտահերթ ընտրությունները կարող են բախումների բերել կամ/և կեղծվել։
«Բախումներ հիմա փողոցներում էլ կան։ ԼՀԿ-ն ունի չորս հազար հանձնաժողովի անդամ, նույնքան ունի ԲՀԿ-ն, մենք կարող ենք վերահսկել իրավիճակը։ Գումարած դրան՝ ՀՀԿ-ի ժամանակ էլ էին վարչական ռեսուրս կիրառում, բայց ես ո՞նց ընտրվեցի։ Մարդիկ ՀՀԿ-ի համար ձայներ էին բերում, բայց ես կարողացա ընտրվել»,-հիշեցրեց նա։
©
Photo / official site of the President of RA / Karo Sahakyan
Էդմոն Մարուքյանի խոսքով՝ Նիկոլ Փաշինյանը մինչև պատերազմն էլ էր արդեն գնում Սերժ Սարգսյանի ճանապարհով, այսինքն՝ մահվան գնով պահելու էր իր աթոռը, իսկ պատերազմից հետո նա ավելի է կառչել աթոռից։
Հիշեցնենք` ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց, նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
2 մլն դոլար փոխհատուցում. Մեգան Մարքլը շահել է բրիտանական պարբերականի դեմ դատը
(Թարմացված է 01:10 03.03.2021)
Դատավորը The Mail on Sunday–ի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։ԵՐԵՎԱՆ, 3 մարտի – Sputnik. Բրիտանիայի արքայազն Հարրիի կինը` Մեգան Մարքլը, դատարանում վերջնական հաղթանակ է տարել Mail On Sunday և MailOnline պարբերականները ներկայացնող Թերթերի միության դեմ։ Այս մասին հայտնում է Express պարբերականը։
©
AFP 2020 / BEN STANSALL
Հրապարակված վճռում դատավոր Մարկ Ուորբին պարբերականի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։
Դատավորը վճռել է, որ պատասխանող կողմը պետք է վճարի դատական ծախսերի 90%–ը, այն է` 1,87 մլն դոլար։
Սասեքսի դքսուհին խնդրել է նաև իրեն փոխանցել նամակի պատճենները, ոչնչացնել դրա բոլոր հիշատակումներն ու պահանջել թերթում ներողություն հրապարակել իրեն վիրավորանք հասցրած նյութերի համար։ Դատարանը դեռ փետրվարի 11-ին էր որոշում կայացրել այն մասին, որ պարբերականները խախտել են գաղտնիությունն ու Մեգանի հեղինակային իրավունքները։
«Նրա հետ Հարրին ծաղկել է»․ Մեգան Մարքլի մասին գրքի հեղինակ
2019 թվականի փետրվարին Մարքլի նամակից որոշ հատվածների հրապարակումը դերասանուհու ու իր հոր (որը ներկա չի գտնվել 2018 թվականի մայիսի 19-ին կայացած նրա հարսանյաց արարողությանը) հարաբերությունների շուրջ հերթական սկանդալի առիթ դարձան։ ԶԼՄ–ների հրապարակած Թոմաս Մարքլի բազմաթիվ արտահայտություններից կարելի է եզրակացնել, որ դուստրը խզել է նրա հետ բոլոր հարաբերությունները։ Հայրը The Mail on Sunday–ին է փոխանցել նամակի տեքստը, որում դքսուհին մեղադրում էր նրան ստի և դստեր մասին կեղծ, սենսացիոն հարցազրույցների վրա գումար աշխատելու փորձի մեջ։