Հայերը ջրից չոր դուրս գալու վարպետ են. մերոնց առանձնահատկություններն`ըստ PR մասնագետի
(Թարմացված է 14:00 27.10.2017)
Հայերը միշտ էլ առանձնացել են իրենց հումորով, խառնվածքով ու «ամենօրյա» սովորույթներով, որոնք ոչ բոլոր ժողովուրդներին են բնորոշ։ «PR-ի զարգացման հայկական կենտրոնի» նախագահ Հայկ Կիրակոսյանը խոսել է հայերի սովորույթների մասին:Անի Լիպարիտյան, Sputnik.
Հայերը միշտ տարբերվել են ջրից չոր դուրս գալու և քարից հաց քամելու ունակությամբ, կարծում է «PR-ի զարգացման հայկական կենտրոնի» նախագահ Հայկ Կիրակոսյանը։
Նա Sputnik Արմենիայի թղթակցի հետ զրույցում խոսել է հայերի ամենահետաքրքիր ու նրանց ամենաբնորոշ սովորությունների մասին, որոնք, ըստ նրա, սերնդեսերունդ փոխանցվում են գենետիկորեն։
Սուրճի հանդեպ սեր
Հայ Կիրակոսյանը համամիտ է, որ հայերի շատ են սիրում սուրճ խմել։
©
Sputnik / Asatur Yesayants
«Ես էլ եմ սուրճ սիրում, բայց պետք է ասել, որ հայերի մոտ այդ սովորությունը համեմատաբար նոր է ձևավորվել։ Մենք տեղեկություններ ունենք, որ ժամանակին մեր նախնիներն առավոտյան տարբեր խոտաբույսերի թուրմ են խմել, որը որոշակի առույգացնող ու կազդուրիչ դեր է ունեցել»,– ասաց նա։
Սև հագուստի հանդեպ սեր
Սպեցիֆիկ «սերը» սևի հանդեպ հատկապես նկատելի էր անցյալ դարի 90-ականներին: «Սգո» ոճի հանդեպ հատուկ թուլություն էին ցուցաբերում երիտասարդ տղաները: Դրա համար, ըստ Հայկի, բավական օբյեկտիվ պատճառներ կային, քանի որ այս ժամանակահատվածն իսկապես կարելի է հայ ժողովրդի համար «սև» անվանել:
«Այս ամենն արտացոլվում էր ոչ միայն ներքին հոգեվիճակի, այլև արտաքի վրա` սև հագուստ, մորուք և ոչ միայն: Դա հոգեբանական վիճակի արտացոլումն էր: Բայց վերջին տարիներին այս միտումը նվազել է», — կարծում է Sputnik Armenia-ի զրուցակիցը:
Այսօր ոտքից գլուխ սև հագնված երիտասարդների հազվադեպ կարելի է հանդիպել, իսկ այս գունեղությունը հաճելի է աչքին և գեղեցիկ:
Բայց կա մեկ «բայց», ռուսաստանցի հայերը դեռևս սիրում են 90–ականներին հարիր սև հագուստ կրել:
«Ի դեպ, մեկ հետաքրքիր դիտարկում ևս: 90-ական թվականներին հայրենիքը թողած որոշ հայեր, այդպես էլ անցյալում են «մնացել»: Նույնը կարելի է ասել նաև ԱՄՆ հայերի մասին», — ասաց Հայկը:
Հայերը բարձր են խոսում
Այս սովորությունը պայմանավորված է նրանով, որ շատ հայեր չգիտեն լսել, հեռու են երկխոսության մշակույթից: «Բարձրախոսներն» այն մարդիկ են, ովքեր նույնիսկ չեն լսում զրուցակցին, կարծում է Հայկը:
«Եթե այդ մարդիկ ունենային լսելու ունակություն, ապա պետք չէր լինի ձայն բարձրացնել: Հաճախ կարելի է տեսնել միաժամանակ խոսող 4-5 մարդու: Նրանցից յուրաքանչյուրը փորձում է խոսել և հազվադեպ է գոնե մեկը ուզում լսել: Ինչքան շատ մենք սովորենք լսել, այնքան քիչ կգոռանք զրույցի ընթացքում», — ավելացրեց նա:
Մի մոռացեք, որ մենք իսպանացիների և իտալացիների պես տաքարյուն ենք, այնպես որ բարձրաձայն խոսելը և ակտիվ ժեստիկուլյացիան նորմալ է, համարում է Կիրակոսյանը: Նա նաև հիշեցրեց հայոց «Սասունցի Դավիթ» էպոսի հերոսներից մեկին` Ձենով Օհանին: Նա ստիպված էր ինքն իրեն և ընտանիքի անդամներին փաթաթել մորթիներով, որ նրանց ականջները չպայթեն իր գոռգոռոցից:
Սեր ուտելիքի հանդեպ
Եվս մեկ զվարճալի սովորություն կարելի է համարել սննդի հանդեպ սերը: PR մասնագետը կարծում է, որ հայերը մինչ այսօր շատ են ուտում: Ավելին` կան մարդիկ, հատկապես գյուղական վայրերում, որոնք կարող են իսկապես վիրավորվել, եթե հյուրը ափսեն չի դատարկում:
Բայց սա էլ իր բացատրությունն ու նախապատմությունն ունի: Հայերը անգամ հյուրասիրության աստված ունեին, ինչը հազվադեպ է պատահում այլ դիցարաններում: Հին ժամանակներից հայերը հատուկ հարգանքով են վերաբերվել սննդին:
Դատախազությունը հերքում է Օնիկ Գասպարյանի նկատմամբ քրգործ հարուցելու մասին լուրերը
(Թարմացված է 15:20 03.03.2021)
Գլխավոր դատախազությունից վստահեցնում են` Օնիկ Գասպարյանի վերաբերյալ որևէ քրեական վարույթ չկա հարուցված։ ԵՐԵՎԱՆ, 3 մարտի - Sputnik. ՀՀ գլխավոր դատախազությունը հերքում է Զինված ուժերի գլխավոր շտաբի պետ Օնիկ Գասպարյանի նկատմամբ քրեական վարույթ հարուցելու մասին լուրերը: Sputnik Արմենիային այս մասին հայտնեցին ՀՀ գլխավոր դատախազության հանրային կապերի բաժնից։
«Քրեական վարույթներն ընդհանրապես քրեադատավարական սուբյեկտ չհանդիսացող անձանց քաղաքական հրահանգների հիման վրա չեն հարուցվում, այլ առերևույթ հանցագործության դեպքի կամ փաստի: Օնիկ Գասպարյանի վերաբերյալ որևէ քրեական վարույթ չկա հարուցված»,–ասացին գլխավոր դատախազության հանրային կապերի բաժնից:
Հիշեցնենք, որ ԶԼՄ–ներում լուրեր էին տարածվել, որ քաղաքական հրահանգ է տրված, որպեսզի քրեական գործ հարուցեն Զինված ուժերի գլխավոր շտաբի պետ Օնիկ Գասպարյանի դեմ:
Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ
Երեկ հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:
Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։
Հունաստանում քիչ առաջ 6.3 մագնիտուդ ուժգնությամբ երկրաշարժ է գրանցվել
(Թարմացված է 15:41 03.03.2021)
Զոհերի և ավիրածությունների մասին տեղեկություններ դեռ չի հաղորդվում։ ԵՐԵՎԱՆ, 3 մարտի - Sputnik. Հունաստանում քիչ առաջ երկրաշարժ է գրանցվել։ Տեղեկությունը հայտնում է AFP լրատվական գործակալությունը։
«Հունաստանի կենտրոնում գրանցված երկրաշարժի ուժգնությունն էպիկենտրոնում կազմել է 6.3 մագնիտուդ»,–նշված է գործակալության Twitter-ի էջում։
Զոհերի և ավիրածությունների մասին տեղեկություններ դեռ չի հաղորդվում։
Լարիսա քաղաքում երկրաշարժի ուժգնությունը կազմել է 5.9 մագնիտուդ, մարդիկ դուրս են եկել փողոցներ։