ԵՐԵՎԱՆ, 20 հոկտեմբերի — Sputnik. Հայտնի շոումեն և «Նոր հայեր» թիմի նախկին կապիտան Գարիկ Մարտիրոսյանի կինը` Ժաննա Լևինա-Մարտիրոսյանը, պատասխանելով Sputnik Արմենիայի հարցին, պատմեց, թե ինչն է ամենաշատը հավանում Հայաստանում:
«Հայաստանը գեղեցիկ երկիր է, և Երևանն աշխարհի ամենագեղեցիկ քաղաքներից է», — ասաց Ժաննան:
Լևինան նաև նշեց, որ արևոտ օրերին, երբ ճառագայթները ընկնում են տների տանիքներին, Երևանը հեքիաթային է դառնում:
«Տանիքները վարդագույն լույսով են վառվում», — ասաց նա:
Լևնայի խոսքով` հայերը բարի են և հյուրասեր:
«Նրանց (հայերի — խմբ.) հետ մշտապես զրուցելու թեմաներ կան», — նշեց աստղը:
Ժաննան խոսեց նաև հայկական խոհանոցի մասին` շեշտելով, որ ուտեստները գիրացնում են, բայց շատ համեղ են:
Լևինան այժմ Իսպանիայում է, որտեղից շփվում է սոցիալական ցանցերի երկրպագուների հետ: Ինչպես հաղորդում է Ժաննան, նա Իսպանիա է գնացել ընտանեկան գործերով:
