Լևոն Ալթունյան

Ստենտավորման ու դեղերի գները կփոփոխվեն

817
(Թարմացված է 18:03 06.10.2017)
Հայաստանում կարող են նվազել ստենտավորման և դեղերի գները։ Այս փաստն արձանագրեց առողջապահության նախարար Լևոն Ալթունյանը։

ԵՐԵՎԱՆ, 6 հոկտեմբերի —Sputnik. Հայաստանում 30-40 տոկոսով կարող են նվազել ստենտավորման գները։ Այս մասին տարեկան ամփոփիչ ասուլիսի ժամանակ հայտնեց առողջապահության նախարար Լևոն Ալթունյանը։

«Սրտի ստենտավորման գինը կարող է նվազել, եթե ներդրվի բժիշկների ֆիքսված աշխատավարձ, իսկ յուրաքանչյուր հիվանդանոցում օրական կատարվի մինիմում 5 ստենտավորում»,-ասաց նախարարը։

Նա տեղեկացրեց, որ կնվազեն նաև դեղերի գները։ Մասնավորապես, օնկոլոգիական խնդիրների դեպքում կիրառվող «Հերցեպցիլ» դեղի գինը կարող է նվազել 50 տոկոսով։ Վաղը նախարարը հանդիպում կունենա համապատասխան ընկերությունների ներկայացուցիչների հետ  այդ հարցը քննարկելու համար։

«Պատկերավոր լինելու համար ասեմ, որ այդ դեղի յուրաքանչյուր ամպուլան արժե 680 հազար դրամ,  իսկ բուժման կուրսի համար պետք է 18-20 ամպուլա»,-ասաց Ալթունյանը։

Բանակցությունների արդյունքում ձեռքբերված պայմանավորվածությունների արդյունքում այդ դեղի գինը կնվազի մինչև 400 հազար դրամ։

Նշենք, որ այսօր Հայաստանում ոչ դեղապատ ստենտի տեղադրումն արժե մոտ 700 000 դրամ, իսկ դեղապատինը` մոտ մեկ միլիոն դրամ կամ մի փոքր ավելի։

817