Եվրասիական համագործակցության երկրորդ համաժողովը

Հայաստանը՝ ԵԱՏՄ-ի մետաքսի ճանապարհ

114
(Թարմացված է 14:33 06.10.2017)
Հայաստանը ձգտում է դառնալ ԵԱՏՄ-ի ինովացիոն կենտրոնն ու նոր մետաքսի ճանապարհը: Այդ մասին այսօր Երևանում անցկացվող եվրասիական համագործակցության համաժողովի բացման ելույթում հայտարարեց ՌԴ հայերի միության և համաժողովի կազմկոմիտեի նախագահ Արա Աբրահամյանը:

ԵՐԵՎԱՆ, 6 հոկտեմբերի — Sputnik. Երևանում անցկացվող եվրասիական համագործակցության երկրորդ համաժողովի նպատակն է՝ բացահայտել մասնակից երկրներից յուրաքանչյուրի գործնական պոտենցիալն ու նոր տնտեսական համագործակցության նախադրյալներ ստեղծել, այսօր Երևանում մեկնարկած համաժողովում ասաց ՌԴ հայերի միության նախագահ, համաժողովի կազմկոմիտեի նախագահ Արա Աբրահամյանը:

«Մեր նպատակն Եվրասիական տարածաշրջանը խելացի դարձնելն է, ԵԱՏՄ անդամ երկրների ՏՏ պոտենցիալն ավելացնելը»,- նշեց Արա Աբրահամյանը:

Հայաստանը, նրա խոսքով, ձգտում է դառնալ այդ կառույցի ինովացիոն կենտրոնը, նոր մետաքսի ճանապարհը:

«Տնտեսական հարաբերութունների ամրապնդումը թույլ կտա հաղթահարել նաև անդամ երկրների միջև առկա տարաձայնություններն ու խնդիրները»,- ասաց Աբրահամյանը:

Անդրադառնալով ԵԱՏՄ տնտեսական ցուցանիշներին, Հայերի միության նախագահը նշեց, որ կառույցի ստեղծման օրից նկատելիորեն բարելավվել են անդամ երկրների մակրոտնտեսական ցուցանիշները, 4 անգամ ավելացել է ապրանքաշրջանառությունը:

114