ԵՐԵՎԱՆ, 19 սեպտեմբերի — Sputnik. Սեպտեմբերի 19-ին, ժամը 07:47-ին տեղեկություն է ստացվել, որ Հանրապետության Հրապարակում պայթուցիկ է տեղադրված. անհրաժեշտ է փրկարարների օգնությունը: Այս մասին նշված է ՀՀ արտակարգ իրավիճակների նախարարության կայքում։
Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական խորհրդատվության գծով կրտսեր հրահանգիչը:
Դեպքի վայրում է գտնվել ԱԻՆ Փրկարար ծառայության տնօրեն փ/ծ գնդապետ Մուշեղ Ղազարյանը:
Պարզվել է, որ նշված հատվածում տեղադրված պայթուցիկ չկա:
Փրկարարների միջամտության կարիքը չի եղել: