Ժակ Շիրակ

Մի լուսանկարի պատմություն. ինչո՞ւ Ժակ Շիրակը հայկական լավաշը ձեռքն առնելիս բացականչեց

701
(Թարմացված է 09:40 13.09.2017)
Sputnik Արմենիան պատմում է մի լուսանկարի պատմությունը, որտեղ պատկերված է Ֆրանսիայի նախկին նախագահ Ժակ Շիրակ` հայկական թոնրի լավաշը ձեռքին։

ԵՐԵՎԱՆ, 12 սեպտեմբերի — Sputnik. Գոհար Սարգսյան. 2006 թվականին Ֆրանսիայի նախագահ Ժակ Շիրակը պետական այցով ժամանեց Հայաստան ու սեփական ձեռքերով զգաց հայկական լավաշի ջերմությունը։

Sputnik Արմենիայի գործընկեր Մարտին Շահբազյանն աշխատում էր որպես ՀՀ նախագահ Ռոբերտ Քոչարյանի անձնական լուսանկարիչ ու այդ օրերին նկարում էր նաև Ֆրանսիայի նախագահի այցը։

Պաշտոնական հանդիպումներից դուրս Ժակ Շիրակը որոշեց տեսնել, թե ինչպես են հայերը թոնրի մեջ լավաշ թխում։

Շահբազյանը մեզ հետ զրույցում պատմեց, որ նախապես հացթուխին զգուշացրել էր`հենց նախագահը մոտենա, տաք-տաք լավաշը կմեկնեք նրան։

«Հացթուխն այդպես էլ արեց, իսկ նախագահի մատների ծայրը թեթևակի այրվեց ու բացականչեց։ Շիրակն իսկապես զգաց հայկական լավաշի համն ու հոտը»,- ժպիտով պատմեց Մարտին Շահբազյանը։

Լուսանկարիչը երբեք չի մոռանում այդ օրը և վստահեցնում` լուսանկարիչը ոչ միայն պետք է կոնկրետ իրադարձությունն անմահացնի, այլև տարբեր իրավիճակներ ստեղծի հետաքրքիր արդյունք ունենալու համար։

701

sys_stories