Իլ-76

Խոսրովի անտառի վրա 540 տոննա ջուր է լցվել. հրդեհը չի մարում

38
(Թարմացված է 20:21 15.08.2017)
Ռուսական ինքնաթիռն արդեն 540 տոննա ջուր է լցրել Խոսրովի անտառի վրա, բայց հրդեհն առայժմ մարել չի հաջողվում։

ԵՐԵՎԱՆ, 15 օգոստոսի — Sputnik. ՌԴ-ից Հայաստան ժամանած Իլ-76 փրկարարական ինքնաթիռն արդեն 6-րդ թռիչքն է կատարել «Խոսրովի անտառ» պետական արգելոցի տարածք։ Այս մասին հայտնում է Արտակարգ իրավիճակների նախարարության մամուլի ծառայությունը։

Բռնկված հրդեհը մարել առայժմ չի հաջողվում։ Օդային հրդեհաշիջման աշխատանքները շարունակվում են: 6-րդ թռիչքն իրականացվել է օգոստոսի 15-ին, ժամը 18:55-ին։

Նշենք, որ նախապես հայտարարվում էր 5 հնարավոր թռիչքի մասին։ Սակայն ավելի ուշ ԱԻՆ-ը չբացառեց, որ թռիչքները կշարունակվեն ըստ անհրաժեշտության։

ՌԴ ԱԻՆ հրդեհաշիջման «ԻԼ-76» ինքնաթիռը լիցքավորվում է Երևանի «Էրեբունի» օդանավակայանում։ Ինքնաթիռի տարողությունը 90 տոննա է։

38
թեմա:
Հրդեհվող Հայաստան (47)