Լուսացույց

Երևանում լուսացույցի աջ սեկցիայի ուղղությամբ երթևեկությունը կարող է անընդհատ դառնալ

81
(Թարմացված է 17:25 15.08.2017)
Ճանապարհային ոստիկանությունն ուսումնասիրում է լուսացույցի աջ սեկցիայով խաչմերուկներում սեկցիայի ուղղությամբ երթևեկությունն անընդհատ դարձնելու հնարավորությունները։

ԵՐԵՎԱՆ, 15 օգոստոսի — Sputnik. Տրանսպորտային միջոցների հապաղումներից և հնարավոր խցանումներից խուսափելու նպատակով Ճանապարհային ոստիկանությունն ուսումնասիրում է Երևան քաղաքի լուսացույցի աջ սեկցիայով խաչմերուկներում սեկցիայի ուղղությամբ երթևեկությունն անընդհատ դարձնելու հնարավորությունները, որոնցից յուրաքանչյուրի փոփոխության մասին վարորդները լրացուցիչ կտեղեկացվեն լրատվամիջոցների միջոցով: Այս մասին հայտնում է ՀՀ ոստիկանության մամուլի ծառայությունը։

«Ճանապարհատրանսպորտային պատահարներից խուսափելու նպատակով փոփոխություն կատարված նման խաչմերուկներում աջ երթևեկող տրանսպորտային միջոցների վարորդներին խնդրում ու հորդորում ենք լինել ուշադիր և զիջել փողոցը հատող հետիոտներին»,- նշված է հաղորդագրության մեջ:

Նշենք, որ նախօրեին տարածած մեկ այլ հաղորդագրության համաձայն` 2017թ. օգոստոսի 16-ից Երևան քաղաքի Մաշտոցի պողոտա-Խորենացու փողոց և Մաշտոցի պողոտա-Ամիրյան փողոց խաչմերուկներում կկատարվեն երթևեկության կազմակերպման փոփոխություններ:

Փոփոխությունների արդյունքում աջ շրջադարձով Խորենացու փողոցից Մաշտոցի պողոտա և Ամիրյան փողոցից դեպի Մաշտոցի պողոտա, ինչպես նաև Մաշտոցի պողոտայով Թումանյան փողոցի ուղղությամբ երթևեկողները Մաշտոց-Ամիրյան խաչմերուկում աջ շրջադարձով դեպի Ամիրյան փողոց երթևեկող տրանսպորտային միջոցները վերոնշյալ խաչմերուկների լուսացույցների սեկցիաներով դեպի նշված ուղղություններ այսուհետ կերթևեկեն անընդհատ՝ առանց արգելող ազդանշանի տակ կանգառ կատարելու:

81