ԵՐԵՎԱՆ, 11 օգոստոսի — Sputnik.  Միջպետական համաձայնությամբ` տղաները երդվում են հավատարիմ լինել հայ ժողովրդին ու իրենց վրա պատասխանատվություն են վերցնում Ռուսաստանի ԱԴԾ Սահմանապահ ծառայության առջև. այսպիսով` նրանք կրկնակի պատասխանատվություն են կրում։

Միջոցառմանը հրավիրված էին գործընկերներ ԱԴԾ–ից, Հայաստանի ոստիկանությունը, Արմավիրի վետերանների խորհրդի նախագահ Յուրի Ալավերդյանը։

Սահմանապահի երդումը մարտիկի երդում է, որն առաջինն է դիմավորում թշնամուն ու պարտավոր է պատրաստ լինել ցանկացած փորձության։ Առջևում տղաներին երկու տարի հետաքրքիր ու դժվար ծառայություն է սպասում Հայաստանում Ռուսաստանի ԱԴԾ–ի Սահմանապահ վարչությունների չորսից մեկում` Արմավիրում, Գյումրիում, Արտաշատում կամ Մեղրիում։ Ինչպես ասում են` ռազմական ծառայությունը կյանքի դպրոց է, որից հետո երիտասարդ տղաները իսկական տղամարդ են դառնում։

ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։

© Sputnik / Andranik Ghazaryan

Դիմակներն իզուր եք պահել. «կորոնավիրուսային տուգանքները» կվերադառնան

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։