ԵՐԵՎԱՆ, 11 օգոստոսի — Sputnik, Աննա Հարությունյան, Նելլի Դանիելյան. 2018թ–ից սկսած մի քանի տարի ջրի սակագինն աճելու է` առնվազն տարեկան 6 դրամով։ Sputnik Արմենիային ասել է ընկերության ներկայացուցիչը` հավելելով, որ բազիսային սակագնի 6 դրամ թանկացումը նախատեսված է «Վեոլիա ջրի» հետ կառավարության պայմանագրով և ընկերությանը տրված լիցենզիայով։

«Եթե անգամ այլ գործոններ չկան, բազիսային սակագինը բարձրանալու է 6 դրամով։ Բարձրացումը շարունակվելու է մինչև 2022թ–ը, ապա իջնելու է մինչև 2031թ–ի ավարտը։ Այսինքն`եթե այսօր բազիսային սակագինը 150 դրամ է, իջնելուց հետո այն կազմելու է 108 դրամ»,– մեզ հետ զրույցում ասաց «Վեոլիա ջուր» ընկերության մամուլի պատասխանատու Մուրադ Սարգսյանը։

© Sputnik / Asatur Yesayants

Տնտեսագետ. «Վեոլիա ջուր» ընկերության ներկայացրած դիմումը անհիմն է

Մեր զրուցակիցն ընդգծում է, որ ջրի սակագինն ավելացնելը «Վեոլիա ջրի» ցանկությունը կամ քմահաճույքը չէ, և ունի լուրջ տնտեսական հիմնավորում։

Նրա խոսքով` ներկայիս գործող սակագինը նախատեսված է միայն 2017թ–ի համար։ Իսկ 2018թ–ից սկսած հետագա 15 տարիներին, ըստ պայմանագրի, ֆրանսիական ընկերությունն իրավունք ունի յուրաքանչյուր տարվա համար հաշվարկել նոր սակագին, որի հիմքում ընկած կլինեն 3 հիմնական ցուցանիշ` էլեկտրաէներգիայի սակագին, վաճառվող ջրի ծավալ և սղաճ։

«Վեոլիա ջուր» ընկերությունն արդեն դիմել է ՀԾԿՀ` 2018թ–ից ջրի սակագինը 14 դրամով ավելացնելու հայտով։ Հանձնաժողովն էլ հայտն ընդունել է վարույթ և 90–օրյա ժամկետում պարտավորվել է քննարկել ու կայացնել համապատասխան որոշում։

Մուրադ Սարգսյանը վստահեցրեց, որ հայտում բոլոր անհրաժեշտ փաստարկները ներկայացված են։ «Միակ ցուցանիշը, որ կարող է քննարկման առարկա դառնալ, վաճառված ջրի ծավալն է։ Արդյո՞ք մենք այնքան ջուր ենք վաճառել, որքան պարտավոր էինք, որովհետև դա այսպես, թե այնպես ազդում է սակագնի վրա»,– ասաց Մուրադ Սարգսյանը` կոչ անելով չշտապել և սպասել հանձնաժողովի որոշմանը։

Ընկերության ներկայացրած պաշտոնական տվյալների համաձայն` 2017թ–ի հունվարի 1-ից ի վեր վաճառվող ջրի ծավալը Հայաստանում ավելացել է 2.5 մլն խմ–ով։

Առաջիկա տարիներին ջրի սակագնի բարձրացումը Մուրադ Սարգսյանը մեկնաբանում է համակարգում կատարվելիք ներդրումներով, որոնց շնորհիվ ջրի կորուստների ու էլեկտրաէներգիայի ծախսի նվազեցման արդյունքում կնվազի նաև ջրի ծախսը` հնարավորություն ընձեռելով մի քանի տարի անց իջեցնելու սակագինը։

ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։

© Sputnik / Andranik Ghazaryan

Դիմակներն իզուր եք պահել. «կորոնավիրուսային տուգանքները» կվերադառնան

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։