ԵՐԵՎԱՆ, 11 օգոստոսի — Sputnik. Վայոց Ձորի անտառից հրդեհը երևի թե Սյունիքի անտառներին չի հասնի։ Հրշեջներին հաջողվել է մի կողմից մեկուսացնել այն։ Այս մասին Sputnik Արմենիային հայտնեց ՀՀ գյուղատնտեսության փոխնախարար Աշոտ Հարությունյանը, ով այս պահին գտնվում է դեպքի վայրում։

предоставлено МЧС Армении

Գյուղփոխնախարարը` դեպքի վայրից. «Եթե հրդեհը չմեկուսացվի, կարող է հասնել Սյունիք»

«Տեղանքը շատ բարդ էր` ձորեր, լանջեր։ Նույնիսկ պատկերացում չունենք, թե որտեղից ենք մտնում, որտեղից դուրս գալիս։ Բայց ժամանակակից տեխնիկայի և պրոֆեսիոնալ անձնակազմի շնորհիվ, կարծես թե, հաջողվում է կասեցնել կրակի տարածումը։ Քամին խանգարում էր, բայց կարծում եմ կկարողանանք մարել»,– նկարագրելով իրավիճակը, ասաց փոխնախարարը։

Հրդեհի հասցրած վնասի մասին պատկերացում գյուղնախարարությունն առայժմ չունի։ Հայտնի է միայն, որ անտառի հրդեհված հատվածում աճում էր հիմնականում գիհի, մասրենի, ակացիա ծառատեսակներ։

Ինչ վերաբերում է կենդանիներին, փոխնախարարը հույս հայտնեց, որ նրանց հաջողվել է ժամանակին հեռանալ հրդեհված տարածքներից և տեղափոխվել ավելի անվտանգ տեղանք։

Իսկ ԱԻՆ վերջին տեղեկություններով` Ժամը 16:30-ի դրությամբ այրվում է 450-500 հա խոտածածկ և անտառածածկ (80 հա) տարածք:

Օգոստոսի 11-ին, ժամը 14.00-ի դրությամբ՝ ՀՀ Վայոց ձորի մարզում այրվող խոտածածկույթի և անտառների տարածքը կազմում է մոտ 250 հա:

ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։

© Sputnik / Andranik Ghazaryan

Դիմակներն իզուր եք պահել. «կորոնավիրուսային տուգանքները» կվերադառնան

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։