Շոգ

Ջերմաստիճանը նորմայից բարձր է. տնից դուրս եկեք միայն խիստ անհրաժեշտության դեպքում

93
Հուլիսի 29-ից օգոստոսի 2-ը հանրապետությունում սպասվում է բարձր ջերմային ֆոն, Երևանում, Արարատյան դաշտում և Սյունիքի հովիտներում ցերեկը կանխատեսվում է մինչև 38...39 աստիճան տաքություն և բարձր կարգի հրդեհավտանգ իրավիճակ: Օդի միջին օրական ջերմաստիճանն այդ օրերին բարձր կլինի նորմայից 4-6 աստիճանով:

ԵՐԵՎԱՆ, 29 հուլիսի — Sputnik.Հանրապետության տարածքում հուլիսի 29-ից օգոստոսի 2-ը սպասվում է առանց տեղումների եղանակ: Օդի ջերմաստիճանը հուլիսի 30-31-ը կնվազի 1-2, արևելյան շրջաններում՝ 2-3 աստիճանով, տեղեկացնում է արտակարգ իրավիճակների նախարարությունը:

Ուլտրամանուշակագույն ճառագայթման ինդեքսը կանխատեսվում է 6, որի դեպքում խորհուրդ է տրվում ժամը 11:00-ից 15:00-ն ընկած ժամանակահատվածում խուսափել արեգակի ուղիղ ճառագայթներից:

Երևանում հուլիսի 29-ից օգոստոսի 2-ը սպասվում է առանց տեղումների եղանակ: Ցերեկը կլինի 39-40, իսկ երեկոյան՝ 36-37 աստիճան տաքություն։

Երևան քաղաքի հուլիսի 29-ի բազմամյա կլիմայական տվյալներ.

•       Օդի առավելագույն ջերմաստիճան`          39.20C (2000 թ.),

•       Օդի նվազագույն ջերմաստիճան`              12.30C (1983 թ.),

•       Օդի միջին օրական ջերմաստիճան`          27.10C։

93