Հայաստանը կարևոր ռազմական ուժ է դառնալու տարածաշրջանում
(Թարմացված է 12:59 20.07.2017)
Ռուսական և հայկական երկու բանակների քաղաքական և ռազմական հնարավորությունների միացյալ ներուժն ի զորու է ապահովել ինչպես երկու երկրների, այնպես էլ ողջ տարածաշրջանի անվտանգությունը։Ռուս պատգամավորներն ու սենատորներն (Պետդուման և Դաշնային խորհուրդը) արդեն վավերացրել են նախագիծը։ Այդ պատճառով էլ այսօր հայկական կառավարությունն ուսումնասիրելու է «Հայաստանի և Ռուսաստանի զորքերի միացյալ խմբավորման» ստեղծման մասին նախագիծը։ Այնուհետև փաստաթուղթն ուղարկվելու է ԱԺ-ի հաստատմանը։
Երկու երկրների բանակների միացյալ ներուժը հզոր ուժ է, որը մի քանի անգամ կգերազանցի ինչպես մեր երկրում տեղակայված, այնպես էլ, ինչպես ասում են, հարակից տարածքներում գտնվող երկրի ռազմական խմբավորումների ու բանակների հնարավորությունները։
Քաղաքական և ռազմական նպատակահարմարություն
Հատուկ ընդգծվում է, որ միացյալ խմբավորման ստեղծումը ուղղված չէ որևէ կոնկրետ երկրի։ Միացյալ խմբավորման ստեղծման հիմքում ընկած է պաշտպանական, ոչ թե հարձակողական ռազմավարությունը։ Եվ այն Հարավ-կովկասյան տարածաշրջանի սահմաններում պաշտպանելու է Հայաստանի և Ռուսաստանի սահմաններն ու տարածքային ամբողջականությունը։
Մեղք կլիներ չօգտվել միացյալ ռազմական խմբավորում ստեղծելու հնարավորությունից` հաշվի առնելով այն ներուժը, որի հետ ի զորու չէ մարտնչել հավանական կամ նույնիսկ հեռանկարային հակառակորդներից որևէ մեկը։
©
Sputnik / Кирилл Каллиников
Հասկանալի է, որ զուտ քաղաքական համատեքստում Ռուսաստանն ամրապնդում է դիրքերն իր համար ամենակարևոր տարածաշրջանում` Հարավային Կովկասում։
Եվ անկախ նրանից, թե ինչ բնութագրեր ու անուններ են տալիս դիվանագետները` խոսելով ստեղծվող խմբավորման նպատակների և խնդիրների մասին, պետք է նայել ճշմարտության աչքերին։ Խոստովանել, որ խոսքը մի տարածաշրջանի մասին է, որն այսօր հավանաբար ամենապայթյունավտանգն է։ Ահա միայն մի քանի գործոն, որոնք համատեղ խմբավորում ստեղծելու օգտին են խոսում։
Մերձավոր Արևելքի գործոնը
Վերցնենք թեկուզ այն, որ մեր տարածաշրջանը առավելագույնս մոտ է Մերձավոր Արևելքին։ Թեկուզ նույն Սիրիային, որտեղ երկու միջազգային հակաահաբեկչական կոալիցիաներ (Արևմտյանը, որը գտնվում է ԱՄՆ-ի հրամանատարության տակ, և այն, որում ռուսական ՕՏՈՒ-ն գործում է Սիրիայի օրինական կառավարության և Իրանի կամավորների համատեղ կոորդինացիայի ներքո) մինչ օրս չեն կարողացել վերջնական հաղթանակի հասնել միջազգային ահաբեկչության նկատմամբ։
Հարկ է հիշել, որ Հայաստանի հարավային սահմաններից մինչև ռազմական գործողությունների թատերաբեմ ընդամենը 300 կմ է։
Չխոսենք այն մասին, որ Իրաքը, որտեղ նույնպես իրական պատերազմ է ընթանում, ավելի մոտ է։
Բացի այդ, մոտակա ամիսների ընթացքում սպասվող իրադարձությունները լավատեսություն են ներշնչում։ Դժվար է հավատալ, որ ռազմական գործողություններն այնտեղ հանկարծ կավարտվեն։
Ավելին։ Վերջերս Sputnik Արմենիայի հետ զրույցում խորհրդային և հայ ռազմական գործիչ, գեներալ-լեյտենանտ Նորատ Տեր-Գրիգորյանցը, անդրադառնալով համատեղ ռազմական խմբավորում ստեղծելու առավելություններին, առանձնահատուկ նշեց Թուրքիայի դերը Մերձավոր Արևելքում և, առաջին հերթին, Սիրիայում իրավիճակի ապակայունացման հարցում։ Ըստ նրա` այսօր ոչ ոք երաշխավորված չէ, որ Անկարան նման գործողություններ չի սկսի Հարավային Կովկասում։
Կարծում ենք, որ հայ-ռուսական միացյալ ԶՈՒ-ն ստեղծվում է նաև, որպեսզի ո՛չ Անկարան, ո՛չ էլ մի այլ պետություն չգայթակղվի այդ մտքից։
ՆԱՏՕ-ի գործոնը
Ի դեպ, Թուրքիայի մասին։ Հասկանալի է, որ այսօր նա Ռուսաստանի դաշնակիցն է մի շարք խոշոր տնտեսական նախագծերի շրջանակում և սիրիական ուղղությամբ (դրա վառ վկայությունն է Աստանայում բանակցությունների գործընթացի ակտիվ մասնակցությունը)։
Սակայն պետք չէ մոռանալ, որ Թուրքիան միևնույն ժամանակ Հյուսիսատլանտյան դաշինքի լիիրավ անդամ է։ Բացի այդ նրան է պատկանում ամենախոշոր և ուժեղ բանակը ՆԱՏՕ-ում (համենայն դեպս այդպես ընդունված է համարել)։ Իհարկե, ԱՄՆ-ից հետո։
Հարկ է հիշել, որ դեռ 1993 թվականի գարնանը Թուրքիան իր երրորդ դաշտային բանակը տեղակայում էր Հայաստանի սահմանին։ Այդ մասին վերջերս Sputnik Արմենիային տված հարցազրույցում հիշեցրեց հայրենական ռազմական փորձագետներից մեկը, ականավոր ռազմական և քաղաքական գործիչ, ՀՀ նախկին պաշտպանության նախարար, գեներալ-լեյտենանտ Վաղարշակ Հարությունյանը։
Իսկ այսօր, 90-ականների համեմատ, ՆԱՏՕ-ն բավականին առաջ է անցել դեպի Արևելք։ Ակտիվորեն ամրակայում է իր դիրքերը Վրաստանում։
Եվ ընդհանրապես պետք է հասկանալ, որ ՆԱՏՕ-ի ակտիվ, նույնիսկ ագրեսիվ դիրքորոշումը (և Արևմուտքի ընդհանուր առմամբ) ևս մեկ գործոն է, որը խոսում է Հարավային ուղղությամբ հայ-ռուսական միացյալ զորամիավորում ստեղծելու օգտին։
Իրականում տարածաշրջանում և ողջ հարավկովկասյան ուղղությամբ բավականին բարդ, խճճված և պայթյունավտանգ քաղաքական և ռազմական իրավիճակ է ստեղծվում։ Պետք չէ մոռանալ նաև Քրդստան պետության ստեղծման գործընթացի հետ կապված իրավիճակի մասին։
Եվ այն մասին, որ Արևմուտքում կան երկրներ, որոնք թշնամի են հայտարարել մեր դաշնակից Իրանին։ Կարելի է չկասկածել, որ նրանք կանեն հնարավոր ամեն բան, որպեսզի Իրանին հարվածելու համար պայթեցնեն իրավիճակը տարածաշրջանում։
Այդ պատճառով մեկ ընդհանուր հրամանատարության տակ առկա ռազմական ուժերը միավորելու հնարավորությունը շատ բան արժե։ Առավել ևս, որ խոսքը տարածաշրջանում միանման խնդիրներ լուծող երկու դաշնակից պետությունների բանակների ներուժի միավորման մասին է… Եվ նման հնարավորությունից չօգտվելը պարզապես մեղք է։
Հույս ունենք, որ «Ճամփորդիր առանց COVID-19-ի» հավելվածի աշխատանքը շուտով կհարթվի. Սինանյան
ԵՐԵՎԱՆ, 3 մարտի -Sputnik. ՌԴ ժամանող Հայաստանի քաղաքացիները խնդիրներ են ունեցել «Ճամփորդիր առանց COVID-19-ի» հավելվածը ներբեռնելու ժամանակ, այժմ հարցը լուծվում է ու տեխնիկական ասպեկտները շուտով կհարթվեն։ ՌԻԱ Նովոստիին տված հարցազրույցում տեղեկությունը հայտնել է սփյուռքի հարցերով գլխավոր հանձնակատար Զարեհ Սինանյանը:
«Ճամփորդիր առանց COVID-19-ի» բջջային հավելվածը, որը ստեղծվել է համավարակի պայմաններում ԵԱՏՄ ներսում ինտեգրացիոն միավորման երկրների քաղաքացիների ազատ ու անվտանգ տեղաշարժի համար, գործարկվել է փետրվարին: Մարտի 1-ին ՌԴ կառավարությունը երկարաձգել է դրանով Ռուսաստան մուտք գործելու ժամկետը մինչև ապրիլի 1-ը։
«Բայց տեխնիկական խնդիրներ կան։ Օրինակ` ես խնդիր ունեի՝ այն չի «նստել» հեռախոսիս վրա, ստիպված էի հենց այդ հավելվածի համար ուրիշ հեռախոս ճարել։ Հիմնականում խնդիրները Android օգտագործողների մոտ են: Մեր շատ հայրենակիցներ, որոնք համավարակի պատճառով չէին կարող մեկ տարվա ընթացքում մուտք գործել Ռուսաստան, հիմա ուզում են գալ, բայց նրանց մոտ նման խնդիրներ են առաջանում։ Բայց ինձ ասացին, որ դրանք ժամանակավոր տեխնիկական խնդիրներ են, ու ես վստահ եմ, որ դրանք շուտով կշտկվեն», - ասել է Սինանյանը։
«Զվարթնոցում» իրարանցում է. ովքեր և ինչ նպատակով են մեկնում Ռուսաստան. տեսանյութ
Նա ավելացրել է, որ հավելվածի գործարկումից հետո առաջին մի քանի օրերին շատերին կանգնեցրել են դեռ Երևանից մեկնելիս։
«Բայց հիմա իրավիճակը հարթվում է․․․Դրանք տեխնիկական խնդիրներ են», - ավելացել է սփյուռքի հարցերով գլխավոր հանձնակատարը։
Հիշեցնենք, որ հավելվածը գործարկվել է փետրվարի 1-ից։ Հայաստանի քաղաքացիներն իրավունք են ստացել Ռուսաստան մեկնել կորոնավիրուսային վարակի բացասական թեստի առկայության դեպքում: Սակայն ոմանք սկզբում բախվել են հավելվածի աշխատանքի խափանման հետ կապված մի շարք խնդիրների։ Արդյունքում նրանց արտաքսել են։
Թեստի պատասխանը համակարգը չի ճանաչել. «Զվարթնոցից» ՌԴ մեկնողները փաստի առաջ են կանգնել
ՄԻՊ–ը համակարգային խնդիրներ է բացահայտել Խարբերդի մանկատանը
(Թարմացված է 14:16 03.03.2021)
Մարդու իրավունքների պաշտպանի աշխատակազմն արձանագրել է նաև դրական զարգացումները։ ԵՐԵՎԱՆ, 3 մարտի – Sputnik. Հայաստանի մարդու իրավունքների պաշտպանի աշխատակազմը 2020 թվականի դեկտեմբերին մշտադիտարկման չհայտարարված այց է իրականացրել «Խարբերդի մասնագիտացված մանկատուն» պետական ոչ առևտրային կազմակերպություն և համակարգային խնդիրներ բացահայտել։ Տեղեկությունը հայտնում է պաշտպանի գրասենյակը:
Որտեղ են Արցախի մանկատներից Հայաստան տեղափոխված երեխաները. Հայաստանի ՄԻՊ-ն այցելել է նրանց
Այցի ընթացքում արձանագրված համակարգային խնդիրներից են՝
- հաստատության իրավասու անձնակազմը նշել է, որ զսպման միջոցների կիրառման մատյաններ չեն վարվում, քանի որ զսպման միջոցներ հաստատությունում գործնական չեն կիրառվում: Այս փաստարկը չի կարող ընդունելի լինել: Նախ` Պաշտպանի աշխատակազմի այցի ընթացքում արձանագրվել է հատուկ միջոցի կիրառում: Դրանից բացի, հաստատությունը, լինելով հոգեբուժական բժշկական օգնություն և սպասարկում իրականացնելու լիցենզիա ունեցող պետական ոչ առևտրային կազմակերպություն, պարտավոր է յուրաքանչյուր դեպքով ապահովել զսպման միջոցների կիրառման համար օրենսդրությամբ սահմանված բոլոր պահանջները, այդ թվում՝ մատյանների վարումը: Ուստի գործընթացի վերահսկողության, մարդու իրավունքների պաշտպանության նպատակով անհրաժեշտ է ներդնել և պատշաճ կերպով վարել զսպման միջոցների կիրառման մատյաններ, ինչպես նաև մեթոդական ուղեցույցներ.
- փակ կարանտինային ռեժիմի պատճառով նեղ մասնագիտական ծառայությունների (օրինակ` հոգեբան, լոգոպեդ և այլն) մատուցումն էականորեն նվազել է, ինչը բացասաբար է անդրադարձել սաների առողջական վիճակի վրա: Մինչդեռ, անձնակազմի վկայությամբ, որոշ սաների հոգեկան և ֆիզիկական առողջության արձանագրված դրական դինամիկան հնարավոր է եղել տարիների ընթացքում կանոնավոր և հետևողական իրականացված աշխատանքի արդյունքում: Ուստի, անհրաժեշտ է նախատեսել լրացուցիչ կանոններ հաստատությունում նեղ մասնագիտական ծառայությունների մատուցման ընթացքի կանոնավոր և անխոչընդոտ ապահովման համար.
- սաների կարիքների գնահատման առկա գործընթացը չի երաշխավորվում դրանց իրական և անհատականացված լինելը, քանի որ բացակայում են համապատասխան մասնագետների համար նախատեսված ուղեցույցներ կամ այլ կարգավորումներ: Միայն այս դեպքում հնարավոր կլինի յուրաքանչյուր սանի նկատմամբ ցուցաբերել անհատական մոտեցում՝ բացահայտելով նրա զարգացման հնարավորությունները և իրական կարիքները.
- սաների խմբերի ձևավորման համար բացակայում են նվազագույն չափորոշիչներ և մեթոդական ուղեցույց: Օրինակ՝ ըստ անձնակազմի՝ որևէ սանի այս կամ այն խմբում ընդգրկվելու համար էական է այն, թե կոնկրետ խմբում աշխատող դայակը կկարողանա կամ պատրաստ է հոգալ տվյալ սանի անձնական հիգիենան, թե ոչ: Արդյունքում, սաների խմբերը գործնականում ձևավորվում են հիմնականում սաների առօրյա խնամքն առավել դյուրին կազմակերպելու մոտեցմամբ, այլ ոչ յուրաքանչյուր սանի զարգացման հնարավորությունները բացահայտելու և դրանց իրացմանը նպաստելու նկատառումներով: Նշված չափորոշիչների և դրանց կիրառման մեթոդաբանության բացակայությունը դժվարացնում է նաև հաստատության տնօրինության աշխատանքը.
- բացակայում են չափահաս սաների զբաղվածության ապահովման նպատակային ծրագրեր, ինչի հետևանքով հաստատությունում կազմակերպվող մասնագիտական հմտությունների զարգացման դասընթացները չեն ապահովում սաների ինքնուրույն կյանքի հմտությունների ձեռք բերումը:Ուստի անհրաժեշտ է մշակել և ներդնել այնպիսի ծրագրեր, որոնք իրական հնարավորություններ կստեղծեն սաների անկախ և ինքնուրույն կյանքի իրավունքի իրացման համար: Սաների զբաղվածության խնդիրն այցի ընթացքում բարձրաձայնվել է նաև չափահաս սաների, հաստատության աշխատակիցների և տնօրենի կողմից.
- որոշ խմբասենյակներ գերծանրաբեռնված են, իսկ ննջարանների և խաղասենյակների առկա բաժանումը ոչ միշտ է ապահովում սաների հանգստի, ինքնուրույն և մասնավոր կյանքի նկատմամբ հարգանքի իրավունքների իրացման իրական հնարավորություն.
- չափահաս և անչափահաս սաները բնակվում են նույն խմբասենյակներում՝ միասին, ինչպես նաև ննջարաններն առանձնացված չեն՝ ըստ սաների սեռի: Վերջինս հատկապես անընդունելի է՝ հաշվի առնելով, այն, որ խնամքի, այդ թվում՝ երեխայի խնամք և իրավունքների պաշտպանություն իրականացնող հաստատություններում արական և իգական սեռի սաների շուրջօրյա համակեցությունը նույն սենյակում չի ապահովում նրանց կենսակերպին և կենցաղին բնորոշ կարիքները՝ պայմանավորված սաների տարիքային, վարքագծային և ֆիզիոլոգիական առանձնահատկություններով:
- Առավել ևս պետք է հաշվի առնել, որ, օրինակ, մասնավոր կյանքի նկատմամբ հարգանքի տեսանկյունից անչափահաս իգական սեռի սանը չի կարող գիշերել արական սեռի չափահաս անձի հետ նույն ննջասենյակում կամ օգտվել նույն սանհանգույցից:
սաների հետ աշխատող մասնագետների, այդ թվում՝ դայակների, դաստիարակների քանակը բավարար չեն աշխատանքների առավել արդյունավետ կազմակերպման համար, ինչը բացասական է անդրադառնում թե՛ սաների, թե՛ աշխատակիցների իրավունքների երաշխավորման վրա. - հաստատության աշխատակիցների վարձատրությունը չի համապատասխանում նրանց կողմից իրականացվող և պահանջվող աշխատանքի ծավալներին: Այս խնդիրը և փոխկապակցված այլ հարցերն ուսումնասիրվել են Պաշտպանի աշխատակազմում, մշակվել առաջարկներ և ուղարկվել պետական իրավասու մարմնին:
Նշված խնդիրները բնույթով համակարգային են, տարիների ընթացքում կուտակված և պետության պոզիտիվ պարտավորությունների թերի կատարման արդյունք են: Առկա խնդիրներն էլ լուծվում են առավելապես հաստատության աշխատակիցների բարեխղճությամբ: Մինչդեռ պետությունը պարտավոր է ներդնել այնպիսի մեխանիզմներ, որոնք լիարժեք կերաշխավորեն հաշմանդամություն ունեցող անձանց բոլոր իրավունքները հավասարապես։ Նման պահանջն էլ ավելի հրատապ է այն դեպքերում, երբ խոսքը պետության հոգածության ներքո գտնվող անձանց իրավունքների իրացման երաշխավորման մասին է:
Մանկատան երեխաներին ծեծել են փայտով, զրկել հիգիենայի միջոցներից. մանրամասներ
Մարդու իրավունքների պաշտպանը կարևոր է համարում արձանագրել նաև դրական զարգացումները, մասնավորապես.
- սաների համար իրականացվում է հիպոթերապիայի ծրագիր (բուժական ձիավարության միջոցով վերականգնողական մեթոդ), ինչը կարևոր ազդեցություն է ունենում սաների հոգեկան առողջության, շարժողական իմպուլսների զարգացման տեսանկյունից.
սաներին աջակցող միջոցների, սայլակների տեխնիկական խնդիրները լուծվում են նաև արտաքին ֆինանսական միջոցներ ներգրավելու, իսկ որոշ դեպքերում՝ անգամ աշխատակիցների միջոցներով: Բացասական է այն, որ այս նպատակով հանրային միջոցների հատկացման գործընթացն արդյունավետ չէ. - հաստատության սաները մասնակցում են տարբեր խմբակների, օրինակ, ստեղծագործական, արհեստագործական և այլն, ինչպես նաև մասնագիտական հմտությունների դասընթացների, որոնց համար անհրաժեշտ պարագաները, նյութերը հիմնականում ապահովվում են հաստատության կողմից իրականացվող մասնավոր կամ միջազգային համագործակցային ծրագրերի միջոցով.
- չնայած պետության կողմից հատկացված ֆինանսական միջոցների սղությանը՝ սաների խնամքի և հաստատության սանիտարահիգիենիկ բավարար վիճակն ապահովելու համար անհրաժեշտ հիգիենիկ պարագաների և միջոցների չբավարարող քանակը ձեռք է բերվում բարերարների, մասնավոր կազմակերպությունների հետ հաստատության համագործակցության արդյունքում:
Մշտադիտարկման արդյունքները, այդ թվում՝ արձանագրված խնդիրները մանրամասն վերլուծվել, ամփոփվել և լուծումների առաջարկներով ուղարկվել են ՀՀ աշխատանքի և սոցիալական հարցերի նախարարությանն ու Խարբերդի մասնագիտացված մանկատան ղեկավարին։
Պատերազմից հետո սեր կա. արցախցի Հայկազի ու Ռուզանի հարսանիքը` ժամանակավոր կացարանում