Վիզա

ԱՄՆ դեսպանատունը հերքում է Հայաստանի հետ վիզային ռեժիմը չեղարկելու լուրը

48
(Թարմացված է 13:26 07.07.2017)
Համացանցում լուրեր են պտտվում, թե Հայաստանի քաղաքացիները մոտ ապագայում ԱՄՆ կայցելելն առանց մուտքի թույլտվության արտոնագրի: ԱՄՆ դեսպանատունը հերքել է այս լուրը։

ԵՐԵՎԱՆ, 7 հուլիսի — Sputnik. ՀՀ-ում ԱՄՆ դեսպանատունը հանդես է եկել հայտարարությամբ` հերքելով շրջանառվող լուրն այն մասին, թե ԱՄՆ–ն պատրաստվում է չեղարկել Հայաստանի հետ վիզային ռեժիմը։

ԱՄՆ դեսպանատունը տեղյակ է Հայաստանի և Միացյալ Նահանգների միջև վիզայի պահանջը վերացնելու համաձայնագրի շուրջ շրջանառվող լուրերի մասին:

«Այդ լուրերը չեն համապատասխանում իրականությանը: ԱՄՆ մեկնելու համար ՀՀ քաղաքացիներին անհրաժեշտ է ստանալ ԱՄՆ մուտքի վիզա»,- ընդգծված է ԱՄՆ դեսպանատան ֆեյսբուքյան էջում տարածված հայտարարության մեջ:

ԱՄՆ դեսպանատնից չեն նշում, թե ովքեր են նման լուրեր տարածել։

48