Սևան

Սևանն այս տարի կզրկվի լրացուցիչ 100 մլն խմ ջրից. Օրենքն ընդունվեց

11
(Թարմացված է 12:29 06.07.2017)
2017-ին Սևանից 100 մլն խմ լրացուցիչ ջուր կվերցնեն. ԱԺ-ն օրենքն ընդունեց երկրորդ ընթերցմամբ:

ԵՐԵՎԱՆ, 6 հուլիսի — Sputnik. Հայաստանի Ազգային ժողովն այսօր՝ հուլիսի 6-ին, երկրորդ ընթերցմամբ ընդունեց «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» Հայաստանի Հանրապետության օրենքում լրացումներ կատարելու մասին» օրինագիծը: Այն ընդունվեց 77 կողմ, 4 դեմ ձայների հարաբերակցությամբ:

Նախագծին դեմ քվեարկեց միայն «Ելք» խմբակցությունը: ՀՀԿ-ն, ՀՅԴ-ն և «Ծառուկյան» խմբակցությունները կողմ էին նախագծին:

Օրինագծով առաջարկվում է 2017 թվականին Սևանից ջրառը հասցնել 270 մլն խմ-ի, այն դեպքում, երբ Սևանա լճից ջրի բացթողման տարեկան թույլատրելի քանակը 170 միլիոն խորանարդ մետր է:

Կառավարության ներկայացրած բացատրության մեջ նշվում է, որ լրացուցիչ ջրառն անհրաժեշտ է ոռոգման համար:

 

11