Կարեն Կարապետյան

Վարչապետը եկամուտների ամբիցիոզ աճ է ակնկալում

19
2017-2022 թվականների համար կառավարությունը նախատեսում է եկամուտների ամբիցիոզ աճ։ Կառավարության հերթական նիստի ժամանակ այս մասին հայտարարեց վարչապետ Կարեն Կարապետյանը։

ԵՐԵՎԱՆ, 6 հուլիսի — Sputnik. ՀՀ կառավարությունում կոշտ և հաստատուն ծախսեր են նախատեսում, որը, ըստ վարչապետ Կարեն Կարապետյանի, կբերի եկամուտների ամբիցիոզ աճի։ Դրա համար էլ գործադիրի ղեկավարը կառավարության անդամներին այսօր` հուլիսի 6-ին, հանձնարարեց տնտեսված միջոցները ծառայեցնել տնտեսական աճ ապահովող ծրագրերին։

«Դժվար իրագործելի հատկանիշներ ենք սահմանում հարկեր-ՀՆԱ հարաբերակցության ուղղությամբ։ Արտաքին պարտքի կայունության վերաբերյալ, ինչպես նաև դեֆիցիտի ուղղությամբ բոլորիցս պահանջվելու է մաքսիմալ համակարգված աշխատանք»,-ասաց վարչապետը։

Նիստի ժամանակ համոզմունք հնչեց, որ 2018-2020 թվականների պետական միջնաժամկետ ծախսերի ծրագիրը հիմք կծառայի 2018 թվականի պետական բյուջեի նախագծի մշակման համար։ Նպատակ կա պետական մարմինների ու նաև հանրության համար ընկալելի դարձնել կառավարության 3 տարվա հարկաբյուջետային քաղաքականության ռազմավարությունը։

19