Ալ-Քաիդայի զինյալներն Իրաքում

Հայաստանը փաստաթղթեր ունի Ադրբեջանի միջոցով ահաբեկիչներին զենք մատակարարելու մասին

236
(Թարմացված է 12:58 05.07.2017)
Հայաստանը փաստաթղթերի մեծ արխիվ ունի, որը վկայում է այն մասին, որ Ադրբեջանի միջոցով զենք է մատակարարվում ամբողջ աշխարհի ահաբեկիչներին։

ԵՐԵՎԱՆ, 4 հուլիսի – Sputnik․ Հիշատակված փաստաթղթերը գտնվում են մեր տրմադրության տակ և ուսումնասիրվում են, Sputnik Արմենիային ասաց Հայաստանի արտգործնախարարության մամուլի քարտուղար Տիգրան Բալայանը։ Ավելի վաղ բուլղարական «Տրուդ» թերթում փաստաթղթեր էին հայտնվել, որոնք վկայում էին, որ «Մետքասե ճանապարհ» ադրբեջանական ավիաընկերությունը օգտագործվում է ամբողջ աշխարհով մեկ ահաբեկիչներին զենք մատակարարելու նպատակով, այդ թվում՝ Իսլամական պետությանը՝ դիվանագիտական անձեռնմխելիության քողարկմամբ։

«Արդեն երկար ժամանակ է՝ այդ գործով փաստաթղթերն ուսումնասիրվում են։ Եթե մեր շահերին հակառակ որևէ կետեր լինեն, այդ հարցն, անպայման, կբարձրաձայնվի»,- ասաց Բալայանը։

Նրա խոսքով՝ փաստաթղթերի արխիվը հսկայական է՝ 8 Գբ ծավալով։ Ամեն մի փաստաթուղթ առանձին է ուսումնասիրվում։

Ազգայի ժողովի փոխխոսնակ Էդուարդ Շարմազանովն, իր հերթին, ասաց  Sputnik Արմենիային, որ Ադրբեջանի դեմ պետք է պատժամիջոցներ կիրառվեն, եթե ապացուցվի, որ նա մասնակցել է Մերձավոր Արևելքում ահաբեկիչներին զենք մատակարարելուն։

«Միջազգային հասարակությունը պետք է հետախուզություն անցկացնի և հստակ գնահատական տա։ Անձամբ ինձ համար Ադրբեջանի նման քաղաքականությունն անակնկալ չէ»,- ասաց Շարմազանովը։

Նրա խոսքով՝ ապրիլյան պատերազմի ընթացքում Ադրբեջանի գործողությունները շատ նման էին Մերձավոր Արևելքում Իսլամական պետության գործողություններին՝ բռնություն խաղաղ բնակչության հանդեպ, մարմինների նկատմամբ անհարգի վերաբերմունք։ Բացի այդ, նրա խոսքով, գաղտնիք չէ, որ 90-ականներին Ադրբեջանի կողմից ահաբեկիչներ էին կռվում։

Նա նշեց, որ Հայաստանը հայտարարում է Թուրքիայի և Ադրբեջանի ահաբեկչական վերաբերմունքի մասին ոչ թե արցախյան հարցի պատճառով, այլ հաշվի առնելով այդ երկրների երկար տարիների քաղաքականությունը։

Ինչպես նշվում է, Սաուդյան Արաբիայի և Պենտագոնի հետ կապված ռազմական ընկերությունների (Սերբիայում, Ռումինիայում, Բոսնիայում, Չեխիայում և Արևելյան Եվրոպայի մի շարք այլ երկրներում) միջոցներով հին խորհրդային զենք էր գնվում Աֆղանստանի և Իրաքի ուժային կառույցներին մատակարարելու կեղծ պատճառաբանությամբ։

Ադրբեջանը խոշոր բեռնափոխադրման կետերից մեկն էր հանդիսանում։ Փոխադրումն իրականացվում էր հատուկ դիվանագիտական կարգավիճակ ունեցող քաղաքացիական ինքնաթիռներով, որը թույլ էր տալիս խուսափել փոխադրվող բեռի ստուգումներից՝ պահպանելով գաղտնիության ռեժիմը։

Թերթում նաև նշվում է, որ 2016 թվականին Ադրբեջանը մեղադրել է Հայաստանին մարտերի ընթացքում «սպիտակ ֆոսֆորի» օգտագործման մեջ, իսկ իրականում Բաքվով անցել է տասնյակ, եթե ոչ հարյուրավոր տոննա «սպիտակ ֆոսֆոր»։ Փաստաթղթերը ցույց են տալիս, որ «սպիտակ ֆոսֆորը» Ադրբեջան է բերվել 2016 թվականին։

Русская версия

236