ԵՏՄ դրոշներ

Հայաստանի երկու տարին ԵԱՏՄ-ում․ առաջին արդյունքները կամփոփվեն Երևանում

32
(Թարմացված է 20:49 04.07.2017)
Եվրասիական տնտեսական հանձնաժողովի նախարարները կմասնակցեն Հայաստանի ԵԱՏՄ-ին երկամյա անդամակցության ամփոփմանը։

ԵՐԵՎԱՆ, 4 հուլիսի — Sputnik. «Հայաստանի Հանրապետություն․ երկու տարի ԵԱՏՄ-ում։ Առաջին արդյունքները» կլոր սեղանը կկայանա Երևանում հուլիսի  6-ին, հայտնել է ԵՏՀ մամուլի ծառայությունը։

Միջոցառմանը կմասնակցեն փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը և Հայաստանի տնտեսական զարգացման և ներդրումների նախարար Սուրեն Կարայանը, նաև ինտեգրման և մակրոէկոնոմիկայի կոլեգիայի (նախարարի) անդամ Տատյանա Վալովայան։

Երկու նստաշրջան ունեցող կլոր սեղանին կմասնակցեն Հայաստանի իշխանության պետական մարմինների ղեկավարները, ՌԴ, Բելառուսի, Ղազախստանի, Չեխիայի դեսպանատան ներկայացուցիչները, գործարարական և գիտական միությունների ներկայացուցիչները։

ԵԱՏՄ-ն միջազգային ինտեգրացիոն միավորում է, որը ստեղծվել է Մաքսային միության և միասնական տնտեսական տարածքի հիման վրա, գործում է 2015 թվականի հունվարի 1-ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղըզստանը։

Հայաստանը ԵԱՏՄ անդամ է դարձել 2015 թվականի հունվարին։ Փորձագետները տարբեր գնահատականներ են տալիս Հայաստանի՝ ԵԱՏՄ անդամակցության արդյունքներին։

Русская версия

32
թեմա:
Հայաստանի հեռանկարը ԵԱՏՄ–ում (19)