Ընտրություններ

Transparency. ԱԺ ընտրություններից առաջ կաշառք բաժանելու 90 դեպք է գրանցվել

9
(Թարմացված է 22:49 03.07.2017)
«Թրանսփարենսի ինթերնեյշնլ հակակոռուպցիոն կենտրոնը» ներկայացրել է ««2017թ. ընտրությունների վարչական ռեսուրսի չարաշահման մոնիտորինգի արդյունքները»։

ԵՐԵՎԱՆ, 3 հուլիսի — Sputnik. Հայաստանի խորհրդարանական ընտրությունների արդյունքների ձևավորման մեջ հիմնական դերը խաղացել է բաժանվող ընտրակաշառքը: Այս մասին լրագրողներին ասաց Transparency International կենտրոնի հակակոռուպցիոն ծրագրերի ղեկավար Վարուժան Հոկտանյանը։

«Խախտումներից ամենատարածվածն ընտրակաշառքի դեպքերն են՝ 90 դեպք, որից 53-ը տեղական մոնիտորներն են հայտնաբերել, մնացածը ստացվել է ԶԼՄ-ներից», — ասաց նա։

Ըստ Հոկտանյանի՝ ընտրակաշառք հիմնականում բաժանել է ՀՀԿ-ն, ընտրակաշառք են բաժանել նաև «Հայկական վերածնունդը», ԲՀԿ-ն և այլ կուսակցություններ Նրա խոսքով՝ կարևոր դեր է խաղացել նաև վարչական ռեսուրսի չարաշահումը:

«Առաջին հերթին դա վերաբերում է իշխող կուսակցությանը, բայց այդպիսի գործողությունների են դիմել նաև «Ծառուկյան» դաշինքն ու «Դաշնակցությունը»։ 59 դեպք ենք ունեցել, երբ շտաբներում տեսել ենք, որ աշխատանքային ժամին են քարոզչությամբ զբաղված: 38 դեպք ենք արձանագրել, երբ պետական կամ համայնքային մարմինների կողմից ասֆալտապատման և այլ բարեկարգման դեպքեր են եղել: Անձնագրերի հավաքագրման 14, ընտրողների ցուցակագրման 11 դեպք է գրանցվել,- նշեց Հոկտանյանը:

Ըստ նրա՝ ճնշումներ են գործադրվել նաև մանկապարտեզների, դպրոցների և առողջապահական հիմնարկների աշխատակիցների վրա: Կազմակերպությունը 53 դեպք է գրանցել։

Մոնիտորիգն անցկացվել է մարտի 5-ից ապրիլի 1-ն ընկած ժամանակահատվածում։

ԱԺ ընտրությունները կայացել են ապրիլի 2-ին։ Խորհրդարան է անցել քաղաքական չորս ուժ։ ԿԸՀ տվյալների համաձայն՝ ՀՀԿ-ն ստացել է 58 մանդատ, «Ծառուկյան» դաշինքը՝ 31, «Ելքը»՝ 9, իսկ ՀՅԴ-ն՝ 7 մանդդատ:

Русская версия

9