ԵՐԵՎԱՆ, 20 հունիսի — Sputnik. «Հնչում է Երևանը» 10-րդ մրցույթ-փառատոնի լավագույն տասնյակը գլխավորել է Ալեքսանդր Սպենդիարյանի անվան երաժշտական մասնագիտական դպրոցը: Հատկանշական է, որ արդեն 5-րդ տարին անընդմեջ այս կրթօջախն է զբաղեցնում փառատոնի առաջին հորիզոնականը, որի համար այս անգամ արժանացել է նաև Երևանի քաղաքապետարանի հատուկ մրցանակին: Երկրորդ հորիզոնականում Արմեն Տիգրանյանի, իսկ երրորդում Ստեփան Ջրբաշյանի անվան երաժշտական դպրոցներն են:

yerevan

«Երևանյան ամառ 2017». կայացել է «Mix Battle Fest 2017» փառատոնը

«Տարվա հայտնություն» անվանակարգում հաղթել է Սարգիս Ասլամազյանի անվան թիվ 1 երաժշտական դպրոցի սան Ռոնիկ Հարությունյանը:

Փառատոնում լավագույնը ճանաչված 10 դպրոցները պարգևատրվել են Երևանի քաղաքապետի պատվոգրերով: Առաջին երեք հորիզոնականները զբաղեցրած դպրոցներին պատվոգրեր ու խորհրդանշական արձանիկ-մրցանակները հանձնել է Երևանի քաղաքապետի տեղակալ Արամ Սուքիասյանը:

«Սա Հայաստանի Հանրապետության խոշորագույն կապիտալներից մեկն է, մեծ ներդրում, որի արդյունքներն այս պահին գուցե տեսանելի չեն, բայց մոտ ապագայում շոշափելի են լինելու և հպարտություն են ներշնչելու: Այս երեխաները կերտելու են մայրաքաղաքի նոր հմայքը, նոր մշակութային մթնոլորտը», — նշել է Արամ Սուքիասյանը:

Հիշեցնենք, որ մայիսի 16-27-ը մրցույթ-փառատոնի մասնակից պատանի երաժիշտները մրցել էին 10 անվանակարգերում՝ դաշնամուր, լարային, հարվածային, փողային գործիքներ, ազգային նվագարաններ, մեներգեցողություն, երգչախումբ, դասական համույթներ, սոլֆեջիո-թելադրություն և երաժշտական գրականություն:

«Մենակատարներ» ոչ մրցութային անվանակարգում լավագույն մասնակիցները հուլիսի 7-ին Արամ Խաչատրյան համերգասրահում ելույթ կունենան Հայաստանի պետական երիտասարդական նվագախմբի հետ: Նույն օրը համերգի երկրորդ մասում ելույթ կունենա նաև Երևանի քաղաքապետարանի ենթակայության երաժշտական և արվեստի 25 դպրոցների սաներից կազմված նվագախումբը, որն իր անդրանիկ ելույթով հանդես եկավ «Հնչում է Երևանը» երաժշտական փառատոնի գալահամերգի ժամանակ:

ԵՐԵՎԱՆ, 5 մարտի - Sputnik. ՀՀ զինված ուժերի գլխավոր շտաբի պետ Օնիկ Գասպարյանի խնդիրը պետք է լիներ, որ թույլ չտար որևէ մեկին քիթը խոթել բանակի ներքին խնդիրներին։ Եռաբլուրում լրագրողների հետ զրույցում նման կարծիք հայտնեց ԱԺ «Իմ քայլը» խմբակցության պատգամավոր Անդրանիկ Քոչարյանը` ի պատասխան հարցին, թե ի՞նչ գնահատական է տալիս ԳՇ–ի` վարչապետի հրաժարականի պահանջով հայտարարությանը։

«Մեր խնդիրները թողած` բանակի փեշերից են կախվել բոլորը։ Որևէ մեկի մտքով չի անցել բանակը դարձնել պետական գործիք, անգամ Հոկտեմբերի 27-ից հետո որևէ քայլ չի արվել գործող իշխանության դեմ։ Բանակը պետք է միայն արտաքին թշնամի ունենար, այլ ոչ թե ներքին»,–ասաց Քոչարյանը։

Հարցին, թե բոլորին հետաքրքրում է` Օնիկ Գասպարյանն այժմ ԳՇ պե՞տ է, թե՞ ազատվել է աշխատանքից, Քոչարյանը պատասխանեց, որ նախագահ Արմեն Սարգսյանը չի ուղարկել վարչապետի միջնորդությունը ՍԴ–ում վիճարկելու, ինչը նշանակում է, որ Գասպարյանը 3 օր հետո համարվում է աշխատանքից ազատված։ Քոչարյանը ենթադրում է, որ այս ընթացքում վարչապետը կա՛մ նախագահին կներկայացնի նոր թեկնածու, կա՛մ ՊՆ–ի հետ կոնսուլտացիաներ կլինեն և գուցե այդ պարտականությունը դրվի տեղակալներից մեկի վրա։

© Photo : official site of the MoD of RA

ԳՇ–ն միանգամից 3 պետ կունենա՞, կամ ՍԴ–ից բացի ուրիշ ինչ ուղի ունի Օնիկ Գասպարյանը

Մեկ այլ հարցի, թե ի՞նչ ճակատագիր է սպասում այն զինվորականներին, որոնք միացել են ԳՇ–ի հայտարարությանը` Քոչարյանը պատասխանեց, որ զինվորականների 90 տոկոսն այժմ իրականացնում է իր առջև դրված գործը, բացառությամբ ԳՇ պետի առաջին տեղակալ Տիրան խաչատրյանի, որն ազատվեց աշխատանքից։

Անդրադառնալով Տիրան Խաչատրյանի այն քայլին, որ նա Վարչական դատարան է դիմել` վիճարկելով աշխատանքից ազատման փաստը` Քոչարյանը նշեց, որ Խաչատրյանը վարչական դատարան դիմելուց առաջ թող մտածեր` իր այդ քայլով ինչպիսի՞ վտանգ հասցրեց ՀՀ ներքին անվտանգությանը։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

© Photo : official site of the MoD of RA

Փաշինյան vs Գլխավոր շտաբ, կամ ինչ է պակասում ընդդիմությանը հաջողության հասնելու համար

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով: