ԵՐԵՎԱՆ, 27 մայիսի — Sputnik. 25 տարվա ընթացքում 700 հազար նվիրատվություն: Այս ամենը՝ «Հայաստան» համահայկական հիմնադրամի գործունեության արդյունքում: Նվիրատվությունների միջոցով ստացվել է 350 միլիոն դոլար: Թվերը հիմնադրամի հոգաբարձուների խորհրդի և տեղական մարմինների համատեղ 26-րդ նիստում հայտնեց հիմնադրամի գործադիր վարչության տնօրեն Արա Վարդանյանը:

«Դպրոց, հիվանդանոց կամ ճանապարհ կառուցելն ինքնանպատակ չէ: Մեր առաքելությունը մեր երկիրը մեր իսկ ջանքերով շենացնելն է, մեր հայրենակցին սատար կանգնելն ու մեր ապագայի հանդեպ պատասխանատվություն ստանձնելը»,-ասաց նա:

Գորիս-Ստեփանակերտ և Վարդենիս-Մարտակերտ ճանապարհահատվածների կառուցումը, ըստ Վարդանյանի, իրենց գործունեության առանցքային հաջողություններից է:

Նա հայտնեց, որ նվիրատվությունները մեծ և փոքր չափերի են լինում: Մեծ նվիրատվության օրինակ է նախորդ տարի Անդրանիկ Բաղդասարյան անունով անձից ստացված 5 միլիոնը:

Վարդանյանը տեղեկացրեց, որ այս տարվա դրամահավաքի համար թեմաներ է առաջարկել նաև Արցախի հանրապետության նախագահ Բակո Սահակյանը: Թեմաներից մեկը վերաբերում է Արցախի չոռոգվող տարածքներին: Այս հարցի լուծումը, հիմնադրամի գործադիր վարչության տնօրեն Արա Վարդանյանի խոսքով, կնպաստի Արցախի գյուղատնտեսության զարգացմանը:

«Երկրորդ ծրագիրն արևային էներգիայի օգտագործման ծրագիրն է, որը մենք արդեն որպես հիմնադրամ սկսել ենք իրականացնել Տավուշի մարզում: Արդեն որոշ չափով փորձ ենք ձեռք բերել և մյուս տարի Արցախում կկարողանանք գրեթե բոլոր գյուղերում միանգամից սկսել այդ ծրագրերը»,- ասաց նա:

Կան մարտահրավերներ, որոնց դիմակայել կարելի է միայն «Հայաստան» հիմնադրամի միջոցով

Հանրապետության նախագահ Սերժ Սարգսյանը շնորհավորեց «Հայաստան» համահայկական հիմնադրամի 25-ամյա հոբելյանը և հայտնեց, որ հիմնադրամի գոյությունը նշանակալի է Հայաստան-Արցախ-սփյուռք եռամիասնության համատեքստում:

«Անցած 25 տարիների ընթացքում իրականացված ծրագրերը և աշխատանքներն իսկապես տպավորիչ են թե՛ քանակով և թե՛ որակով: Դրանց շարքում կարելի է առանձնացնել «Ձմեռ» մարդասիրական ծրագիրը, որի շրջանակում հանգանակված միջոցները 1992-95 թվականներին ուղղվեցին կարևորագույն սոցիալական խնդիրների լուծման: Աղետի գոտում իրականացված բնակարանաշինության շնորհիվ 1988 թվականի երկրաշարժի հետևանքով անօթևան մնացած բազմաթիվ ընտանիքներ ստացան նոր կացարաններ: Գորիսն ու Ստեփանակերտը, Արցախի հյուսիսն ու հարավը, Վարդենիսն ու Մարտակերտը իրար կապող ճանապարհների շինարարությունը թույլ է տալիս լուծել մեր ժողովրդի համար մի շարք կենսական և ռազմավարական բնույթի հրատապ հարցեր»,- ասաց երկրի ղեկավարը:

Նախագահը վստահություն հայտնեց, որ ապագայում ևս «Հայաստան» համահայկական հիմնադրամը շարունակելու է իր ազգանվեր գործունեությունը՝ ոգևորելով բոլորին իր հաջողված ծրագրերով, եռանդուն քայլերով և հստակ արդյունքներով:

ԵՐԵՎԱՆ, 3 մարտի- Sputnik. Հայաստանն առաջիկայում կունենա բազմազավակ ընտանիքների մասին օրենք, որի համաձայն` պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։

Տեղեկությունն այսօր ԱԺ–ում կառավարության հետ հարցուպատասխանի ժամին ասաց ՀՀ Աշխատանքի և սոցիալական հարցերի նախարար Մեսրոպ Առաքելյանը` շեշտելով, որ օրենքի նախագիծն արդեն դրվել է հանրային քննարկման։

© Sputnik / Armenuhi Mkhoyan

Ուզում եմ` էլ չկրակեն ու տուն վերադառնանք. Մկրտչյանների բազմազավակ ընտանիքի ոդիսականը

«Այս նախագծով նախարարությունը փորձում է բազմազավակ ընտանիքներին լրացուցիչ պետական երաշխիքների և աջակցության տրամադրման նոր ծրագրեր իրականացնել, որոնք հնարավորություն կտան հստակեցնել բազմազավակ ընտանիքների սոցիալական կարգավիճակն ու երաշխիքները, բարձրացնել այդ ընտանիքներին տրվող պետական աջակցության արդյունավետությունը, խրախուսել ընտանիքում չորրորդ և հաջորդ երեխայի ծնունդը»,- ասել է Առաքելյանը:

Նրա խոսքով` առաջարկվող օրենքը ենթադրում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:

Հայաստանում ծնվել է արցախցի բազմազավակ ընտանիքի 8-րդ զավակը

Առաքելյանի կարծիքով` այսպիսով բազմազավակության խրախուսման այս ծրագիրը կնպաստի ծնելիության խթանմանը, բազմազավակ ընտանիքների թվի ավելացմանը: