Չատինյան. «Ալպինիզմը հիվանդություն է, եթե հիվանդացար, այլևս չես ձերբազատվի»
Մարինե Ավանեսյան, Sputnik.
1967 թ. Մարտունու տարածաշրջանում ազգությամբ ռուս երկու զինվորական էր անհետ կորել: Մեկ շաբաթվա որոնողական աշխատանքներն ապարդյուն են անցել, ավելի ուշ գտել են մարմինները: Անդրկովկասի զինվորական օկրուգի ղեկավարության անունից, սակայն, որոնողափրկարարական աշխատանքներին մասնակցելու համար Չատինյանին պատվոգիր էին ուղարկել: Թերթելով անցյալի էջերը՝ նա անկեղծանում է` առաջին փրկարարական աշխատանքների ժամանակ շատ է հուզվել ու երկու օրվա ընթացքում նույնիսկ լաց եղել:
Բազում վերելքներ է հաղթահարել մեր զրուցակիցը, բայց առանձնահատուկ է խոսում Էլբրուսի տարածաշրջանում Ուշբայի գագաթը բարձրանալու ու դժվարության մասին: Նրա արխիվում պահվող յուրաքանչյուր լուսանկար, պատվոգիր ու շնորհակալագիր իր պատմությունն ունի: Աղվան Չատինյանը պատմում է այդ պատմությունները, ապա լուսանկարները խնամքով նորից տեղավորում թղթապանակի մեջ: Վերջին անգամ վերելք է կատարել 75 տարեկանում: Արագած լեռան գագաթն է բարձրացել ու քրիստոնությոն 1700-ամյակի առիթով Արագածի գագաթին խաչեր տեղադրել:
«Վերջին վերելքն էր, արդեն 91 տարեկան եմ, չեմ կարողանում», — ժպիտով ասում է մեր զրուցակիցը:
Նա դժվարանում է մտաբերել՝ քանի սերունդ է կրթել աշխատանքային 60-ից ավելի տարիների ընթացքում, բայց ասում է, որ փրկարար ծառայությունում այսօր իր ուսանողներից շատերն են աշխատում: Հիշողություններն ու մտորումները թղթին հանձնելու մասին չի մտածել, բայց 10-ից ավելի մասնագիտական ձեռնարկի հեղինակ է: Զարմանալի է, բայց քչերը կհավատան, որ 200 անգամ տարբեր գագաթների բարձրություն հաղթահարած Աղվան Չատինյանը երբևէ վնասվածք չի ստացել:
«Լեռան գագաթ բարձրանալով հոգեպես հանգստանում ես, ալպինիզմը հիվանդություն է, եթե հիվանդացար, էլ չես ձերբազատվի….», —կատակում է նա:
Շուրջ երկու տարի է՝ մեր զրուցակիցը չի դասավանդում, փոխարենը ակտիվ մասնակցում է գիտաժողովների, լեռնափրկարարների հրավերով կազմակերպվող հանդիպում-քննարկումների, ներկայացնում իր փորձը, թղթակցում տպագիր մամուլին:
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց
(Թարմացված է 18:03 03.03.2021)
Արդեն իսկ երկու փոխմարզպետ է հրաժարական ներկայացրել` միանալով ԳՇ–ի հայտարարությանն ու վարչապետի հրաժարականի պահանջին։ԵՐԵՎԱՆ, 3 մարտի - Sputnik. Արմավիրի փոխմարզպետ, պահեստազորի գեներալ–մայոր Ալեքսան Ալեքսանյանը հրաժարվում է պաշտոնից` միանալով Գլխավոր շտաբի` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում ընթացող Հայրենիքի փրկության շարժման հանրահավաքի ժամանակ տեղեկությունը հայտնեց ՀՅԴ–ական Գեղամ Մանուկյանը` ընթերցելով Ալեքսանյանի հայտարարությունը։
«Պետության առջև ծառացած մարտահրավերները հանրության համախբման, միասնական դաշտի ստեղծման խնդիր են առաջացրել։ Մինչդեռ երկրի իշխանությունը լծված է հանրությունը բաժանելու և պիտակավորելու գործին։ Որդեգրված այս ուղին անհարիր է մեր ազգին։ Ելնելով ստեղծված իրավիճակից` իմ անհամաձայնությունն եմ հայտնում տեղի ունեցողի վերաբերյալ և հրաժարվում եմ փոխմարզպետի պաշտոնից»,–նշված է Ալեքսանյանի հայտարարության մեջ։
Ալեքսանյանը, միաժամանակ, իր աջակցությունն է հայտնում արժանավոր բոլոր սպաներին և հատկապես իր զինակից ընկերոջը` Օնիկ Գասպարյանին։
Հիշեցնենք, որ մարտի 1-ին էլ հայտնի դարձավ, որ բանակի ստեղծման ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից` միանալով ԶՈւ ԳՇ-ի հայտարարությանը։
թեգերը:
4 և ավելի երեխաներ. Հայաստանը բազմազավակ ընտանիքների մասին օրենք կունենա
(Թարմացված է 17:42 03.03.2021)
Նախարար Առաքելյանի մեկնաբանմամբ` առաջարկվող օրենքը ենթադրում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում։ԵՐԵՎԱՆ, 3 մարտի- Sputnik. Հայաստանն առաջիկայում կունենա բազմազավակ ընտանիքների մասին օրենք, որի համաձայն` պաշտոնապես բազմազավակ կճանաչվեն 4 և ավելի երեխաներ ունեցող ընտանիքները։
Տեղեկությունն այսօր ԱԺ–ում կառավարության հետ հարցուպատասխանի ժամին ասաց ՀՀ Աշխատանքի և սոցիալական հարցերի նախարար Մեսրոպ Առաքելյանը` շեշտելով, որ օրենքի նախագիծն արդեն դրվել է հանրային քննարկման։
©
Sputnik / Armenuhi Mkhoyan
«Այս նախագծով նախարարությունը փորձում է բազմազավակ ընտանիքներին լրացուցիչ պետական երաշխիքների և աջակցության տրամադրման նոր ծրագրեր իրականացնել, որոնք հնարավորություն կտան հստակեցնել բազմազավակ ընտանիքների սոցիալական կարգավիճակն ու երաշխիքները, բարձրացնել այդ ընտանիքներին տրվող պետական աջակցության արդյունավետությունը, խրախուսել ընտանիքում չորրորդ և հաջորդ երեխայի ծնունդը»,- ասել է Առաքելյանը:
Նրա խոսքով` առաջարկվող օրենքը ենթադրում է դրամական աջակցություն, առողջության ապահովագրություն, բնակարանային պայմանների բարելավման աջակցություն, բնակարանի կամ ապաստանի տրամադրում, կրթության վճարի փոխհատուցում, պատմական և մշակութային կենտրոններ այցելությունների վճարի փոխհատուցում, աշխատող բազմազավակ ծնողներին ամենամյա լրացուցիչ արձակուրդի տրամադրում:
Հայաստանում ծնվել է արցախցի բազմազավակ ընտանիքի 8-րդ զավակը
Առաքելյանի կարծիքով` այսպիսով բազմազավակության խրախուսման այս ծրագիրը կնպաստի ծնելիության խթանմանը, բազմազավակ ընտանիքների թվի ավելացմանը: