Իվան Վոլինկին

Վոլինկին. «Առանց Հայաստանի համաձայնության ռուսական ռազմակայանը չի ընդլայնվի»

56
(Թարմացված է 12:31 09.05.2017)
Հայաստանի տարածքում գտնվող ռուսական ռազմակայանը կարող է ընդլայնվել բացառապես փոխհամաձայնության պարագայում, և ոչ մի դեպքում՝ միակողմանի կարգով, երեքշաբթի Երևանում հայտնեց Հայաստանում Ռուսաստանի դեսպան Իվան Վոլինկինը։

ԵՐԵՎԱՆ, 9 մայիսի — Sputnik. Հայաստանում տեղակայված 102-րդ ռուսական ռազմակայանի խնդիրը անվտանգություն ապահովելն է, «Մայր Հայաստան» հուշահամալիրում ասաց Հայաստանում Ռուսաստանի Դաշնության արտակարգ և լիազոր դեսպան Իվան Վոլինկինը։

«Հայաստանում գտնվող ռուսական ռազմակայանը ընդհանուր խնդիրների լուծման համար է, մենք զորքերի միավորված խմբավորում ունենք», — ընդգծեց ռուս դիվանագետը։

Ռազմակայանի հավանական ընդլայնման մասին խոսելիս դեսպանը կարծիք հայտնեց, որ եթե ընդլայնում տեղի ունենա, ապա միայն փոխհամաձայնության պարագայում, միակողմանի կարգով դա հնարավոր չէ։ Վոլինկինը շնորհավորեց բոլորին հաղթանակի օրվա կապակցությամբ։

«Ճիշտ են ասում. սա և՛ հաղթանակի ուրախությունն է, և՛ արցունք է աչքերին։ Խորհրդային ժողովուրդն այնքան բարձր գին վճարեց այդ հաղթանակի համար, որ այսօր այդ մասին ծանր է խոսելը։ Շնորհավորում եմ բոլորին հաղթանակի առթիվ, մաղթում եմ խաղաղ երկինք»,- ասաց նա։

«Մայր Հայաստան» հուշահամալիրում քայլերթով անցան 102-րդ ռուսական ռազմակայանի, Ռուսաստանի ԱԴԾ սահմանային վարչության զինծառայողները, Հայաստանի ԶՈՒ ՌՕՈՒ և ՀՕՊ ներկայացուցիչները։

Русская версия

56