ԵՐԵՎԱՆ, 6 մայիսի-Sputnik. Մայիսի 3-ին լույս աշխարհ եկած հնգյակից մեկն այսօր առավոտյան մահացել է: Նա գտնվում էր «Էրրեբունի» բժշկական կենտրոնի վերակենդանացման բաժանմունքում:
Մայիսի 5-ի լույս 6-ի գիշերը աղջնակի վիճակը կտրուկ վատացել է: Կարճ ժամանակ անց փոքրիկը մահացել է:
Նշենք, որ մայիսի 3-ին Արշալույս գյուղի 23-ամյա Լուսինե Պողոսյանը լույս աշխարհ էր բերել միանգամից 5 զավակ` չորս աղջիկ և մեկ տղա։
Փոքրիկները (չորս աղջիկ և մեկ տղա) ծնվել էին 600, 820, 840, 840 և 880 գրամ քաշով։ Անհրաժեշտ վերակենդանացման միջոցառումներ ցուցաբերելուց անմիջապես հետո նորածիններից երկուսը` տղան և աղջիկներից մեկը, տեղափոխվել էին «Մուրացան» բժշկական համալիր։ Նորածիններից մեկը տեղափոխվել էր «Սուրբ Աստվածամայր» ԲԿ-ի, իսկ մյուսը` Մոր և մանկան առողջության պահպանման գիտահետազոտական կենտրոնի վերակենդանացման բաժանմունքներ։ Փոքրիկներից մեկը մնացել էր «Էրեբունի» ԲԿ-ի նորածնային վերակենդանացման բաժանմունքում։
