102-րդ ռազմակայան

Անհետ կորած ռուս զինծառայողի մոտ զենք չկա. որոնողական աշխատանքները շարունակվում են

44
(Թարմացված է 15:27 19.04.2017)
Ռուսական ռազմակայանից անհետ կորած զինծառայողի մոտ զենք չկա։ Շիրակի մարզի դատախազը գյումրեցիներին հորդորում է չանհանգստանալ։

ԵՐԵՎԱՆ, 19 ապրիլի — Sputnik, Արմենուհի Մխոյան. Շիրակի մարզի իրավապահ մարմիններն այս պահին շարունակում են Գյումրիի ռուսական 102 ռազմակայանից անհետ կորած զինծառայող, ՌԴ քաղաքացի, 35-ամյա Դմիտրի Լոշմանովի որոնման աշխատանքները: Այս մասին Sputnik Արմենիային տեղեկացրեց Շիրակի մարզի դատախազ Կարեն Գաբրիելյանը:

«Ակտիվ որոնողական աշխատանքներ են իրականացվում, ՀՀ քննչական վարչությունում այդ կապակցությամբ նյութեր են նախապատրաստում: Այս պահի դրությամբ այլ տեղեկություն չեմ կարող ասել»,-նշեց Կարեն Գաբրիելյանը՝ հաստատելով, որ իրենց ունեցած տեղեկությունների համաձայն` պայմանագրային զինծառայող Լոշմանովը եղել է առանց զենք ու զինվորական համազգեստի:

«Մեր ունեցած` տվյալներով եղել է քաղաքացիական հագուստով, առանց զենքի: Իսկ այս ընթացքում նրան ինչ-որ մեկը տեսել է, թե ոչ, կամ վերջինիս գտնվելու վայրի մասին ոչինչ չեմ կարող ասել, քանի որ որոնողական աշխատանքները դեռ ընթացքի մեջ են»,-նշեց դատախազը։

Նա կոչ արեց գյումրեցիներին չանհանգստանալ:

«Անհանգստանալու պատճառ չեմ տեսնում՝ անձը դուրս է եկել տանից՝ առանց զենքի ու համազգեստի, ու այս պահի դրությամբ նրա գտնվելու վայրի մասին տեղեկություն չկա: Ամեն դեպքում անհանգստանալու պատճառ չկա»,- շեշտեց Գաբրիելյան:

Նշենք, որ այս պահին քաղաքում իրարանցում չկա:

3 օր առաջ Գյումրիի ռուսական 102 ռազմակայանից անհետ կորած զինծառայող, ՌԴ քաղաքացի 35-ամյա Դմիտրի Լոշմանովի անհետացման մասին ոստիկանության Մուշի բաժնում հաղորդում է ստացվել ապրիլի 18-ին, ժամը 11.10-ին, թեև Լոշմանովը զորամասից գնումներ կատարելու նպատակով դուրս էր եկել դրանից 2 օր առաջ՝ ապրիլի 16-ին, ժամը 9.30-ի սահմաններում և չէր վերադարձել: Ոստիկանության հաղորդագրության մեջ նշվում է, որ Լոշմանովը շուրջ 170 սմ հասակով, միջին կազմվածքով տղամարդ է: Հագին եղել է մոխրագույն մարզահագուստ, սև կիսաբաճկոն և սպորտային կոշիկներ։

Русская версия

44
Ըստ թեմայի
Ռուս զինծառայողը հայտարարվել է անհետ կորած
102-րդ ռազմաբազայի զինծառայողը ոչ թե փախել է, այլ որոնվում է որպես անհետ կորած