Կապիկներ

Հայաստանը կլքի 33 կապիկ

20
Երևանի բնապահպանության նախարարությունը թույլատրել է 2017 թվականին ավելի քան 30 կապիկ արտահանել Հայաստանից։

ԵՐԵՎԱՆ, 12 ապրիլի — Sputnik. ՀՀ բնապահպանության նախարարության աշխատակազմի կենսառեսուրսների կառավարման գործակալությունը թույլատրել է 2017 թվականին երկիր ներմուծել 1 վագր, արտահանել` 33 կապիկ։ Այս մասին հայտնում է բնապահպանության նախարարության մամուլի ծառայությունը։

Տրամադրվել է արտահանման թույլտվություն թառափազգիների ձկների ՝ 488 հատ (331900կգ), թառափի խավիարի՝ 4 հատ (168.969կգ), թառափի պահածո՝ 17 հատ (118419կգ), անձնական՝ 3 հատ թութակի, ներմուծման նպատակով՝ 1 հատ վագր, վերարտահանման նպատակով՝ 33 հատ կապիկ և 1 հատ կրիա:

ՀՀ բնապահպանության նախարարության աշխատակազմի կենսառեսուրսների կառավարման գործակալությունը հունվարի 1-ից մինչև ապրիլի 1-ն ընկած ժամանակահատվածում տրամադրել է «Անհետացման եզրին գտնվող վայրի կենդանական ու բուսական աշխարհի տեսակների միջազգային առևտրի մասին» կոնվենցիայով (CITES) կարգավորման 515 թույլտվություն (հավաստագիր):

Русская версия

20